ព័ត៌មានជាតិ
ឆ្លងចរន្ដអគ្គិសនីឆេះរោងចក្រនៅ7NG ផ្អើលកម្មករទាំងព្រឹក
កម្មករធ្វើការក្នុងរោងចក្រខ្សែភ្លើង ឃ្យុង ស៊ីង នៅតំបន់សេដ្ឋកិច្ចពិសេស(7NG) ផ្អើលរត់ចែកជើងគ្នាទាំងព្រឹក បន្ទាប់ពីមានអគ្គិភ័យឆាបឆេះចេញពីអគារផ្ទះបាយយ៉ាងសន្ធោសន្ធៅ ដោយករណីនេះបណ្ដាលឲ្យមានកម្មករម្នាក់រងរបួស។
ករណីអគ្គិភ័យនេះដែរ បានកើតឡើងនៅព្រឹកថ្ងៃទី២៤ ខែមីនា ឆ្នាំ២០២១ វេលា៨និង០០នាទី ស្ថិតនៅតំបន់សេដ្ឋកិច្ចពិសេស(7NG) ភូមិវិហារសួគ៌ ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។តាមរបាយការណ៍សមត្ថកិច្ចបានឲ្យដឹងថា អគ្គិភ័យបានឆាបឆេះចេញរោងបាយកម្មករទំហ៊ំបណ្ដោយ៨០ម៉ែត្រ និងទទឹង១៥ម៉ែត្រ និងបណ្ដាលឲ្យមានកម្មករម្នាក់រងរបួសស្រាល ឈ្មោះ ភឹម រដ្ឋា ភេទប្រុស អាយុ២៤ឆ្នាំ រស់នៅភូមិព្រៃចាស់ ឃុំវិហារសួគ៌ ស្រុកខ្សាច់កណ្ដាល ជាកម្មករផ្នែកជាង។
សម្ភារៈខូចខាតមាន ម៉ាស៊ីនភ្លើងធំចំនួន១គ្រឿង ម៉ាស៊ីនស្កេនក្រយ៉ៅដៃ១៥គ្រឿង តុបាយ កៅអី កង្ហាមួយចំនួន ។
របាយការណ៍សមត្ថកិច្ចបានបញ្ជាក់ថា ករណីនេះសមត្ថកិច្ចបានប្រើរថយន្តពន្លត់អគ្គិភ័យរបស់ស្រុកខ្សាច់កណ្ដាល១គ្រឿង និងរថយន្តបន្លត់អគ្គិភ័យរបស់ក្រុមហ៊ុន(7NG) ចំនួន ២គ្រឿង ប្រើប្រាស់ទឹកអស់ចំនួន២៥គីប ទើបរលត់ទាំងស្រុង។
សមត្ថកិច្ចបានសន្និដ្ឋានថា ករណីអគ្គិភ័យនេះបណ្ដាលមកពីឆ្លងចរន្ដអគ្គិសនីនៅក្បែររោងបាយ ហើយបានឆាបឆេះផ្នែករោងម៉ាស៊ីនរហូតដល់រោងបាយ តែមិនឆេះដល់កន្លែងធ្វើការរបស់កម្មករនោះទេ៕
អត្ថបទ ៖ សុខុម
-
ព័ត៌មានជាតិ៤ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន