ព័ត៌មានជាតិ

អ្នកនាំពាក្យ ៖ មន្ត្រីនគរបាលជាតិ៩នាក់ហើយ បានឆ្លងជំងឺកូវីដ១៩និងស្លាប់៣នាក់

បានផុស

៥ years មុន

នៅ

ថ្ងៃសុក្រ ២៦ មីនា ២០២១

ដោយ

ភ្នំពេញ ៖ លោក ឧត្តមសេនីយ៍ឯក ឆាយ គឹមខឿន អគ្គស្នងការរងនិងជាអ្នកនាំពាក្យអគ្គស្នងការដ្ឋាននគរបាលជាតិបានប្រសាសន៍ នៅល្ងាចថ្ងៃទី១៧មីនានេះថា គិតត្រឹមថ្ងៃទី២៦ខែមីនាឆ្នាំ២០២១នេះ មាននគរបាលជាតិចំនួន៩នាក់ហើយ បានឆ្លងជំងឺកូវីដ១៩នៅក្នុងព្រឹត្តិការណ៍សហគមន៍២០កុម្ភៈ ក្នុងនោះមាន៣នាក់បានស្លាប់។

លោក ឧត្តមសេនីយ៍ឯក ឆាយគឹមខឿនបានបន្តថា ក្នុងចំណោមនគរបាលជាតិមានវិជ្ជមានកូវីដ១៩ចំនួន៩នាក់នោះ ក្នុងនោះមាននគរបាលនៅសេនាធិការចំនួន៣នាក់ ខេត្តត្បូងឃ្មុំចំនួន២នាក់ រាជធានីភ្នំពេញចំនួន២នាក់ នៅនាយកដ្ឋានអង្គរក្សម្នាក់និងខេត្តព្រះសីហនុម្នាក់។

លោក ឧត្តមសេនីយ៍ឯក ឆាយគឹមខឿនបានបន្តទៀតថា ចំណែកមន្ត្រីនគរបាលដែលបានស្លាប់ចំនួន៣នាក់ទីជាបុរសមាន អាយុ៥០ឆ្នាំ បានស្លាប់កាលពីថ្ងៃទី១១ ខែមីនា ឆ្នាំ២០២១។ ទី២ជាបុរសមានអាយុ៤៦ឆ្នាំបានស្លាប់នៅថ្ងៃទី១៩ ខែមីនា ឆ្នាំ២០២១និងទី៣ជាបុរសជាមន្ដ្រីនៃស្នងការដ្ឋាននគរបាលរាជធានីភ្នំពេញ ដែលបានទទួលមរណភាពកាលពីរសៀលថ្ងៃទី២៥ ខែមីនា ឆ្នាំ២០២១។

លោក ឧត្តមសេនីយ៍ឯក ឆាយគឹមខឿនបានបន្តទៀតថាចំណែមន្ត្រីនគរបាលចំនួន៦នាក់ទៀតកំពុងសម្រាកព្យាបាលនៅមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឧត្តមសេនីយ៍ឯក ឆាយគឹមខឿន បានណែនាំដល់អង្គភាពនីមួយៗពិសេសមន្ត្រីនគរបាលម្នាក់ៗត្រូវអនុវត្តទៅតាមវិធានាកររបស់ក្រសួងសុខាភិបាល ៣ការពារនិង៣កុំឲ្យបានខ្ជាប់ខ្ជួនដើម្បីបញ្ចៀសនូវការឆ្លងជំងឺកូវីដ១៩មកលើខ្លួនផងក្រុមគ្រួសារនិងសហគមន៍។

លោក ឧត្តមសេនីយ៍ឯក ឆាយគឹមខឿនបានណែនាំទៀតថា ក្នុងករណីមន្ត្រីនគរបាលជាតិណាម្នាក់មានការសង្ស័យថា កើតជំងឺកូវីដ១៩ត្រូវរួសរាន់ប្រញាប់ទៅជួបគ្រូពេទ្យដើម្បីពិនិត្យនិងធ្វើរោគវិនិច្ឆ័យឲ្យបានទាន់ពេលវេលាកុំទុកយូរធ្វើឲ្យស្ថានភាពជំងឺធ្ងន់ធ្ងរ។

គួរបញ្ជាក់ថា គិតត្រឹមព្រឹកថ្ងៃទី២៦មីនានេះ កម្ពុជាមានអ្នកឆ្លងជំងឺកូវីដក្នុងសហគមន៍២០កុម្ភៈចំនួន១៤៤៤នាក់ នៃអ្នកឆ្លងសរុបទូទាំងប្រទេស១៩៦៨នាក់ អ្នកជាសះស្បើយចំនួន១០៧៤នាក់ អ្នកកំពុងសម្រាកពេទ្យចំនួន៨៨៤នាក់និងមានអ្នកស្លាប់ចំនួន៨នាក់រួមទាំងមន្ត្រីនគរបាលជាតិ៣នាក់ផងដែរ៕

ដោយ ៖ សំអឿន