ព័ត៌មានអន្ដរជាតិ

ប្រជាជនថៃសម្រុកស្នើសុំធានារ៉ាប់រងគ្រោះរញ្ជួយដីបន្ទាប់ពីរញ្ជួយដីកាលពីខែមីនា

បានផុស

៣ សប្តាហ៍ មុន

នៅ

ថ្ងៃចន្ទ ៧ កក្កដា ២០២៥

ដោយ

យោងតាមសមាគមធានារ៉ាប់រងទូទៅថៃ (TGIA) បានឱ្យដឹងថា ការស្នើសុំធានារ៉ាប់រងនៅក្នុងប្រទេសថៃទាក់ទងនឹងការរញ្ជួយដីដ៏ខ្លាំងក្លាកាលពីថ្ងៃទី ២៨ ខែមីនា អាចនឹងមានចំនួនទឹកប្រាក់សរុបរហូតដល់ ៥០ ពាន់លានបាត (ប្រហែល ១.៥៣ ពាន់លានដុល្លារ)។ នេះបើយោងតាមការចេញផ្សាយរបស់ Reinsurance News នៅថ្ងៃទី០៧ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររម្លឹកថា ការរញ្ជួយដីដែលមានកម្រិត ៧.៧ រ៉ិចទ័រ វាយប្រហារប្រទេសមីយ៉ាន់ម៉ាគឺជាកម្លាំងខ្លាំងបំផុតដែលបំផ្លិចបំផ្លាញប្រទេសមីយ៉ាន់ម៉ាយ៉ាងធ្ងន់ធ្ងរ មនុស្សរាប់ពាន់នាក់បានស្លាប់ និងខូចខាតរចនាសម្ព័ន្ធធ្ងន់ធ្ងរ។ ប្រទេសថៃក៏មានផលប៉ះពាល់ផងដែរ ដោយរញ្ជួយដីបានឈានដល់ទីក្រុងបាងកក បណ្តាលឱ្យបាក់អគារ៣០ជាន់ដែលកំពុងសាងសង់ សម្លាប់មនុស្សយ៉ាងតិច៩២នាក់ និងច្រើននាក់ទៀតរងរបួស ។

ប្រធាន TGIA លោក Somporn Suebthawilkul បាននិយាយថា បន្ទាប់ពីគ្រោះមហន្តរាយនេះប្រជាជនបានសម្រុកស្នើសុំធានារ៉ាប់រង ដោយការស្នើសុំធានារ៉ាប់រងទាមទារសំណងប្រហែល ១៥០,០០០ ត្រូវបានរំពឹងទុក រហូតដល់ខែកញ្ញា ដែលរួមបញ្ចូលតម្រូវការរញ្ជួយដី និងការធានារ៉ាប់រងទ្រព្យសម្បត្តិផ្ទាល់ខ្លួន។

គួរបញ្ជាក់ថាគ្រោះមហន្តរាយនេះបានធ្វើឱ្យមនុស្សកាន់តែច្រើនចាប់អារម្មណ៍ក្នុងការទិញការធានារ៉ាប់រងគ្រោះរញ្ជួយដី និងទ្រព្យសម្បត្តិផ្ទាល់ខ្លួន។ វាក៏បង្ហាញពីបញ្ហាធ្ងន់ធ្ងរទាក់ទងនឹងការការពារកម្មករផងដែរ ដោយសារកម្មករដែលរងរបួស ឬស្លាប់ជាច្រើន មិនមានការធានារ៉ាប់រង៕