ប៉ូគីមថេង សុធីតា លើកទឹកចិត្តនារីគ្រប់រូប ត្រូវចេះច្នៃខ្លួនឯងឱ្យមានតម្លៃ

ដោយសង្កេតឃើញមានមិត្តនារីមួយចំនួន ហាក់មានការបាក់ទឹកចិត្តចំពោះខ្លួនឯង ពិសេសផ្តោតលើរូបសម្ផស្សនោះអតីតម្ចាស់មកុដ Miss Grand Cambodia 2021 ប៉ូគីម ថេងសុធីតា បានផ្ញើសារលើកទឹកចិត្តដល់នារីៗឲ្យត្រូវចេះស្រលាញខ្លួនឯងនិ ងច្នៃខ្លួនឯងឲ្យមានតម្លៃទើបអ្នកដទៃគេត្រូវការ។

បវរកញ្ញា ប៉ូគីមថេង សុធីតា បាននិយាយថា នេះជាសារលើកទឹកចិត្តសម្រាប់មិត្តនារីគ្រប់រូប ជូនចំពោះបងប្អូន ដែលហៅខ្ញុំរាងស្អាត លើលោកនេះ មិនមានស្រីអាក្រក់ទេ មនុស្សស្រីទូទាំងពិភពលោកសុទ្ធតែជាស្រីស្អាត តែម្នាក់ៗមានភាពស្រស់ស្អាតរាងខ្លួនទៅតាមធម្មជាតិ ដែលផ្តល់ឱ្យ មិនមានអ្នកណាកើតមកស្អាតល្អគ្រប់ដប់ទេ។

កញ្ញា សុធីតា បានបន្តថា អ្វីដែលសំខាន់ខ្លួនអ្នកដែលជាម្ចាស់ខ្លួន ស្រលាញ់ខ្លួនបានកម្រិតណា ប្រឹងកែប្រែខ្លួនអ្នកបានកម្រិតណា ច្នៃខ្លួនអ្នកឱ្យមានតម្លៃទើបអ្នកដទៃត្រូវកាចូលស្រលាញ់ខ្លួនឯងឱ្យបានច្រើនបំផុត មុននឹងចង់ឱ្យអ្នកដទៃស្រលាញ់អ្នកដែលជាខ្លួនអ្នក សម្រស់ពិតជាសំខាន់ តែអ្វីដែលចាំបាច់បំផុតថែមទៀតនោះ គឺសុខភាពរបស់អ្នក។

ជាមួយគ្នានេះ ក៏មានការបញ្ចេញមតិផងដែរពីអ្នកគាំទ្រ ក្រោយឃើញអតីតម្ចាស់មកុដ Miss Grand Cambodia 2021 ប៉ូគីម ថេងសុធីតា ទម្លាយរូបភាពអតីកាល និងពេលបច្ចុប្បន្ន ខណ:មានការលើកឡើងថា
នាងដូចមនុស្ស២ផ្សេងគ្នាអ៊ីចឹង តែទម្រង់មុខពីមុន Cute ខ្លាំងណាស់។

យ៉ាងណាគេឃើញថា Miss Grand Cambodia 2021 រូបនេះ បន្ទាប់ពីសាងកេរ្តិ៍ឈ្មោះល្បីក្នុងវិស័យបវរកញ្ញា ស្រីស្អាត ប៉ូគឹមថេង សុតធីតា គឺមានឱកាសច្រើនដោយលេចវត្តមាននៅតាមបណ្តាកម្មវិធីតូចធំនានាបន្តបន្ទាប់។ ខណ:ដែលរូបសម្រស់របស់នាងនៅតែស្រស់ស្អាតសម្រាប់អ្នកគាំទ្រ៕ អត្ថបទ៖ ចាន់រ៉ា