កីឡា

ពានសម្តេចតេជោ ហ៊ុន សែន វគ្គផ្តាច់ព្រ័ត្រធ្វើនៅពហុកីឡដ្ឋានជាតិមរតកតេជោ

បានផុស

១ year មុន

នៅ

ថ្ងៃចន្ទ ៧ មេសា ២០២៥

ដោយ

ការប្រកួតវគ្គផ្តាច់ព្រ័ត្រ ពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិ លើកទី១៨ រដូវកាល២០២៤-២៥ នឹងធ្វើនៅពហុកីឡដ្ឋានជាតិមរតកតេជោ នាថ្ងៃទី២៥ ខែឧសភា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមខ្លាំង៤បានឡើងទៅវគ្គពាក់កណ្តាលផ្តាច់ព្រ័ត្រគឺ ព្រះខ័នរាជស្វាយរៀង ភ្នំពេញក្រោន វិសាខា និងបឹងកេត។ ការប្រកួតនៅវគ្គពាក់កណ្តាលផ្តាច់ព្រ័ត្រ រវាង ព្រះខ័នរាជស្វាយរៀង និង បឹងកេត ជើងទី១នៅពហុកីឡដ្ឋានជាតិអូឡាំពិក ថ្ងៃទី២៣ ខែមេសា ហើយជើងទី២ នៅកីឡដ្ឋានខេត្តស្វាយរៀង ថ្ងៃទី៧ ខែឧសភា។ ភ្នំពេញក្រោន ទទួល វិសាខា ជើងទី១ ថ្ងៃ២៣ ខែមេសា និងជើងទី២នៅទឹកដីវិសាខា ថ្ងៃទី៧ ខែឧសភា។

ការប្រកួតដណ្តើមចំណាត់ថ្នាក់លេខ៣ និងការប្រកួតវគ្គផ្តាច់ព្រ័ត្រ ដណ្តើមជើងឯកធ្វើនៅពហុកីឡដ្ឋានជាតិមរតកតេជោ។

ពហុកីឡដ្ឋានជាតិមរតកតេជោធ្លាប់បានរៀបចំកម្មវិធីប្រកួតផ្លូវការជាច្រើន ដូចជា ការប្រកួតជើងឯកអាស៊ានអាយុ២២ឆ្នាំ U22 AFF Championship ដែលកម្ពុជាទទួលធ្វើម្ចាស់ផ្ទះកាលពីឆ្នាំ២០២២ និងការប្រកួតជើងឯកអាស៊ានកម្រិតទី១ AFF Championship កាលពីឆ្នាំ២០២២ ព្រមទាំងពិធីបើក-បិទ ព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣។

ចុងក្រោយ ការប្រកួតពានរង្វាន់អាស៊ី AFC Challenge League របស់ ព្រះខ័នរាជស្វាយរៀង ជាមួយ ក្រុមមីយ៉ាន់ម៉ា Shan United កាលពី ថ្ងៃទី៦ ខែមីនា ឆ្នាំ២០២៥៕