ព័ត៌មានអន្ដរជាតិ
ថៃ រៀបចំលុបច្បាប់លើការហាមឃាត់ការលក់គ្រឿងស្រវឹងនៅពេលរសៀល
ប្រទេសថៃ កំពុងពិចារណាដកបម្រាមលើការផ្សព្វផ្សាយពាណិជ្ជកម្ម និងលក់គ្រឿងស្រវឹងនៅពេលរសៀល ដែលជាការរឹតបន្តឹងដែលមានតាំងពីឆ្នាំ១៩៧២។ វិធានការនេះមានគោលបំណងជំរុញវិស័យទេសចរណ៍ និងជំរុញកំណើនសេដ្ឋកិច្ចជាតិ។
សមាជិកក្នុងសភាតំណាងរាស្រ្ត ៥០០នាក់បានបោះឆ្នោតកាលពីថ្ងៃទី១៩ខែមីនា ដើម្បីអនុម័តច្បាប់ស្តីពីការគ្រប់គ្រងគ្រឿងស្រវឹងដែលបានធ្វើវិសោធនកម្ម។ ច្បាប់នេះនឹងត្រូវការការអនុម័តពីព្រឹទ្ធសភាបន្ថែមទៀត។
បទប្បញ្ញត្តិបច្ចុប្បន្នហាមមិនឲ្យលក់ភេសជ្ជៈមានជាតិអាល់កុលចន្លោះពីម៉ោង២រសៀលដល់ម៉ោង៥ល្ងាច ដែលជាវិធានការដើមឡើយត្រូវបានអនុវត្តដើម្បីទប់ស្កាត់ការផឹកស្រាពេលថ្ងៃត្រង់ក្នុងចំណោមមន្ត្រីរាជការ។ នាយករដ្ឋមន្ត្រីថៃលោកស្រី Paetongtarn Shinawatra បានបញ្ជាឲ្យអាជ្ញាធរពាក់ព័ន្ធពិនិត្យមើលការរឹតបន្តឹងទាំងនេះ ដោយទទួលស្គាល់ការព្រួយបារម្ភពីវិស័យសេដ្ឋកិច្ចផ្សេងៗ ដែលចាត់ទុកវាជាឧបសគ្គដល់អាជីវកម្ម និងទេសចរណ៍។
សមាគមធុរកិច្ច ជាពិសេសនៅក្នុងឧស្សាហកម្មម្ហូបអាហារ ភេសជ្ជៈ និងទេសចរណ៍ បានស្វាគមន៍ចំពោះគំនិតផ្តួចផ្តើមនេះ។ ពួកគេអះអាងថា ការហាមប្រាមនេះប៉ះពាល់អវិជ្ជមានដល់ប្រាក់ចំណូល និងជារនាំងឧបសគ្គដល់ប្រទេសថៃក្នុងនាមជាគោលដៅទេសចរណ៍។ ការលុបចោលការហាមប្រាមនេះ នឹងរំពឹងបង្កើតចំណូលបានជាង ៥០ពាន់លានបាត (ប្រហែល ១,៤៨ពាន់លានដុល្លារ) នៅក្នុងសកម្មភាពសេដ្ឋកិច្ចផ្ទាល់ជារៀងរាល់ឆ្នាំពីទាំងអ្នកទេសចរបរទេស និងអ្នកប្រើប្រាស់ក្នុងស្រុក។
រដ្ឋាភិបាលថៃ កំពុងខិតខំធ្វើឲ្យមានតុល្យភាពកំណើនទេសចរណ៍ ជាមួយនឹងទំនួលខុសត្រូវសង្គម។ ខណៈពេលដែលការបន្ធូរបន្ថយការរឹតបន្តឹងអាចបង្កើនប្រាក់ចំណូលអាជីវកម្មនិងទេសចរណ៍ វិធានការផ្សេងទៀតក៏នឹងត្រូវបានអនុវត្តដើម្បីបញ្ចៀសយុវជនពីការប្រើប្រាស់គ្រឿងស្រវឹងផងដែរ។
សូមបញ្ជាក់ថា នេះគឺជាផ្នែកមួយនៃយុទ្ធនាការ «Amazing Thailand Grand Tourism & Sports Year 2025» ដែលមានគោលបំណងទាក់ទាញភ្ញៀវបរទេសចំនួន ៤០លាននាក់ និងបង្កើតប្រាក់ចំណូលពីទេសចរណ៍ចំនួន ២,៨ទ្រីលានបាត (៨៣,២ពាន់លានដុល្លារ) នៅក្នុងឆ្នាំ២០២៥។
រដ្ឋាភិបាលត្រូវបានគេរំពឹងថានឹងធ្វើការសម្រេចចិត្តលើបញ្ហានេះនៅមុនពិធីបុណ្យ Songkran ក្នុងខែមេសាខាងមុខ ដែលជារយៈពេលដែលមានវិស័យទេសចរណ៍ច្រើនបំផុតនៅក្នុងប្រទេសថៃ៕
ដោយ៖ ឈាង
-
ព័ត៌មានជាតិ១ សប្តាហ៍ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
សេដ្ឋកិច្ច៣ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ១ សប្តាហ៍ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ៣ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ១ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម១ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៣ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី