ខាត់ ស្រីច័ន្ទ លើកទឹកចិត្តស្ត្រីៗត្រូវតែក្លាហានក្នុងប្រឈមមុខនឹងតបតដេីម្បីការពារកិត្តិយសខ្លួនឯង

អ្នកគ្រប់គ្រង Miss Mera Cambodia កញ្ញា ខាត់ ស្រីច័ន្ទ បានចេញមកបំផុសនិងលើកទឹកចិត្តដល់នារីៗដែលរងគ្រោះ ឬរងការប្រមាថកិត្តិយសពីសំណាក់បុគ្គលមួយចំនួន ត្រូវតែក្លាហានក្នុងប្រឈមមុខនឹងតបតដេីម្បីការពារសុវត្តិភាពខ្លួនឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ខាត់ ស្រីច័ន្ទ ចេញមុខលើកឡើងបែបនេះ ក្រោយសង្កតឃើញមួយរយ:ចុងក្រោយនេះ មានមនុស្សស្រីមួយចំនួន បានរងការមើលងាយដោយពាក្យសម្តីមិនសមរម្យពីសំណាក់មនុស្សមួយចំនួន ពិសេសគឺមនុស្សប្រុសតែម្តង។ ជាក់ស្តែង គឺកកើតលលើកញ្ញា មុនីរស្មី ម៉ូដែលលើកស្លាកក្នុងកម្មវិធីកីឡាតែម្តង។

កញ្ញា ខាត់ ស្រីច័ន្ទ បានលើកឡើងចំៗថា ខ្ញុំឃេីញមកជាយូរហេីយ មិនមែនទេីបតែកេីតឡេីងនៅក្នុងសង្គមនេះទេ វាប្រៀបបានដូចជាមេរោគដែលឆ្លងមិនចេះអស់ ពេលខ្លះ ធនធានល្អមានតម្លៃបែរជាត្រូវគេមេីលរំលងទៅវិញ ការបៀតបៀន ការមេីលងាយ ក្នុងខ្សែភ្នែកបុរសមកលេីស្រ្តី និងស្រ្តីខ្លះក៏មានចំណែកក្នុងការមេីលងាយស្រ្តីដូចគ្នាផងដែរ គ្រាន់តែក្រោមរូបភាពផ្សេងគ្នា។

កញ្ញា ខាត់ ស្រីច័ន្ទ បានលើកឡើងបន្ថែមថា ដូច្នេះហើយយេីងត្រូវតែក្លាហានក្នុងប្រឈមមុខ និងតបតក្នុងរូបភាព ដេីម្បីការពារសុវត្តិភាពដល់ខ្លួនឯង។ តាមរយ:ការលើកឡើងខាងលើនេះ ក៏មានការបញ្ចេញមតិគាំទ្រមួយចំនួន នូវគំនិតរបស់កញ្ញា ខាត់ ស្រីច័ន្ទ ផងដែរ៕ អត្ថបទ៖ ចាន់រ៉ា