ព័ត៌មានអន្ដរជាតិ
អាជ្ញាធរថៃប្រកាស បញ្ចប់ស្ថានភាពមហន្តរាយ នៅបាងកក លើកលែងតែតំបន់អគារដួលរលំ
មជ្ឈមណ្ឌលបញ្ជាការបង្ការ និងកាត់បន្ថយគ្រោះមហន្តរាយរបស់រដ្ឋបាលក្រុងបាងកក (BMA) បានចេញសេចក្តីប្រកាសផ្លូវការមួយកាលពីថ្ងៃព្រហស្បតិ៍ ដោយបញ្ជាក់ថា ស្ថានភាពគ្រោះមហន្តរាយនៅក្នុងតំបន់ទីក្រុងដែលបណ្តាលមកពីការរញ្ជួយដីនៅពេលនេះបានបញ្ចប់ហើយ លើកលែងតែតំបន់អគារដែលដួលរលំមួយប៉ុណ្ណោះ។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី០៤ខែមេសានេះ។
សេចក្តីប្រកាសរបស់ BMA បានឲ្យដឹងថា តំបន់ទាំងអស់នៅក្នុងទីក្រុងលែងជាតំបន់ប្រឈមហានិភ័យគ្រោះមហន្តរាយទៀតហើយ លើកលែងតែតំបន់ជុំវិញការដ្ឋានសាងសង់អគារការិយាល័យសវនកម្មរដ្ឋថ្មី (SAO) នៅលើផ្លូវ Kamphaeng Phet 2 ខណ្ឌ Chatuchak ប៉ុណ្ណោះ។
BMA បានបញ្ជាក់ថា ទោះបីជាស្ថានភាពគ្រោះមហន្តរាយទាំងមូលនៅទីក្រុងបាងកកបានវិលមករកភាពប្រក្រតីវិញក៏ដោយ ក៏ប្រតិបត្តិការរុករក និងជួយសង្គ្រោះនៅតែបន្តនៅអគារដែលបានដួលរលំ។ មន្ត្រីមកពីភ្នាក់ងារផ្សេងៗ រួមទាំងអ្នកជួយសង្គ្រោះ វិស្វករសំណង់ និងក្រុមពេទ្យ កំពុងបន្តកិច្ចខិតខំប្រឹងប្រែងជួយសង្គ្រោះដោយប្រើឧបករណ៍ទំនើប និងបច្ចេកវិទ្យា ដើម្បីកាត់បន្ថយហានិភ័យដល់បុគ្គលិកដែលពាក់ព័ន្ធ។
មកដល់ពេលនេះតំបន់ប្រតិបត្តិការត្រូវបានបែងចែកទៅជាតំបន់ ដោយមានក្រុមការងារចល័តដើម្បីស្វែងរកអ្នកដែលនៅតែអាចជាប់នៅខាងក្នុង។ យន្តហោះគ្មានមនុស្សបើកកំពុងត្រូវបានប្រើប្រាស់ដើម្បីវាស់ស្ទង់ពីខាងលើ ហើយឧបករណ៍ពិសេសកំពុងត្រូវបានប្រើប្រាស់ដើម្បីស្វែងរកសញ្ញាជីវិត។ បន្ថែមពីលើនេះ ក្រុមអ្នកជំនាញដែលមានឯកទេសក្នុងប្រតិបត្តិការជួយសង្គ្រោះនៅតំបន់បាក់ស្រុត ក៏ត្រូវបានដាក់ពង្រាយដើម្បីជួយក្នុងបេសកកម្មនេះផងដែរ។
BMA ក៏បានជំរុញឱ្យសាធារណជនកុំចូលទៅជិតការដ្ឋានសំណង់ ដើម្បីធានាសុវត្ថិភាព និងជៀសវាងការរំខានដល់ការងាររបស់ក្រុមជួយសង្គ្រោះ។ សាធារណជនក៏ត្រូវបានណែនាំឲ្យតាមដានព័ត៌មានថ្មីៗពីអាជ្ញាធរពាក់ព័ន្ធឲ្យបានដិតដល់ និងប្រកាន់ខ្ជាប់នូវការណែនាំផ្លូវការ ខណៈបុគ្គលដែលរងផលប៉ះពាល់អាចទាក់ទងភ្នាក់ងារសម្រាប់ជំនួយ។
សូមបញ្ជាក់ថាគ្រោះរញ្ជួយដីកម្រិត៧.៧រ៉ិចទ័របានវាយប្រហារប្រទេសមីយ៉ាន់ម៉ានិងប្រទេសថៃកាលពីថ្ងៃទី២៨ខែមីនា បណ្ដាលឲ្យអគារ ៣៣ជាន់ កំពុងសាងសង់ក្នុងប្រទេសថៃបាក់រលំសង្កត់កម្មករជាច្រើននាក់។ មកដល់ពេលនេះមានអ្នកស្លាប់ ២២នាក់របួស៣៥នាក់ ភាគច្រើនដោយសារអគារកំពុងសាងសង់ដែលបាក់រលំ ខណៈនៅប្រទេសមីយ៉ាន់ម៉ាអ្នកស្លាប់បានកើនដល់ជិត៤ពាន់នាក់និងរាប់រយនាក់ទៀតនៅតែជាប់ក្រោមគំនរបាក់បែកនៅឡើយ៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន