កីឡា

ប្រធានសហព័ន្ធប្រដាល់គុនខ្មែរ ចុះសួរសុខទុក្ខ និងលើកទឹកចិត្តក្លឹបគុនខ្មែរនាគរាជចតុមុខក្រោយប្ដូរទីតាំង

បានផុស

១១ ខែ មុន

នៅ

ថ្ងៃព្រហស្បតិ៍ ១០ កក្កដា ២០២៥

ដោយ

នៅរសៀលថ្ងៃទី៩ ខែកក្កដា ឆ្នាំ២០២៥ ម្សិលមិញនេះលោក ខូវ ឆាយ ប្រធានសហព័ន្ធគុនខ្មែរបានចុះសួរសុខទុក្ខ និងផ្ដល់ថវិកាលើកទឹកចិត្តដល់ក្លឹបនាគរាជចតុមុខបន្ទាប់ពីផ្លាស់ប្ដូរទីតាំងថ្មីទៅនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពផេកនាគរាជចតុមុខ

នេះបើតាមការបង្ហោះនៅលើផេករបស់ក្លឹបនាគរាជចតុមុខ បានបញ្ជាក់ថា លោក ខូវ ឆាយ ប្រធានសហព័ន្ធប្រដាល់គុនខ្មែរបានចុះទៅដល់ទីតាំងថ្មីរបស់ក្លឹបនៅឯខណ្ឌសែនសុខតែម្ដងកាលពីម្សិលមិញនេះ។ លោកបានឧបត្ថម្ភថវិកាមួយចំនួនទៀតផងដែរជាការលើកទឹកចិត្តដល់សិស្សគុនក្នុងក្លឹបឲ្យបន្តខំប្រឹងប្រែងហ្វឹកហាត់។

រូបភាពផេកនាគរាជចតុមុខ

ជាមួយគ្នានោះដែរលោក ខូវ ឆាយ បានលើកឡើងថា ក្លឹបនាគរាជចតុមុខបានផលិតធនធានមានគុណភាពជាច្រើន និងមានសិស្សចេញប្រកួតតាមស្ថានីយក៏មានចំនួនច្រើនផងដែរពីមួយសប្ដាហ៍ទៅមួយសប្ដាហ៍។ កីឡាករប្រកបដោយគុណភាពដណ្ដើមបានពានរង្វាន់ និងខ្សែក្រវាត់ជូនក្លឹបក៏បានចំនួនច្រើនដែរ។

ប្រធានសហព័ន្ធរូបនេះសូមឲ្យកីឡាករ កីឡាការិនី បន្តប្រឹងប្រែងហ្វឹកហាត់ដើម្បីរួមចំណែកផ្សព្វផ្សាយគុនខ្មែរដល់អន្តរជាតិ និងចូលរួមបង្ហាញថាក្បាច់គុនមួយនេះជារបស់ខ្មែរពិកប្រាកដមែនតាមរយៈការខំប្រឹងប្រកួតរបស់អ្នកទាំងអស់គ្នាមិនថាទាំងនៅក្នុងស្រុក ឬក្រៅស្រុក។

រូបភាពផេកនាគរាជចតុមុខ

បញ្ជាក់ដែរថា បន្ទាប់ពីប្រកាសចែកផ្លូវគ្នាជាមួយក្លឹបប្រដាល់ KKIF ជាច្រើនខែរួចមក ឥលូវនេះក្លឹបប្រដាល់នាគរាជចតុមុខបានផ្លាស់ប្ដូរទីតាំងថ្មីនៅឯផ្ទះលេខ 616C ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ក្លឹបនេះគឺដឹកនាំដោយលោកគ្រូ ស្វាយ សុខុន និងកំពុងបណ្ដុះបណ្ដាលកីឡាករល្បីឈ្មោះជាច្រើននាក់មានដូច ជា ឈឿន ល្វៃ រិន ដេវីត កាន់ ម៉េងហុង និងកីឡាករជាច្រើននាក់ទៀត៕