ព័ត៌មានជាតិ

ស្នងការនគរបាលរាជធានីភ្នំពេញ នាំយកអំណោយជាស្បៀងអាហារ និងសម្ភារៈ ជូននគរបាលប្រចាំទិសភូមិភាគ ៥

បានផុស

៩ ខែ មុន

នៅ

ថ្ងៃព្រហស្បតិ៍ ៧ សីហា ២០២៥

ដោយ

អំណោយជាស្បៀងអាហារ និងសម្ភារៈមួយចំនួនធំ របស់ស្នងការដ្ឋាននគរបាលរាជធានីភ្នំពេញ ត្រូវបាននាំយកទៅជូនដល់កម្លាំងនគរបាលជាតិប្រចាំទិសភូមិភាគ ៥ ដែលជាកម្លាំងនគរបាលនៅសមរភូមិមុខ ការពារព្រំដែន។

អំណោយទាំងនេះ ត្រូវបានយកទៅចែកជូនកាលពីថ្ងៃទី ៦ ខែសីហា ឆ្នាំ ២០២៥ ដឹកនាំដោយលោកឧត្ដមសេនីយ៍ទោ ស៊ុយ សុគន្ធា ស្នងការរងផែនសេនាធិការ តំណាង លោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ។

ក្នុងនោះដែរ ក៏មានក្រុមការងារក្រុមសម្ព័ន្ធមេត្រីភាព គណៈបញ្ជាការនគរបាលជាតិប្រចាំទិសភូមិភាគ ៥ ដែលមានសមាសភាពមកពីស្នងការដ្ឋាននគរបាលខេត្តសៀមរាប , កំពង់ធំ , កំពង់ចាម , ស្ទឹងត្រែង , រតនគិរី និងស្នងការដ្ឋាននគរបាលខេត្តមណ្ឌលគិរី ចូលរួមចំណែកជាមួយការនាំយកអំណោយទៅចែកជូនផងដែរ។

អំណោយសរុបរួមមាន ជាស្បៀងអាហារ , សម្ភារៈសរុបចំនួន ២៥ មុខ ព្រមទាំងថវិកាមួយចំនួនទៀតផងដែរ ប្រគល់ជូនគណៈបញ្ជាការនគរបាលជាតិប្រចាំទិសភូមិភាគទី ៥ ដែលមានលោកឧត្ដមសេនីយ៍ទោ សិទ្ឋ ឡោះ ស្នងការនគរបាលខេត្តបន្ទាយមានជ័យ ជាតំណាង ដើម្បីគាំទ្រកម្លាំងនគរបាលជាតិនៅជួរមុខ៕

អត្ថបទ ៖ សុភា