ព័ត៌មានជាតិ
ប.ស.ស បង្ហាញ QR Code សម្រាប់សមាជិកស្គែនស្វែងរកអាសយដ្ឋានមន្ទីរពេទ្យដៃគូ ប.ស.ស នៅទូទាំងប្រទេស
បេឡាជាតិសន្តិសុខសង្គម(ប.ស.ស) បានឱ្យដឹងថា ឥឡូវនេះ សមាជិក ប.ស.ស ទាំងអស់ ដែលត្រូវប្រើប្រាស់សេវា ប.ស.ស អាចស្វែងរកអាសយដ្ឋានមន្ទីរពេទ្យដៃគូ ប.ស.ស នៅជិតបំផុត តាមរយៈការស្គែន QR Code ឬតាមរយៈដំណភ្ជាប់នេះ «? មន្ទីរពេទ្យដៃគូ ប.ស.ស. (https://nssf.info/?page_id=1369)» ដើម្បីស្វែងរកមន្ទីរពេទ្យដៃគូ ប.ស.ស ទាំងអស់ នៅទូទាំងប្រទេស។
គិតត្រឹមឆ្នាំ ២០២៣ ប.ស.ស បានចុះកិច្ចព្រមព្រៀងជាមួយមូលដ្ឋានសុខាភិបាលសរុបចំនួន ១ ៥៣០ មូលដ្ឋានសុខាភិបាល នៅទូទាំងប្រទេស ក្នុងនោះ មូលដ្ឋានសុខាភិបាលសាធារណៈ (មន្ទីរពេទ្យរដ្ឋ) មានចំនួន ១ ៣៩៥ និងមូលដ្ឋានសុខាភិបាលឯកជន(មន្ទីរពេទ្យឯកជន)មានចំនួន ១៣៥។
ជាមួយគ្នានេះដែរ ប.ស.ស បានណែនាំដល់សមាជិក ប.ស.ស អាចប្ដឹងបុគ្គលិក ឬ មន្ទីរពេទ្យដៃគូណាមួយបានតាមរយៈប្រអប់អនាមិករបស់ក្រសួងការងារ និងបណ្ដុះបណ្ដាលវិជ្ជាជីវៈបាន ក្នុងករណីឃើញមានភាពមិនប្រក្រតីណាមួយកើតឡើងពេលទៅទទួលសេវាដូចជាករណីតម្រូវឱ្យបង់តម្លៃសេវាបន្ថែមលើការព្យាបាលដែលជាក់ស្តែងជាបន្ទុករបស់ ប.ស.ស ការទារសគុណពីសមាជិក ប.ស.ស ចំពោះការប្រើប្រាស់ប័ណ្ណសមាជិក ប.ស.ស ដោយមន្ត្រី ឬ បុគ្គលិក ប.ស.ស ឬ បុគ្គលិកមូលដ្ឋានសុខាភិបាលដៃគូ ប.ស.ស។ ការទទួលបានឱសថមិនគ្រប់ចំនួនតាមវេជ្ជបញ្ជា ការបើកឱសថឱ្យសមាជិក ប.ស.ស ដោយមិនឆ្លងកាត់ការពិគ្រោះជំងឺ ការមិនទទួលបានប្រាក់ឧបត្ថម្ភរបស់រាជរដ្ឋាភិបាលរៀងរាល់ពេលពិនិត្យផ្ទៃពោះ ឬ ពេលទទួលវ៉ាក់សាំងបង្ការជំងឺដល់កូន ការមិនបានទៅប្រើប្រាស់សេវាសុខាភិបាលនៅមូលដ្ឋានជាដៃគូ ប.ស.ស ប៉ុន្តែបែរជាមានទិន្នន័យប្រើប្រាស់សេវាក្នុងប្រព័ន្ធ ប.ស.ស ករណីសង្ស័យអំពីការឃុបឃិតគ្នារវាងបុគ្គលិកសុខាភិបាល និងសមាជិក ប.ស.ស ដែលរៀបចំឯកសារមិនពិតក្នុងគោលបំណងកេងចំណេញអត្ថប្រយោជន៍ណាមួយរបស់ ប.ស.ស។
បេឡាជាតិសន្តិសុខសង្គម បានអំពាវនាវឱ្យមានការចូលរួមទាំងអស់គ្នា ដើម្បីកែលម្អ និងពង្រឹងប្រសិទ្ធភាព នៃការផ្តល់សេវា ប.ស.ស និងលើកកម្ពស់ការផ្តល់សេវាតាមមូលដ្ឋានសេវាសុខាភិបាលដៃគូ ប.ស.ស ដើម្បីតម្លាភាព គណនេយ្យភាព និងនិរន្តរភាព នៃរបបសន្តិសុខសង្គមផ្នែកថែទាំសុខភាពដែលជាឧត្ដមប្រយោជន៍រួមទាំងអស់គ្នា៕
អត្ថបទ ៖ សំអឿន
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម