ព័ត៌មានអន្ដរជាតិ

ជប៉ុនរៀបចំសមាសភាពរដ្ឋាភិបាលកម្រិតខ្ពស់ទៅចរចាជាមួយអ៊ីរ៉ង់ នៅមុនផុតឱសានវាទរបស់ត្រាំ

បានផុស

២ សប្តាហ៍ មុន

នៅ

ថ្ងៃចន្ទ ៦ មេសា ២០២៦

ដោយ

រដ្ឋាភិបាលជប៉ុនរបស់លោកស្រី សាណាអេ តាកាអ៊ីឈិ (Sanae Takaichi) បានរៀបចំសមាសភាពមន្ត្រីរដ្ឋាភិបាលជាន់ខ្ពស់ ដើម្បីរៀបចំជំនួបជាមួយភាគីអ៊ីរ៉ង់ ខណៈពេលដែលស្ថានការណ៍នៅមជ្ឈិមបូព៌ាកាន់តែអាក្រក់ឈានទៅផ្ទុះសង្គ្រាមតកាន់តែសហារ។

យោងការផ្សាយរបស់ The Japan Daily នៅព្រឹកថ្ងៃទី៦មេសានេះ រដ្ឋាភិបាលជប៉ុនកំពុងរៀបចំកិច្ចប្រជុំកំពូលកម្រិតខ្ពស់ជាមួយថ្នាក់ដឹកនាំអ៊ីរ៉ង់ ដើម្បីដោះស្រាយបញ្ហាប្រែប្រួលកាន់តែខ្លាំងឡើងនៅមជ្ឈិមបូព៌ា។ ការសម្រេចនេះ បានធ្វើឡើងដោយ នាយករដ្ឋមន្ត្រី តាកាអ៊ិឈិ ក្នុងអំឡុងពេលកិច្ចប្រជុំគណៈកម្មាធិការសភានៅទីក្រុងតូក្យូ នៅថ្ងៃចន្ទ ទី៦ ខែមេសា ឆ្នាំ២០២៦។

សេចក្តីរាយការណ៍ដដែល បានលើកឡើងថា គំនិតផ្តួចផ្តើមនេះកើតឡើងនៅពេលដែលការព្រួយបារម្ភអន្តរជាតិកើនឡើងលើថ្ងៃផុតកំណត់នៃឱសានវាទ ដែលដាក់ចេញដោយប្រធានាធិបតីអាមេរិក លោក ដូណាល់ ត្រាំ (Donald Trump) សម្រាប់អ៊ីរ៉ង់ដើម្បីរក្សាច្រកសមុទ្រ Hormuz ឱ្យបើកចំហ។

ប្រទេសជប៉ុន ដែលរក្សាទំនាក់ទំនងអព្យាក្រឹតពិសេសជាមួយអ៊ីរ៉ង់ កំពុងស្វែងរកការបន្ធូរបន្ថយជម្លោះដែលកំពុងបន្តដែលពាក់ព័ន្ធនឹងសហរដ្ឋអាមេរិក អ៊ីស្រាអែល និងកងកម្លាំងអ៊ីរ៉ង់។

នាយករដ្ឋមន្ត្រី តាកាអ៊ិឈិ ត្រូវបានស្រង់សម្តីដូចនិយាយថា៖«ការរៀបចំការសន្ទនានៅកម្រិតថ្នាក់ដឹកនាំ» គឺជាអាទិភាពសម្រាប់យុទ្ធសាស្ត្រការទូតរបស់ជប៉ុន ដើម្បីទប់ស្កាត់អស្ថិរភាពក្នុងតំបន់បន្ថែមទៀត។ ការវិវត្តនាពេលអនាគតអាស្រ័យលើពេលវេលានៃការចរចាទាំងនេះ និងថាតើជប៉ុនអាចសម្របសម្រួលដោយជោគជ័យរវាងទីក្រុងតេអេរ៉ង់ និងទីក្រុងវ៉ាស៊ីនតោន មុនពេលថ្ងៃផុតកំណត់របស់សហរដ្ឋអាមេរិកកន្លងផុតទៅឬអត់៕

យោងតាម CNN លោក ដូណាល់ ត្រាំ ហាក់ដូចជាបានកំណត់ថ្ងៃផុតកំណត់ថ្មីសម្រាប់ប្រទេសអ៊ីរ៉ង់ដើម្បីបើកច្រកសមុទ្រ Hormuz ឡើងវិញទាំងស្រុង។ លោក ត្រាំ បានសរសេរថា «ថ្ងៃអង្គារ ម៉ោង ៨:០០ យប់ ម៉ោងភាគខាងកើត» ដែលដំបូងឡើយបានកំណត់នៅថ្ងៃទី៦ខែមេសានេះ៕

រ៉ាន់ រើយ