ព័ត៌មានអន្ដរជាតិ
លោក Trump ៖ លោក Biden មិនគួរអះអាងដោយខុសថា ខ្លួនទទួលបានជ័យជម្នះក្នុងការបោះឆ្នោតឡើយ
លោកប្រធានាធិបតី Donald Trump កាលពីថ្ងៃសុក្រ ទី៦ ខែវិច្ឆិកា បានប្រាប់គូប្រជែងលោក Joe Biden មិនត្រូវអះអាងដោយខុសទាំងស្រុងពីជ័យជម្នះរបស់ខ្លួននោះទេ ខណៈបច្ចុប្បន្នសម្លេងបោះឆ្នោតនៃគណបក្សប្រជាធិបតេយ្យរបស់លោក Biden បាននាំមុខដែលមិនអាចប្រកែកបាន ។
លោក Trump បានសរសេរលើបណ្ដាញ Twitter ថា “លោក Joe Biden មិនគួរអះអាងដោយខុសទាំងស្រុងថាគាត់ជាប្រធានាធិបតីនោះទេ។ ខ្ញុំក៏អាចអះអាងបែបនោះបានដែរ ។ នីតិវិធីច្បាប់កំពុងតែចាប់ផ្តើមហើយ! ” ។
ទន្ទឹមនោះលោក Trump ផ្ទាល់ក៏ធ្លាប់បានអះអាងម្តងហើយម្តងទៀតផងដែរថា លោកបានឈ្នះការបោះឆ្នោតកាលពីថ្ងៃអង្គារ ខណៈលទ្ធផលរាប់សន្លឹកឆ្នោតបណ្ដោះអាសន្នពេលនោះចង្អុលបង្ហាញថា លោកអាចនឹងក្លាយជាប្រធានាធិបតីមួយអាណត្តិទៀត ។
នៅក្នុងសេចក្តីថ្លែងការណ៍មួយដែលត្រូវបានចេញផ្សាយតាមរយៈសេតវិមានកាលពីព្រឹកថ្ងៃសុក្របានឲ្យដឹងថា លោក Trump បានប្តេជ្ញាបន្តការតស៊ូតាមនីតិវិធីផ្លូវច្បាប់របស់គាត់ដដែល ។
លោកបាននិយាយថា “យើងនឹងបន្តដំណើរការនីតិវិធីនេះតាមគ្រប់ផ្នែកនៃច្បាប់ដើម្បីធានាដល់ប្រជាជនអាមេរិកមានទំនុកចិត្តលើរដ្ឋាភិបាលរបស់យើង ។ ខ្ញុំនឹងមិនបោះបង់ចោលការតស៊ូដើម្បីអ្នក និងប្រទេសជាតិរបស់យើងឡើយ” ។
គួរបញ្ជាក់ថា រហូតមកដល់ពេលនេះលោក Joe Biden ដែលមកពីគណបក្សប្រជាធិបតេយ្យនៅតែបន្តនាំមុខលោក Donald Trump ក្នុងសម្លេងអ្នកបោះឆ្នោតតំណាង ២៦៤ ទល់នឹង ២១៤ ខណៈនៅសល់រដ្ឋចំនួន ៥ ទៀតនៅតែមិនទាន់ប្រកាសលទ្ធផល ហើយដែលអ្នកទទួលបានសម្លេង ២៧០ នឹងទទួលបានជ័យជម្នះក្នុងការបោះឆ្នោតប្រធានាធិបតីសហរដ្ឋអាមេរិក ៕
ប្រែសម្រួលដោយ ៖ ជីវ័ន្ត
ប្រភព ៖ AFP
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