សន្តិសុខសង្គម
Update ៖ ករណីឆេះផ្សារទំនើបនៅក្រុងបាត់ដំបង ខូចខាតសម្ភារៈសរុបទឹកប្រាក់១១ម៉ឺនដុល្លារ
កាលពីថ្ងៃទី៥ ខែកក្កដា ឆ្នាំ២០២៥ វេលាម៉ោងប្រមាណ ៣រសៀល មានករណីអគ្គិភ័យមួយបានឆាបឆេះទៅលើផ្សារទំនើបដែលមានយីហោ វេង ពិសី ដែលជាកន្លែងលក់គ្រឿងបរិក្ខារអគ្គិសនី និងមានទីតាំងជាប់នឹងផ្សារទំនើប ហេងឆៃលី ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ហេតុការណ៍នេះ បានបង្កឱ្យមានការភ្ញាក់ផ្អើលយ៉ាងខ្លាំង រហូតធ្វើឱ្យកម្លាំងកងរាជអាវុធហត្ថ កម្លាំងសឹករងខេត្ត និងកម្លាំងនគរបាលចុះជួយអន្តរាគមន៍ដើម្បីការពារទ្រព្យសម្បត្តិរបស់ជនរងគ្រោះ ដោយឡែករថយន្តបង្ការពន្លត់អគ្គិភ័យ នៃស្នងការដ្ឋាននគរបាលខេត្ត និងរថយន្តពន្លត់អគ្គិភ័យរបស់អធិការមួយចំនួនដែលនៅជាប់នឹងក្រុងបាត់ដំបង ក៏បានបញ្ជូនមកជួយពន្លត់អគ្គីភ័យនេះផងដែរ។ ជាក់ស្ដែងក្នុងហេតុការណ៍នេះបានអូសបន្លាយពេលវេលាប្រមាណជិត ៤ម៉ោងទើបគ្រប់គ្រងស្ថានការណ៍នេះបាន។
បន្ទាប់ពីបញ្ចប់ហេតុការណ៍នេះរួចមក កម្លាំងអធិការដ្ឋាននគរបាលក្រុងបាត់ដំបង បានសហការជាមួយការិយាល័យនគរបាលបង្ការពន្លត់អគ្គិភ័យ និង សង្រ្គោះ ចុះស្រាវជ្រាវករណីគ្រោះថ្នាក់អគ្គិភ័យ ភ្លើងឆេះហាងលក់សម្ភារ អគ្គិសនី ដែលជនរងគ្រោះ ឈ្មោះ វេង ពិសី ភេទ ប្រុស អាយុ ៥៨ ឆ្នាំ មានទីលំនៅ (កន្លែងកើតហេតុខាងលើ) ដើម្បីចង់ដឹងអំពីទំហំនៃការខូចខាត ដោយជនរងគ្រោះបានរៀបរាប់ថាសម្ភារ:ខូចខាត រួមមាន៖
១. ហាងចំនួន ១ ខ្នង ទំហំ ៨ម × ១៨ម សង់អំពីបេតុង (ឆេះពីជាន់ទី១ ដល់ទី៣)
២. នៅជាន់ទី១ មានស្តុកសម្ភារ:គ្រឿងអគ្គិសនីគ្រប់ប្រភេទ ត្រូវភ្លើងឆេះអស់ទាំងស្រុង គិតជាប្រាក់ប្រហែល ២០.០០០ ដុល្លារ ។
៣. នៅជាន់ទី២ មានស្តុកសម្ភារ ប្រភេទឆ្នាំងដាំបាយ អគ្គិសនីគ្រប់ប្រភេទ ត្រូវភ្លើងឆេះអស់ទាំងស្រុង គិតជាប្រាក់ប្រហែល ២០.០០០ ដុល្លារ ។
៤. នៅជាន់ទី៣ មានស្តុកសម្ភារ ប្រភេទចង្រ្កានអគ្គិសនី និង ចង្រ្កានហ្គាសគ្រប់ប្រភេទ ត្រូវភ្លើងឆេះអស់ទាំងស្រុង គិតជាប្រាក់ប្រហែល ១០.០០០ ដុល្លារ ។
សម្ភារ:ខូចខាតគិតជាទឹកប្រាក់ ៖ សរុប ប្រហែល ១១០.០០០ ដុល្លារ (ដប់មួយម៉ឺនដុល្លារ អាមេរិក) ។
