ជីវិតកម្សាន្ដ
បវរកញ្ញា Gupta ទម្លាយថា ជីវិតដ៏វេទនា ចាប់តាំងពីឈ្នះមកុដ MGI
រាជិនីសម្រស់ឥណ្ឌានាង Rachel Gupta ដែលប្រកាសលាលែងពីតំណែងម្ចាស់មកុដ Miss Grand International 2024 កាលពីម្សិលមិញ បានបង្ហោះវីដេអូមួយនៅលើ Instagram ថា នាងមិនបានប្រព្រឹត្តខុសឆ្គងដូចការលើកឡើងនោះទេ។ ប៉ុន្តែភាគីខាងស្ថាប័នឯណោះទេដែលបំពានកិច្ចសន្យា ហើយប្រើប្រាស់នាងដើម្បីលក់ទំនិញនៅលើបណ្តាញសង្គម Tiktok ជំនួសឲ្យការងារមនុស្សធម៌។
នៅក្នុងវីដេអូដែលមានរយៈពេល៥៦នាទី បវរកញ្ញាអន្តរជាតិដំបូងគេមកពីប្រទេសឥណ្ឌា បានរៀបរាប់ពីអ្វីដែលខ្លួនបានឆ្លងកាត់ក្នុងរយៈពេល៧ខែចុងក្រោយនេះ។ នាង Rachel បាននិយាយថា អ្នកជាច្រើនបានដឹងថា អ្វីមួយមិនត្រឹមត្រូវ។ រូបនាងផ្ទាល់ក៏បានអានមតិយោបល់ទាំងអស់ ហើយដឹងថាមនុស្សជាច្រើនបានលួចប្រាប់ថា សម័យកាលរបស់នាងជាជើងឯកនេះ មិនដំណើរការល្អទេ។ មុននិងក្រោយ នឹងមានបញ្ហាជាមួយស្ថាប័នជាក់ជាមិនខាន។
បវរកញ្ញាឥណ្ឌាវ័យ២១ឆ្នាំរូបនេះបាននិយាយបន្ថែមទៀតថា កន្លងមកនាងបានខិតខំប្រឹងប្រែងយ៉ាងខ្លាំង ក្នុងក្តីសុបិនដ៏ធំ ក្នុងការឈ្នះមកុដ MGI។ ប៉ុន្តែអ្វីៗបានត្រឹមជាការខកចិត្ត ព្រោះអ្វីដែលខ្លួនទទួលបានមកវិញគឺការបៀតបៀនឥតឈប់ឈរ ការធ្វើទារុណកម្មផ្លូវចិត្ត ការធ្វើបាប ហើយវាស្ថិតក្នុងកម្រិតជាប្រព័ន្ធតែម្ដង។
Rachel បានបញ្ចាក់ថា វាមិនអាចទៅរួចក្នុងការធ្វើការជាមួយ MGI ដោយសារពួកគេប្រព្រឹត្តចំពោះមនុស្សដូចមិនមែនមនុស្ស។ ពួកគេខ្វល់តែរឿងលុយកាក់ប៉ុណ្ណោះ។ នាងបាននៅក្នុងប្រទេសថៃជាច្រើនខែមកហើយ ប៉ុន្តែស្ថាប័នមិនបានផ្តល់ឲ្យនាងនូវគ្រឿងបរិក្ខារជាមូលដ្ឋានទេ។
នាងបានបន្ថែមថា បន្ទាប់ពីឈ្នះ នាងត្រូវបានផ្តល់កន្លែងស្នាក់នៅទាបនៅជាយក្រុងបាងកក វាដូចជាផ្ទះដែលទ្រុឌទ្រោម ហើយប្រាក់ឧបត្ថម្ភប្រចាំខែរបស់នាងក៏លែងមានឲ្យ បន្ទាប់ពីខែដំបូង។ នាងមិនមានឡានមកទទួល ស្ថាប័នក៏មិនបានផ្តល់ទូរស័ព្ទដៃឲ្យប្រើ ឬចានឆ្នាំងនៅក្នុងផ្ទះសម្រាប់ធ្វើម្ហូបដែរ។ នាងត្រូវកុម្ម៉ង់អាហារពីសេវាដឹកជញ្ជូន ប៉ុន្តែពួកគេមកយឺតដោយសារផ្ទះនៅឆ្ងាយពីក្រុងពេក។ ជាពិសេស ពួកគេបានបង្ខាំនិងចាក់សោរនាងនៅក្នុងផ្ទះ និងហាមឲ្យឡើងទម្ងន់ដើម្បីបង្ហាញខ្លួនក្នុងការលកផលិតផល។
