ព័ត៌មានជាតិ

សមត្ថកិច្ចត្រៀមអនុវត្តផ្លូវច្បាប់លើកូនស្រីអ្នករត់ម៉ូតូកង់បី រារាំងមិនឲ្យសមត្ថកិច្ចយកឪពុកទៅធ្វើចត្តាឡីស័ក

បានផុស

៥ years មុន

នៅ

ថ្ងៃចន្ទ ៥ មេសា ២០២១

ដោយ

នៅព្រឹកថ្ងៃទី៥ ខែមេសា ឆ្នាំ២០២១នេះ សមត្ថកិច្ច និងក្រុមគ្រូពេទ្យបានចុះទៅយកបុរសម្នាក់ជាអ្នករត់ម៉ូតូកង់បីឈ្មោះ ពិន បូរ ដែលបានប៉ះពាល់ផ្ទាល់ជាមួយឈ្មោះ សោម ឡូ មានវិជ្ជមានកូវីដ-១៩ ដែលត្រូវបានរកឃើញកាលពីថ្ងៃទី៤ ខែមេសា ម្សិលមិញនេះ ដើម្បីយកទៅធ្វើចត្តាឡីស័ក និងយកសំណាកទៅធ្វើតេស្តរកមេរោគកូវីត-១៩។ ប៉ុន្តែឈ្មោះ ពិន បូរ ដែលជាអ្នករត់កង់បី មិនបានទៅតាមការអញ្ជើញរបស់សមត្ថកិច្ច និងក្រុមគ្រូពេទ្យនោះឡើយ។

លោក ឆាយ ខែមរ័ត្ន អធិការក្រុងកំពង់ឆ្នាំង បានបញ្ជាក់ឲ្យដឹងនៅព្រឹកថ្ងៃទី៤ ខែមេសានេះថា នៅព្រឹកនេះសមត្ថកិច្ចនិងក្រុមគ្រូពេទ្យ បានយករថយន្តទៅនាំយកឈ្មោះ ពិន ប៉ូរ ជាអ្នករត់កង់បី ដែលពាក់ព័ន្ធជាមួយនឹងឈ្មោះ សោម ឡូ ដែលមានវិជ្ជមានកូវីដ-១៩។ ដំបូងឡើយឈ្មោះ ពិន ប៉ូ យល់ព្រមសហការមកជាមួយសមត្ថកិច្ច និងគ្រូពេទ្យ តែនៅក្នុងប្រតិបត្តិការនោះ កូនស្រីរបស់ឈ្មោះ ពិន ប៉ូរ បានប្រកែកជាមួយក្រុមសមត្ថកិច្ច ដោយមិនអនុញ្ញាតឲ្យយកឪពុករបស់គេចេញពីផ្ទះ និងបានអះអាងថាឪពុករបស់គេគ្មានឈឺអីទេ និងបើយកគាត់ទៅគឺមិនមានអ្នកមើលប្អូនៗរបស់គេនៅផ្ទះទេ។

លោក ឆាយ ខេមរ័ត្ន បានបញ្ជាក់ឲ្យដឹងនៅម៉ោង១៤និង២០នាទីរសៀលថ្ងៃទី៥ ខែមេសានេះទៀតថា ការបញ្ជារបស់ថ្នាក់លើ សមត្ថកិច្ចត្រូវដកថយមួយរយៈសិន ដើម្បកសាងឯកសារតាមនីតិវិធីច្បាប់ នឹងត្រូវអនុវត្តបន្តនីតិវិធីនៅល្ងាចថ្ងៃទី៥ខែមេសានេះ ប្រសិនបើបុគ្គលជាកូនបុរសខាងលើនៅតែរារាំងសមត្ថកិច្ចនោះ សមត្ថកិច្ចនឹងអនុវត្តច្បាប់ ដោយត្រូវនាំខ្លួនបុគ្គលជាអ្នករត់ម៉ូតូកង់បីយកទៅធ្វើចត្តាឡីស័កតាមវិធានការរបស់ក្រសួងសុខាភិបាល ។ ចំណែកអ្នករារាំងសមត្ថកិច្ចនឹងត្រូវឃាត់ខ្លួនអនុវត្តនីតិវិធីច្បាប់ ៕

អត្ថបទ ៖ ឈៀងថារិទ្ធ