ព័ត៌មានអន្ដរជាតិ

នាយករដ្ឋមន្ត្រី Han Duck-soo បន្តការងារពី Yoon Suk Yeol ដើម្បីដោះវិបត្តិកូរ៉េ

បានផុស

១ year មុន

នៅ

ថ្ងៃសៅរ៍ ១៤ ធ្នូ ២០២៤

ដោយ

នាយករដ្ឋមន្ត្រី Han Duck-soo ដែលមានប្រវត្តិរៀននៅសាកលវិទ្យាល័យ Harvard ដ៏ល្បីល្បាញរបស់សហរដ្ឋអាមេរិក នឹងដឹកនាំប្រទេសកូរ៉េខាងត្បូងបណ្តោះអាសន្ន បន្ទាប់ពីសភាកូរ៉េខាងត្បូងដកអំណាចប្រធានាធិបតី Yoon Suk Yeol។

យោងការផ្សាយរបស់ The Guardian លោកនាយករដ្ឋមន្ត្រី Han Duck-soo បានប្តេជ្ញាធានាការដឹកនាំឲ្យមានស្ថិរភាព។

លោកត្រូវបានស្រង់សម្តី ដូចនេះថា៖«ខ្ញុំនឹងបូជាថាមពលនិងការព្យាយាមដែលខ្ញុំមានទាំងអស់ ដើម្បីធានាអភិបាលកិច្ចស្ថេរភាព»។

តាមសេចក្តីរាយការណ៍របស់សារព័ត៌មានបរទេស លោក Han Duck-soo ដែលនឹងកាន់តំណែងប្រធានាធិបតីស្តីទីរបស់កូរ៉េខាងត្បូង បន្ទាប់ពីការចោទប្រកាន់របស់សភាប្រឆាំងលោក Yoon Suk Yeol ប្រឈមមុខនឹងបញ្ហាប្រឈមសំខាន់ៗ រួមទាំងការគំរាមកំហែងនុយក្លេអ៊ែរ និងការធ្លាក់ចុះសេដ្ឋកិច្ចក្នុងស្រុក។

ជាមួយនឹងបទពិសោធន៍ជាច្រើនទសវត្សរ៍ តួនាទីរបស់លោក Han Duck-soo អាចបន្តរហូតដល់ការសម្រេចចិត្តរបស់តុលាការធម្មនុញ្ញ ឬការបោះឆ្នោតជាបន្តបន្ទាប់។ លោក Han Duck-soo បានរក្សាជំហរមិនលំអៀង ចំពេលមានភាពចលាចលនយោបាយ ត្រូវបានចាត់ទុកថាល្អ។

ការចោទប្រកាន់របស់លោក Yoon ដែលទាក់ទងនឹងការប៉ុនប៉ងដ៏ចម្រូងចម្រាសក្នុងការដាក់ច្បាប់អាជ្ញាសឹក បានផ្អាកតួនាទីប្រធានាធិបតីរបស់គាត់ ដោយដាក់ Han ឱ្យទទួលបន្ទុកជាបណ្តោះអាសន្ន។ ក្នុងអំឡុងពេលអន្តរកាលនេះ លោក Han នឹងត្រូវពិនិត្យមើលភាពតានតឹងអន្តរជាតិជាមួយកូរ៉េខាងជើង និងដោះស្រាយកង្វល់សេដ្ឋកិច្ចក្នុងស្រុក។

គោលជំហរនឹងធឹងពិសេសរបស់ លោក Han វ័យ៧២ឆ្នាំ ពិតជាមានសារៈសំខាន់ខ្លាំងណាស់នៅពេលនេះ សម្រាប់ការគ្រប់គ្រងបែបអភិរក្សនិយម និងសេរី ដែលកំពុងធ្វើឲ្យកូរ៉េខាងត្បូនធ្លាក់ចូលទៅក្នុងវិបត្តិនយោបាយដ៏ធ្ងន់ធ្ងរ។

ឥទ្ធិពលរបស់លោក Han ក្នុងឋានៈជាប្រធានាធិបតីស្តីទី នឹងមានសារសំខាន់ និងមានសក្តានុពលយូរអង្វែង រហូតដល់ការសម្រេចចិត្តអចិន្ត្រៃយ៍ត្រូវបានធ្វើឡើងដោយតុលាការធម្មនុញ្ញ។ ទោះបីជាយ៉ាងនេះក៏ដោយ ជំហរមិនលំអៀងរបស់គាត់ចំពោះរដ្ឋនៅតែជាចំណុចកណ្តាល ដោយតួនាទីកន្លងមកបង្ហាញពីជំនាញរបស់គាត់ក្នុងផ្នែកការទូត និងគោលនយោបាយសេដ្ឋកិច្ច ជាពិសេសការរួមចំណែករបស់គាត់ចំពោះកិច្ចព្រមព្រៀងពាណិជ្ជកម្មសេរីអាមេរិក-កូរ៉េខាងត្បូង៕

ដោយ រ៉ាន់ រើយ