កីឡា
លោក សេង ភក្តី ពីអ្នកធ្វើការផ្នែក HR ក្លាយជាអ្នកផលិតមាតិកាកីឡាដ៏ល្បី
លោក សេង ភក្ដី ដែលជាអ្នកផលិតមាតិកាកីឡាល្បីឈ្មោះ និងមានអ្នកទស្សនាច្រើនកាលពីមុនជាបុគ្គលិកផ្នែក HR ក្បែរ ១០ឆ្នាំ ប៉ុន្តែងាកមកធ្វើវីដេអូតាមក្ដីស្រឡាញ់វិញទទួលបានការគាំទ្រខ្លាំងនាពេលបច្ចុប្បន្ននេះ។
លោក សេង ភក្ដី
លោក សេង ភក្ដី បានឲ្យដឹងថា រូបគេបានបញ្ចប់ការសិក្សាបរិញ្ញាបត្រផ្នែកគ្រប់គ្រងធនធានមនុស្សនៅសកលវិទ្យាល័យមេគង្គកម្ពុជា និងបានបំពេញការងារជា HR ប្រហែល ៨-៩ឆ្នាំមកដែរមុនផ្លាស់ប្ដូរមកធ្វើជាអ្នកផលិតមាតិកា (Content Creator) មកដល់ពេលបច្ចុប្បន្ននេះ។
លោក សេង ភក្ដី
Content Creator រូបនេះបន្ថែមទៀតថា ដោយសារមានចិត្តស្រឡាញ់ខាងផ្នែកផលិតវីដេអូជាយូរឆ្នាំមកហើយ ប៉ុន្តែមិនទាន់ដឹងថាត្រូវធ្វើវីដេអូប្រភេទអ្វី អំពីអ្វីឲ្យប្រាកដនោះទេ។ តែយ៉ាងណាចំណង់ចំណូលចិត្តរបស់ខ្លួនគឺចូលចិត្តជិះម៉ូតូផ្សងព្រេង និងការលេងកីឡាបាល់ទាត់។
លោក សេង ភក្ដី
អ្នកដើមកំណើតពីខេត្តពោធិ៍សាត់ខាងលើបន្ថែមទៀតថា នៅឆ្នាំ២០២៣ ដោយសារពេលវេលាសមស្រប និងជាការចៃដន្យមួយផងនោះ រូបគេក៏បានធ្វើវីដេអូដំបូងអំពីការទាត់បាល់ Crossbar Challenge បន្ទាប់មកក៏មានការចាប់អារម្មណ៍ និងសួរសំណូរអំពីស្បែកជើងជាបន្តបន្ទាប់ជាច្រើន។ ដូច្នេះហើយ ភក្ដី ក៏សម្រេចធ្វើជាវីដេអូឆ្លើយតបទៅអ្នកសួរដូចជាប្រាប់ពីប្រភេទស្បែកជើងដែលពាក់ទាត់នៅពេលនោះ ប្រភេទធ្មេញអ្វី និងផ្ដល់ព័ត៌មានលំអិតតែម្ដង។
លោក សេង ភក្ដី
បុរសវ័យ ៣១ឆ្នាំរូបនេះលើកឡើងទៀតថា បន្ទាប់ពីទទួលការចាប់អារមណ៍វីដេអូអំពីស្បែកជើងនោះមករូបគេក៏បានទទួលសំនួរជាច្រើន និងបានធ្វើវីដេអូពីមួយទៅមួយឆ្លើយតបទៅអ្នកគាំទ្រ និងវិវឌ្ឍន៍ខ្លួនរហូតក្លាយជាអ្នកផលិតមាតិកាបាល់ទាត់មួយរូបនៅកម្ពុជាផងដែរ។
លោក សេង ភក្ដី ពូហ្រ្វែត និងកីឡាករ
បញ្ជាក់ដែរថា លោក សេង ភក្ដី ជាអ្នកផលិតមាតិកា (Content Creator) ល្បីឈ្មោះមួយរូបនៅកម្ពុជា។ រូបគេផលិតមាតិកាអំពីកីឡាបាល់ទាត់អន្តរជាតិ និងបាល់ទាត់កម្ពុជា។ Channel ដែលរូបគេកាន់កាប់ និងប្រើប្រាស់ផ្សព្វផ្សាយសព្វថ្ងៃគឺហ្វេសបុកផេក-យូធូប និងតីកតុក ឈ្មោះ Pheakdey Seng – សេង ភក្តី៕
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៧ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៧ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន