តាចេក ទម្លាយថា ប្រហែលជា ៤០ឆ្នាំមុន ខ្លួនធ្លាប់ជាទាហានប្រឡូកសមរភូមិបម្រើជាតិ

កន្លងមកប្រហែលជាទស្សនិកជននិងអ្នកគាំទ្រពុំធ្លាប់ដឹងទេថា តារាកំប្លែងជើងចាស់លោក ឈុំ ប៊ុនឈឿន ហៅ តាចេក ធ្លាប់ឆ្លងកាត់ជីវិតក្នុងជួរកងទ័ពនោះទេ ដោយសារតែមហាជនបានឃើញតា ចេក តាមរយ:ការឡើងកំប្លុកកំប្លែងនៅតាមកញ្ចក់ទូរទស្សន៍ប៉ុណ្ណោះ។

តារាកំប្លែងវ័យជាង ៧០ឆ្នាំរូបនេះ បានទម្លាយថា កាលពី៤០ឆ្នាំ មុនរូបគាត់ធ្លាប់ឆ្លងកាត់ជីវិតធ្វើជាកងទ័ពបម្រើជាតិមាតុភូមិ ខណ:បច្ចុប្បន្នគឺជាអ្នកសិល្ប:និងធ្លាក់ខ្លួនលក់បន្លែនៅតាមផ្សារ។ តួយ៉ាង​ ថ្មីៗកន្លងមកនេះ តាចេក ក៏បានបង្ហាញឆន្ទ:ស្នេហាជាតិចង់ចូលរួមបម្រើជាតិមាតុភូមិ ប៉ុន្តែអ្វីដែលតាចេកសោកស្តាយនោះគឺហួសវ័យចូលសមរភូមិបាត់ទៅហើយ។

តារាកំប្លែងជើងចាស់តា ចេក បានឲ្យដឹងថាកាលពី ៤០ឆ្នាំមុន ក្នុងជួរកងទ័ពមកដល់ឥឡូវជាសិល្បករនិងលក់បន្លែ។លោកថា ពេលនេះគាត់លក់នៅផ្សារកំពង់ពិលពារាំងហើយលក់មិនសូវកាក់កបនឹងគេទេ បែរមកលក់បន្តិចបន្តូចនៅផ្ទះវិញហើយ។ តារាកំប្លែងតា ចេក ទោះបីបច្ចុប្បន្ននេះ លោកមានជីវភាពលំបាកខ្វះខាតយ៉ាងណា តែដើម្បីចិញ្ចឹមជីវិតចុងក្រោយគាត់ត្រូវតែខំប្រឹងតស៊ូរទោះជួបការលំបាក ឬឆ្លងកាត់ជីតកម្សត់បែបណាក៏ដោយនោះ។

គេចាំបានថាតារាកំប្លែងតាចេក កាលពីថ្មីៗបានរៀបរាប់ថា លោកនឹកស្ដាយចាស់ហួសនៅពេលដែលប្រទេសមានគេឈ្លានពាន តែស្ដាយនៅតែចិត្តទេលោកក៏ធ្លាប់ចូលសមរភូមិរាប់មិនអស់ដែរ ក៏បានទទួលបានមេដាយប្រាក់ការពារជាតិផងដែរ តែឥឡូវបានកូនប្រុសម្នាក់ជាអ្នកស្នងត្រកូលនៅជួរកងទ័ពសព្វថ្ងៃនេះ៕ ចាន់រ៉ា