ជីវិតកម្សាន្ដ

ប៉ូគីមថេង សុតធីតា ប្ដេជ្ញាធ្វើជាគំរូល្អក្នុងដួងចិត្តប្រជាជនកម្ពុជា និងអ្នកជំនាន់ក្រោយ

បានផុស

៣ years មុន

នៅ

ថ្ងៃអង្គារ ២៩ សីហា ២០២៣

ដោយ

មហាជន និងអ្នកគាំទ្រ បានសម្ដែងក្ដីរំភើបគ្រប់គ្នា ខណៈបវរកញ្ញា ប៉ូគីមថេង សុតធីតា ដែលជាម្ចាស់ជ័យលាភីគ្រងមកុដ Miss Grand Cambodia 2021 ប្រកាសប្ដេជ្ញាចិត្តថា នាងនៅតែជា MGC 2021 ក្នុងដួងចិត្តប្រជាជនកម្ពុជា។

ជាមួយគ្នានេះ ស្រីស្រស់ ប៉ូគីមថេង សុតធីតា ក៏បានសន្យាដែរថា ខិតខំធ្វើរឿងដែលល្អៗ ហើយនិយាយល្អ គិតរឿងល្អៗ ដើម្បីជាគំរូដល់អ្នកជំនាន់ក្រោយៗ ទៀត។ តួយ៉ាងនៅក្នុងឱកាសខួប ១ ឆ្នាំ នៃការផ្ទេរមកុដ សុតធីតា បានរម្លឹកអនុស្សាវរីយ៍ថា «ថ្ងៃគម្រប់ខួបមួយឆ្នាំ ដែល សុតធីតា មិនបានឡើងផ្ទេរមកុដ សំនួរមួយដែលតែងតែទទួលបានពីបងប្អូនគ្រប់គ្នា បង ធីតា មានអារម្មណ៍យ៉ាងណាដែរ?»។

ឆ្លើយតបទៅកាន់អ្នកគាំទ្រ បវរកញ្ញា ២០២១ រូបនេះ បានបញ្ជាក់ថា «បង សុធីតា មិនមានអារម្មណ៍អ្វីទាំងអស់ណា មិនជាអ្វីនោះទេ យ៉ាងណាក៏ជាអនុស្សាវរីយ៍ចងចាំនៅក្នុងចិត្តដែរណា ព្រោះបង ធីតា នៅតែជា MGC 2021 នៃដួងចិត្តប្រជាជនកម្ពុជា ខំធ្វើល្អ និយាយល្អ គិតរឿងល្អៗ ដើម្បីជាគំរូដល់អ្នកជំនាន់ក្រោយៗ ទៀត»។

គេកត់សម្គាល់ឃើញថា Miss Grand Cambodia 2021 រូបនេះ បន្ទាប់ពីសាងកេរ្តិ៍ឈ្មោះល្បីក្នុងវិស័យបវរកញ្ញា ស្រីស្អាត ប៉ូគីមថេង សុតធីតា មានឱកាសច្រើន ដោយលេចវត្តមាននៅតាមបណ្ដាកម្មវិធីតូចធំនានា ជាបន្តបន្ទាប់៕

អត្ថបទ ៖ ចាន់រ៉ា