IU ថា ​មិន​ចង់បាន​មរតករបស់​ឪពុក​ម្តាយ​ទេ

នៅក្នុងវគ្គថ្មីនៃ «Salon Drip 2» ដែលបានចេញផ្សាយនៅលើប៉ុស្តិ៍ YouTube ‘TEO’ នៅថ្ងៃទី ១១ ខែមីនា កំពូលតារាចម្រៀង និងជាតារាសម្តែង IU (ឈ្មោះពិត Lee Ji Eun) បានបង្ហាញខ្លួនជាភ្ញៀវ។ នៅក្នុង​វីដេអូ​នោះ នាងបាន​លើក​ឡើង​ថា គ្មានចេតនាចង់ទទួលមរតកទ្រព្យសម្បត្តិរបស់ឪពុកម្តាយទេ។

នៅពេលដែលពីធីករ Jang Do Yeon សួរពាក់ព័ន្ធនឹងគ្រួសារ IU បានឆ្លើយថា នាងបានឯករាជ្យផ្នែកហិរញ្ញវត្ថុរួចហើយ ។ ជាពិសេស នាង​មិន​គិត​ថា​ឪពុក​ម្តាយ​របស់មាន​ចេតនា​ទុក​មរតក​ឲ្យនាងទេ ។

តារាស្រីរូបនេះ បានបន្ថែមថា «ខ្ញុំបានសួរថា តើពួកគេនឹងបែងចែកមរតកដោយរបៀបណា ហើយប៉ារបស់ខ្ញុំបាននិយាយថា គាត់នឹងបែងចែកវាឲ្យស្មើៗគ្នាក្នុងចំណោមពួកយើងទាំងបួន។ ដូច្នេះខ្ញុំបានប្រាប់គាត់ថា គ្រាន់តែដកខ្ញុំ ហើយចែកវាទៅជាភាគបីដោយគ្មានចំណែករបស់ខ្ញុំ»។

តារាសម្ដែអបិងចម្រៀង រ IU បានបង្ហាញខ្លួនជាលើកដំបូងក្នុងឆ្នាំ ២០០៨ ជាមួយនឹងបទចម្រៀង “Lost Child” ។ នាងទទួលបានប្រជាប្រិយភាពជាមួយនឹងការទស្សនាដូចជា “Boo” និង “Marshmallow” ហើយបានពង្រឹងភាពជាតារារបស់នាងជាមួយនឹង “Good Day” ក្នុងឆ្នាំ ២០១០ ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ធ្លាយពាក្យចចាមអារ៉ាមថា Jay Chou ចាញ់ល្បែង ដល់ថ្នាក់បញ្ចាំផ្ទះ និងយន្តហោះឯកជន