រាជិនីសម្រស់ឥណ្ឌា បានបញ្ចាក់ជាចុងក្រោយថា តាមពិតមុនពេលមកប្រកួត នាងចង់លើកកម្ពស់ការយល់ដឹងពីបញ្ហាសង្គម។ «ហេតុផលតែមួយគត់ដែលខ្ញុំធ្វើនេះ គឺការប្រើសំឡេងរបស់ខ្ញុំក្នុងន័យសំខាន់ជ្រាបទៅដល់មនុស្សគ្រប់គ្នា មិនមែនលក់ទឹកម្ទេស និងទឹកសៀងនៅលើ TikTok ទេ ។ ពួកគេបានប្រើរឿងបញ្ឈប់សង្រ្គាម និងអំពើហិង្សា ប៉ុន្តែគ្រប់យ៉ាងសុទ្ធតែក្លែងក្លាយទាំងអស់។
ទន្ទឹមគ្នានោះដែរ នាង Rachel Gupta បានហៅលោក Nawat និងអ្នកស្រី Teresa ថា ជាអ្នកជំនួញចិត្តត្រជាក់ដែលគ្រាន់តែចង់ទាញយកប្រយោជន៍ និងប្រើប្រាស់បវរកញ្ញាដើម្បីរកលុយពីពួកគេប៉ុណ្ណោះ៕
អត្ថបទ៖ សាង ស្រីល័ក្ខ
ចុចអាន៖បវរកញ្ញា Rachel Gupta ប្រកាសលាលែងតំណែង MGI ឯស្ថាប័នសុំយកមកុដវិញឆាប់ៗ
កងទ័ពអ៊ុយក្រែនបាត់បង់យន្តហោះចម្បាំងបារាំង«Dassault Mirage 2000» លើកដំបូង
កម្ពុជា លើកទឹកចិត្តឱ្យកាតា បណ្តាក់ទុនលើវិស័យកសិកម្មរបស់កម្ពុជា ដើម្បីបង្កើនការនាំចេញ
ក្រសួងព័ត៌មាន និងមជ្ឈមណ្ឌលអាស៊ាន-ចិន ពិភាក្សាពីការបង្កើនកិច្ចសហប្រតិបត្តិការប្រឆាំងព័ត៌មានក្លែងក្លាយ
AFP អំពាវនាវឱ្យជម្លៀសអ្នកកាសែតនៅហ្គាហ្សា ជាបន្ទាន់
សេចក្តីជូនដំណឹង ស្តីពី ការអញ្ជើញចូលរួមពិគ្រោះថ្លៃ ការងារជួសជុលកោសលាបថ្នាំ ចំនួន ១,៨២០ ម៉ែត្រការ៉េ ខាងក្នុងអគារមន្ទីរ និងការងារស្តារលូបង្គន់ ទំហំ ៦មx១០ម ចំនួន ២កន្លែង សម្រាប់ឆ្នាំ២០២៥ ជូនមន្ទីរកិច្ចការនារី ខេត្តព្រះសីហនុ
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?
ថៃលេងល្បិចថ្មី នៅប្រាសាទតាមាន់ធំ ដើម្បីបោកអន្តរជាតិ
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
តុលាការថៃ សម្រេចដាក់ពន្ធនាគារទាហាន ២ រូបដែលវាយសម្លាប់កូនទាហានខ្លួនឯង
-
ព័ត៌មានអន្ដរជាតិ៣ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៤ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា១ សប្តាហ៍ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ២ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៣ ម៉ោង agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង