ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម

ក្រោយបញ្ចប់កម្មវិធីក្នុងស្រុក Miss Mera Cambodia 2024 បានទៅដោយជោគជ័យ និងមានការកោតសរសើរពីការរៀបចំបានល្អគួរឲ្យគាប់ប្រសើរមកនោះ កញ្ញា ខាត់ ស្រីច័ន្ទ (Kate Cat) បាននឹងកំពុងឲ្យតម្រុយថាអាចបង្កើតកម្មវិធី International មានបេក្ខភាព ៣០ ទៅ ៤០ ប្រទេសចូលរួម។

កញ្ញា ខាត់ ស្រីច័ន្ទ (Kate Cat) ដែលគ្រប់គ្នាស្គាល់ថា ជាអតីតបវរកញ្ញាលំដាប់រងទី៤ និងជា ND កម្មវិធី Miss Mera Cambodia 2024 ទើបបញ្ចប់ការប្រកួតទៅថ្មីៗនេះ ព្រមទាំងទទួលបានជោគជ័យ និងការគាំទ្រគួរឲ្យកត់សម្គាល់។ ទន្ទឹមនឹងនោះ កម្មវិធី Miss Mera Cambodia 2024 ក៏បានរកឃើញម្ចាស់មកុដលើកដំបូងរបស់ខ្លួន គឺ កញ្ញា ថាន រតនា ដែលជាក្មេងស្រីពោរពេញទៅដោយសមត្ថភាព និងការខិតខំតស៊ូប្រឹងប្រែងរហួតទទួលបានជយជម្នះ។

កម្មវិធីចប់មិនទាន់បាត់ក្ដៅផង ម្ចាស់កម្មវិធី Miss Mera Cambodia 2024 កញ្ញា ខាត់ ស្រីច័ន្ទ (Kate Cat) បានបង្ហោះសារដូចជាឲ្យតម្រុយថា អាចនឹងមានកម្មវិធី Miss Mera International ដោយនាងបានបង្ហោះថា ” International ត្រឹម 30 to 40 សិនអីល្មមមែនអត់? “។ តាមរយៈការបង្ហោះសារមួយនេះ បានធ្វើឲ្យអ្នកគាំទ្រវិស័យបវរកញ្ញាជាច្រើនបានបញ្ចេញមតិយោបល់ព្រាងព្រោត សម្ដែងនៃការគាំទ្រឲ្យកញ្ញា ខាត់ ស្រីច័ន្ទ រៀបចំការប្រកួតឡើង​ តែទោះបីជាយ៉ាងណាក៏ដោយនៅមិនទាន់មានការបញ្ជក់ច្បាស់លាស់នៅឡើយទេថា កម្មវិធី Miss Mera នឹងមានថ្នាក់អន្តរជាតិ ដូច្នេះសូមរង់ចាំមើលទាំងអស់គ្នា៕

អត្ថបទ៖ ផានិត