ព័ត៌មានជាតិ

គិតគូរហ្មត់ចត់ប្រព័ន្ធរំដោះទឹកនៅព្រលានតេជោ បង្ការការជន់លិចពីការប្រែប្រួលអាកាសធាតុ

បានផុស

២ ខែ មុន

នៅ

ថ្ងៃសៅរ៍ ២៩ មីនា ២០២៥

ដោយ

អាកាសយានដ្ឋានអន្តរជាតិតេជោដែលកំពុងសាងសង់ចាយទឹកប្រាក់វិនិយោគអស់ប្រមាណ ១ ៥០០ លានដុល្លារ មានការសិក្សាយ៉ាងច្បាស់លាស់លើការរៀបចំប្រព័ន្ធរំដោះទឹកនៅក្នុងព្រលាន ដើម្បីការពារការជន់លិចដែលកើតចេញពីការប្រែប្រួលអាកាសធាតុ។

លោក ខាន់ ឃីសាន សមាជិកគណៈកម្មការដឹកនាំគម្រោង និងប្រធានវិស្វករគម្រោងអភិវឌ្ឍអាកាសយានដ្ឋានតេជោអន្តរជាតិបានថ្លែងថា ការងារបច្ចេកទេសពាក់ព័ន្ធអាកាសយានដ្ឋានតេជោអន្តរជាតិ គឺអ្នកឌីហ្សាញបានគិតគូរយ៉ាងហ្មត់ចត់លើការរៀបចំប្រព័ន្ធរំដោះទឹក។ ប្រព័ន្ធរំដោះទឹក មានការសាងសង់ប្រព័ន្ធលូនៅខាងក្នុងព្រលាន រួមទាំងការសង់ទំនប់ព័ទ្ធជុំវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការរៀបចំទំនប់ព័ទ្ធជុំវិញ អាចការពារទឹកហូរពីក្រៅចូលក្នុងព្រលាន ខណៈក្នុងព្រលានក៏បានសាងសង់ស្ថានីយបូមទឹកខ្នាតធំៗចំនួន ២ ដែលមានសមត្ថភាពអាចបូមទឹកបញ្ចេញបានប្រមាណ ២០ ម៉ឺនម៉ែត្រគីបក្នុងមួយម៉ោង ហើយក៏នឹងមានគម្រោងសាងសង់ស្ថានីយបន្ថែមទៀត តាមតម្រូវការជាក់ស្តែង។ លោក ខាន់ ឃីសាន បន្ថែម។

ដោយសារគម្រោងអាកាសយានដ្ឋានអន្តរជាតិតេជោជាគម្រោងអភិវឌ្ឍរយៈពេលវែង លោក ខាន់ ឃីសាន បានបញ្ជាក់ថា ក្រុមអ្នកឌីហ្សាញបានគិតគូរសម្រាប់ប្រតិបត្តិការរយៈពេលដល់ ១ ០០០ ឆ្នាំ ដែលគ្រប់ផ្នែកត្រូវតែសិក្សាយ៉ាងហ្មតចត់ ដើម្បីបញ្ចៀសហានិភ័យនៅថ្ងៃអនាគត៕