យ៉ាងណាមិញ ក្រោយពីការស្រាវជ្រាវសមត្ថកិច្ចបានរកមូលហេតុឃើញ ករណីនេះ គឺបណ្ដាលមកពី ឆ្លងចរន្តអគ្គិសនី នៅជាន់ទី១ ហើយក្នុងករណីនេះដែរក៏មិនបណ្ដាលឱ្យមានប៉ះពាល់ដល់អាយុជីវិតបុគ្គលិកកម្មករនៅក្នុងនោះឡើយ។ ដោយឡែកបើតាមការលើកឡើងពីមន្ត្រីនគរបាលអគ្គិភ័យ បានបញ្ជាក់ប្រាប់កម្ពុជាថ្មីថា មានមន្ត្រីនគរបាលចំនួន ៤ នាក់ ដែលរងរបួស ដោយសារប៉ះពាល់ជាមួយផ្សែង និងមុតកញ្ចក់ តែប៉ុណ្ណោះ៕
អត្ថបទ ៖ សោ និយមរ័ត្ន
រដ្ឋមន្ត្រីក្រសួងការងារ នាំយកឱកាសការងារជិត ១ម៉ឺនកន្លែង ដល់ពលរដ្ឋ និងពលករខេត្តព្រៃវែងដែលទើបត្រឡប់មកពីថៃ
លោក ឃួង ស្រេង លើកឡើងពីគំរូវីរភាពថ្នាក់ដឹកនាំគណបក្សប្រជាជន ដល់មន្ត្រីគណបក្ស ផ្សព្វផ្សាយជូនពលរដ្ឋ
OPEC+ ព្រមព្រៀងបង្កើនផលិតកម្មប្រេងនៅខែក្រោយ
ក្រោយស្បថចូលកាន់តំណែងរដ្ឋមន្ត្រីក្រសួងវប្បធម៌ ផែថងតាន ចង់ដើរតាមគន្លងកូរ៉េខាងត្បូង
Elon Musk អបអរការបង្កើតគណបក្សថ្មី ចំថ្ងៃតែមួយ ដែលលោកត្រាំចេញច្បាប់ដ៏ចម្រូងចម្រាស
ទាហានថៃឃាត់ខ្លួនជនជាតិខ្មែរ ២នាក់ ដែលនាំបារីគេចពន្ធចូលដីថៃជាង ១៥ ០០០ កញ្ចប់
ត្រាំចេញក្រឹត្យប្រធានាធិបតីដាក់ឲ្យប្រើច្បាប់ថវិកាថ្មីដ៏ចម្រូងចម្រាសបំផុត
ក្រោយស្បថចូលកាន់តំណែងរដ្ឋមន្ត្រីក្រសួងវប្បធម៌ ផែថងតាន ចង់ដើរតាមគន្លងកូរ៉េខាងត្បូង
រដ្ឋ តិចសាស់ ប្រកាសអាសន្ន ខណៈទឹកជំនន់ដ៏អាក្រក់ សម្លាប់មនុស្សលើស២០នាក់
ថៃយកចិត្តពលករខ្មែរជិត៥ម៉ឺននាក់ឲ្យបន្តស្នាក់នៅធ្វើការនៅថៃ
-
ព័ត៌មានអន្ដរជាតិ២ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង២ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ៣ ថ្ងៃ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ២ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ៤ ថ្ងៃ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ៥ ថ្ងៃ agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ១ សប្តាហ៍ agoស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
-
ព័ត៌មានជាតិ៣ ថ្ងៃ agoនាយករដ្ឋមន្ត្រីសិង្ហបុរី គាំទ្រឱ្យកម្ពុជា-ថៃ ដោះស្រាយជម្លោះព្រំដែនដោយប្រើយន្តការច្បាប់អន្តរជាតិ