កីឡា

ក្រុមកីឡាហែលទឹកកម្ពុជា៖ កំពុងហ្វឹកហាត់យ៉ាងល្អនៅសិង្ហបុរីត្រៀមការប្រកួត World Aquatics Championships បន្តិចទៀតនេះ

បានផុស

១ ថ្ងៃ មុន

នៅ

ថ្ងៃពុធ ៣០ កក្កដា ២០២៥

ដោយ

លោក នាង សូរិទ្ធិយ៉ា គ្រូបង្វឹកក្រុមជម្រើសជាតិហែលទឹកកម្ពុជា ថាកីឡាករ កីឡាការិនី ទាំងពីររូបរបស់កម្ពុជាកំពុងហ្វឹកហាត់ត្រៀមខ្លួនបានយ៉ាងល្អដូចកាលនៅកម្ពុជាផងដែរដើម្បីត្រៀមការប្រកួត World Aquatics Championships 2025 នៅពេលបន្តិចទៀតនៅឯប្រទេសសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នាង សូរិទ្ធិយ៉ា និងកូនសិស្សទាំងពីរ

គ្រូបង្វឹកជម្រើសជាតិ លោក នាង សូរិទ្ធិយ៉ា បានឲ្យដឹងពីសិង្ហបុរីមកថា ក្រុមកម្ពុជាបានទៅដល់ទីនោះតាំងពីថ្ងៃទី២៤ ខែកក្ដដា ឆ្នាំ២០២៥ មកម្ល៉េះ និងកំពុងហ្វឹកហាត់បានយ៉ាងរលូនល្អ។ បើទោះជាពេលវេលាខុសពីនៅកម្ពុជាបន្តិចមែន ប៉ុន្តែការហ្វឹកហាត់របស់កីឡាករ កីឡាការិនីកម្ពុជានៅតែធ្វើឡើងចំនួនពីរពេលដូចនៅកម្ពុជាផងដែរ។

ទិដ្ឋភាពហ្វឹកហាត់

ការហ្វឹកហាត់នៅទីនោះដំណើរការបានល្អជាធម្មតា និងបានត្រៀមខ្លួនរួចរាល់ហើយសម្រាប់ការប្រកួតវគ្គជម្រុះវេលាម៉ោង៩ ត្រូវនិងម៉ោងកម្ពុជាបន្តិចទៀត។ លោកសង្ឃឹមថាក្រុមកម្ពុជានឹងបំបែកនូវកំណត់ត្រារបស់ខ្លួនបាន ប៉ុន្តែនេះជាការប្រកួតកម្រិតពិភពលោកដូចនេះការប្រកួតប្រជែងមានកម្រិតខ្ពស់។

ទិដ្ឋភាពហ្វឹកហាត់

សហព័ន្ធខ្មែរកីឡាហែលទឹកបានបញ្ជូនគ្រូបង្វឹក ១រូប កីឡាករ ១រូប និងកីឡាការិនី ១រូបចូលរួមការប្រកួត World Aquatics Championships 2025 នៅឯប្រទេសសិង្ហបុរី ចាប់ពីថ្ងៃទី២៧ កក្ដដា ដល់ថ្ងៃទី៣ ខែសីហា។ កីឡាករ វ៉ាន់អូស្តិន ពិទ័រសុខា ប្រកួតវគ្គជម្រុះលើវិញ្ញសា ១០០ម៉ែត្រ របៀបហែលសេរី។ ចំណែកកីឡាការិនី ឃឺន ចន្ទចរិយា ប្រកួតវគ្គជម្រុះលើវិញ្ញសា ៥០ម៉ែត្រ របៀបហែលផ្ងារ៕