ដ្បិតស្ងប់ស្ងាត់ផ្ទុះអាវុធ! នី មុន្នីនាថ នៅតែស្នើអ្នកមានឥទ្ធិពលលើបណ្តាញសង្គម បន្តស្មារតីបញ្ចេញសំឡេងដើម្បីជាតិ

ទោះពេលនេះស្ងប់ស្ងាត់ការផ្ទុះអាវុធដាក់គ្នារវាងកងទ័ពដ៏អង់អាចក្លាហានកម្ពុជា និងកងទ័ពសៀមឈ្លានពានក្រោមបទឈប់បាញ់ក៏ដោយ តែតារាសម្តែងទឹកភ្នែកកញ្ញា នី មុន្នីនាថ នៅតែចេញបំផុសអ្នកដែលមានឥទ្ធិពលលើប្រព័ន្ធផ្សព្វផ្សាយ ត្រូវមានស្មារតីខ្ពស់ចំពោះរឿងអ្នកជិតខាងមួយនេះ ដែលតែងចិញ្ចឹមចិត្តឈ្លានពានទឹកដីកម្ពុជាជាប់ជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងន័យនេះតារាសម្តែង នី មុន្នីនាថ គូសបញ្ជាក់ថា “ពួកយើងគួរពង្រឹងខ្លួនឲ្យខ្លាំងចាប់ពេលឥឡូវនេះតទៅ ដើម្បីឲ្យកាន់តែខ្លាំងការពារសត្រូវ យើងត្រូវចាប់ផ្ដើមស្គាល់ថៃ។ នី មុន្នីនាថ បន្តថា យើងត្រូវតែខំប្រឹងរៀនបន្ថែមទៀត និងផ្សព្វផ្សាយអំពីប្រទេសកម្ពុជារបស់យើងឲ្យកាន់តែទូលំទូលាយជាងនេះបន្ថែមទៀត ដើម្បីពេលគេវាយឆ្មក់យើងខ្លាំង។

តារាស្រី នី មុន្នីនាថ បាននិយាយទៀតថា “តោះបងប្អូនសារព័ត៌មាន,អ្នកផលិតមាតិកា,អ្នកផលិតភាពយន្តឬក៏អ្នកដែលមានសំឡេងខ្លាំងបំផុត ឬក៏ផេកដែលជាសារព័ត៌មាននៅក្រៅប្រទេស និងក្នុងប្រទេសពួកយើងចាប់ផ្ដើមពង្រឹងឱ្យខ្លាំងពីឥឡូវនេះខំប្រឹងរៀនខំ ប្រឹងសន្សំ ខំប្រឹងរកសុីខំប្រឹងខំប្រឹងកសាងខ្លួនដើម្បីឲ្យកាន់តែខ្លាំងការពារសត្រូវយើងត្រូវចាប់ផ្ដើមស្គាល់ថៃ”។

នី មុន្នីនាថ និយាយថា “ក្នុងជាតិនេះ​ ខ្ញុំនឹងចងចាំ​ និងគោរពដឹងគុណ​ វីរៈ​កងទ័ពកម្ពុជា​ ដែលបានបូជាជីវិតជូនជាតិ ក្នុងសមរភូមិតតាំងនឹងចោរថៃឈ្លានពានសូ មផ្ញើក្តីនឹករលឹកនិងកាដឹងគុណពីកូនខ្មែរទាំងអស់គ្នា កូនខ្មែរកត់ទុកក្នុងបេះដូងគ្មានថ្ងៃភ្លេច”។

នាងបន្ថែមថាសូមជូនពរអោយបងៗ ពូៗវីរ:កងទ័ពជួ រមុខយើងដែលរងរបួសឆាប់ជាសះស្បើយពីរបួសផងចុះ ហើយខ្ញុំ សូមអរគុណចំពោះបងៗវីរ:ភាពកងទ័ពជួរមុខទាំងអស់ដែលបានលះបង់សាច់ស្រស់ឈាមស្រស់ដើម្បីការពារទឹកដី និង ការពារសុខសុវត្ថិភាពប្រជាជនខ្មែរយើងទាំងអស់គ្នា ខ្ញុំគោរពនិងអរគុណខ្លាំងណាស់សម្រាប់ការលះបង់ដ៏ធំធេងរបស់បងៗពូៗវីរ:កងទ័ពដ៏អង់អាចរបស់កម្ពុជា៕ ចាន់រ៉ា