Connect with us

កីឡា

Neville ចុចឈ្មោះកីឡាករ ៥ នាក់ ថាមិនល្អគ្រប់គ្រាន់សម្រាប់ Man United ក្រោយស្មើ Man City

បានផុស

នៅ

វីរបុរសរបស់ក្រុមបិសាចក្រហម Manchester United លោក Gary Neville បានទទូចឱ្យអតីតក្លិបរបស់ខ្លួនចុះកុងត្រាយកកីឡាករថ្មី ៥ នាក់ មកបំពេញកន្លែងកីឡាករ ដែលលោកយល់ឃើញ ពុំទាន់ល្អគ្រប់គ្រាន់សម្រាប់ក្រុម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
លោក Gary Neville

លោក Neville បានលើកឡើងបែបនេះ បន្ទាប់ពី Man United បញ្ចប់ការប្រកួត ៩០ នាទីពេញស្មើគ្នា ០-០ ទល់នឹង Manchester City នៅទឹកដី Old Trafford ក្នុងការប្រកួតក្របខណ្ឌ Premier League កាលពីថ្ងៃ អាទិត្យ ទី ៦ យប់មិញ។

ទិដ្ឋភាពប្រកួត

ទាក់ទងនឹងរឿងខាងលើ លោក Neville បានមានប្រសាសន៍ប្រាប់ Sky Sports ក្រោយបញ្ចប់ការប្រកួតយ៉ាងដូច្នេះថា៖ «ពួកគេមកទីនេះទាំងអស់គ្នា ជាមួយគោលបំណងការលេងក្នុងកម្រិតខ្ពស់ កម្លាំងដ៏ខ្លាំងនៅក្នុងបាល់ទាត់ ប៉ុន្តែនៅទីបញ្ចប់ វាបែជាធ្លាក់ចុះនៅក្នុងការប្រកួតធំទៅវិញ។ ខ្ញុំយល់ហើយ ថា ហេតុអ្វីបានជា Ruben Amorim ធ្វើវាអ៊ីចឹងនៅថ្ងៃនេះ ជាមួយកីឡាករ ដែលគាត់មានស្រាប់ ព្រោះថា គាត់គឺមិនមានកីឡាករ ដែលអាចសម្របតាមការចង់បានរបស់លោកឡើយ។ ពួកគេត្រូវការកីឡាករថ្មី ៥ នាក់…។ កីឡាករជួរមុខទាំង ៣ គឺមិនទាន់ល្អគ្រប់គ្រាន់ ហើយចំណែកខ្សែការពារស្លាបទាំង ២ ក៏មិនទាន់ល្អគ្រប់គ្រាន់…»

សូមបញ្ជាក់ថា នៅក្នុងការប្រកួតទល់នឹង Man City យប់មិញ លោក Amorim បានរៀបចំប្រព័ន្ធលេង ៣-៤-៣ ខណៈខ្សែប្រយុទ្ធ ៣ ខាងលើ មាន Rasmus Hojlund, Bruno Fernandes និង Alejandro Garnacho។ រីឯខ្សែការពារស្លាបស្តាំ គឺ Diogo Dalot និងខ្សែការពារស្លាបឆ្វេង គឺ Patrick Dorgu៕

ជម្រើស ១១ នាក់ដំបូងរវាង Man United និង Man City

ប្រែសម្រួលអត្ថបទ៖ សេម កុសល
ប្រភព៖ Sportbible

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម