ព័ត៌មានអន្ដរជាតិ

ត្រាំចេញក្រឹត្យប្រធានាធិបតីដាក់ឲ្យប្រើច្បាប់ថវិកាថ្មីដ៏ចម្រូងចម្រាសបំផុត

បានផុស

១០ ខែ មុន

នៅ

ថ្ងៃសៅរ៍ ៥ កក្កដា ២០២៥

ដោយ

ប្រធានាធិបតីអាមេរិក លោក ដូណាល់ ត្រាំ បានចុះហត្ថលេខាលើក្រឹត្យប្រធានាធិបតីដាក់ឲ្យប្រើច្បាប់ «បង្កើនពន្ធ បន្តយការចំណាយកម្មវិធីរដ្ឋ» ដែលលោកបរិយាយថា (ច្បាប់ល្អឥតខ្ចោះដ៏ធំ (Big Beautiful Act)) ដ៏ចម្រូងចម្រាស ដែលមានតែសមាជិកសភានៃគណបក្សសាធារណៈរដ្ឋរបស់លោក អនុម័តយល់តែប៉ុណ្ណោះ។

ប្រធានាធិបតី ត្រាំ ចង្អុល ពេលចុះហត្ថលេខា លើក្រឹត្យដាក់ឲ្យប្រើច្បាប់ «One Big Beautiful Bill Act,» REUTERS

ក្រោមកញ្ចប់ច្បាប់ថ្មីនេះ រដ្ឋបាលរបស់លោកដូណាល់ត្រាំ នឹងកៀរគប្រាក់ចន្លោះពី៣ទៅ៤ ទ្រីលានដុល្លារ តាមរយៈការលុបចោលពន្ធលើលុយលើកទឹកចិត្ត (លុយធីប) និងធ្វើការថែមម៉ោង ការកាត់បន្ថយចំណាយលើកម្មវិធីថែទាំងសុខភាព ប្រមាណ១ពាន់ពាន់លានដុល្លារ ការបង្កើនម៉ោងធ្វើការ។ ច្បាប់នោះក៏នឹងបង្កើនការចំណាយលើវិស័យយោធា ការបង្ក្រាបជនអន្តោរប្រវេសន៍។

និយាយជារួមច្បាប់ដែលថវិកាដែលនាំទៅដល់ការបែកបាក់សម្ព័ន្ធភាពរវាងលោក ត្រាំ និង លោក Elon Musk នេះ បានដាក់បន្ទុកពន្ធច្រើនបន្ថែមទៀតដល់ប្រជាពលរដ្ឋធ្វើការ និងកាត់ផ្តាច់កម្មវិធីសង្គមដែលជួយដែលប្រជាជន ចាស់ជរា ដែលជាពិសេសកម្មវិធីក្នុងវិស័យសុខាភិបាល។ កម្មវិធីឧបត្ថម្ភធនដល់ថាមពលកកើតឡើងវិញ តាមរយៈកម្មវិធីរថយន្តអគ្គិសនីជាដើមនឹងត្រូវកាត់បន្ថយ និងលុបចោលតែម្តង។

ក្នុងការរៀបចំចុះហត្ថលេខាលើក្រឹត្យប្រធានាធិបតី នៅឯសេតវិមានកាលពីថ្ងៃសុក្រ (ត្រូវថ្ងៃសៅរ៍ម៉ោងនៅកម្ពុជា) ត្រូវរៀបចំពិធីនៅខាងក្រៅអគារប្រធានាធិបតី ចំថ្ងៃឈប់សម្រាកថ្ងៃទី៤ខែកក្កដា ក្រោយពីសមាជិកសភាអនុម័តជាមួយនឹងសំឡេង ២១៨ ទៅនឹង២១៤ ប្រឆាំង ដែលគេដឹងថា សមាជិកសភានៃគណបក្សប្រជាធិបតេយ្យបានប្រឆាំងចំពោះច្បាប់នេះ។

«Big Beautiful Bill» សំដៅលើកញ្ចប់ថវិកា និងពន្ធសហព័ន្ធដ៏ល្បីរបស់សហរដ្ឋអាមេរិក ដែលត្រូវបានគេស្គាល់ជាផ្លូវការថា One Big Beautiful Bill Act (OBBBA) ដែលត្រូវបានជ្រើសរើសដោយប្រធានាធិបតី ដូណាល់ត្រាំ នៅពាក់កណ្តាលឆ្នាំ ២០២៥។ វារួមបញ្ចូលគោលដៅគោលនយោបាយសំខាន់ៗ៖ ការពង្រីកការកាត់បន្ថយពន្ធឆ្នាំ ២០១៧ របស់ លោក ត្រាំ កាត់បន្ថយការផ្តល់មូលនិធិសម្រាប់ Medicaid និង SNAP និងការបង្កើនការការពារយ៉ាងខ្លាំង ការអនុវត្តព្រំដែន និងថវិកានិរទេស។