ជីវិតកម្សាន្ដ

ម៉ូលីកា ឧបត្ថម្ភថវិកា១ពាន់ដុល្លារតាមលោកជំទាវ ហ៊ុន ស៊ីណាត ដើម្បីជួយកុមារកំព្រា

បានផុស

៥ years មុន

នៅ

ថ្ងៃសុក្រ ៦ វិច្ឆិកា ២០២០

ដោយ

តារាចម្រៀងស្រី អ្នកនាង ម៉ូលីកា និងស្វាមីលោក ហុង ម៉ានុណ ហៅឆានុន បានទៅជួបផ្ទាល់ជាមួយលោកជំទាវ ហ៊ុន ស៊ីណាត ដែលជាប្អូនស្រីបង្កើតរបស់សម្តេចតេជោ ហ៊ុន សែន នឹងបានឧបត្ថម្ភនូវថវិកា ចំនួន១០០០ដុល្លារ តាមរយៈលោកជំទាវ ដើម្បីជួយដល់កុមារកំព្រា នៅខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវ ហ៊ុន ស៊ីណាត បានសរសេរសារថ្លែងអំណរគុណដល់តារាស្រី ម៉ូលីកា ថា”តាំងនាមកូនស្រី នឹម វណ្ណៈ ប្រធានអង្គការសប្បុរសធម៌កម្ពុជាកុលបុត្រ សូមថ្លែងអំណរគុណដល់សប្បុរសជន ដែលបានជួយថវិកាដល់កុមារកំព្រា ដែលស្ថិតនៅភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប។

១. កូនប្រុស ហុង ម៉ានុណ និងកូនស្រី អឿន ម៉ូលីកា ១០០០ដុល្លារ។ សូមជូនពរដល់កូនៗទាំងអស់ សូមឲ្យបានជួបតែនិងពុទ្ធពរទាំងបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ”។ លោកជំទាវ ហ៊ុន ស៊ីណាត ដែលតែងតែបង្ហាញការរាប់អាន និងអញ្ជើញចូលរួមកម្មវិធីតារាសិល្បៈទូទៅ ដោយមិនប្រកាន់នោះ បានបង្ហាញភាពស្និតស្នាលជាមួយម៉ូលីកា និងស្វាមីដូចកូនចៅរបស់លោកជំទាវដែរ។ លោកជំទាវ ហ៊ុន ស៊ីណាត ថែមទាំងបានបីកូនស្រីម៉ូលីកា កុមារីឈ្មោះ”នុន ច័ន្ទម៉ូនីតា“ដោយក្ដីស្រលាញ់ដូចជាចៅបង្កើតរបស់លោកជំទាវទៀតផង ទើបធ្វើឲ្យអ្នកនាង ម៉ូលីកា និងលោកឆានុន រំភើបចិត្តខ្លាំង។ អ្នកនាង ម៉ូលីកា បានបញ្ចេញសារថា”នីតា កូនម្ដាយកូនមានសំណាងណាស់ បានលោកជំទាវ ឲ្យពរកូន សូមឲ្យកូនរៀនចេះឆ្លាត ធ្វើជាមនុស្សល្អ ចេះជួយដល់សង្គម ឲ្យឆ្លងតាមលោកជំទាវយាយ ហ៊ុន ស៊ីណាត ណាកូន ថ្ងៃនេះ មកលេងជំទាវម៉ែ សប្បាយណាស់”។

គួររលឹកថា ជាញឹកញាប់ គេកត់សម្គាល់ឃើញតារាចម្រៀងស្រី អ្នកនាង ម៉ូលីកា តែងតែបង្ហាញសកម្មភាពសប្បុរសធម៌ជាបន្ដបន្ទាប់ ដើម្បីចូលរួមជួយដល់សង្គមដូចជាមុននេះ នាងបានបរិច្ចាគនូវថវិកាមួយចំនួន ជូនដល់រាជរដ្ឋាភិបាល ដើម្បីទប់ស្កាត់ជំងឺកូវីដ-១៩ និងជនរងគ្រោះ ដោយទឹកជំនន់ ផងដែរ៕

អត្ថបទ៖ ចាន់រ៉ា

សូមចុចអាន៖ “ភូមិខ្ញុំ update” តន់ ចាន់សីម៉ា និពន្ធឲ្យ ព្រាប សុវត្ថិ ច្រៀងពីមុនរងការរិះគន់ថា មិនគួរឲ្យក្មេង និពន្ធនោះឥឡូវកំពុងផ្ទុះខ្លាំង ……