ព័ត៌មានអន្ដរជាតិ
កូរ៉េខាងត្បូង នឹងបញ្ឈប់សកម្មភាពខ្លះតាមព្រំដែន ដើម្បីបន្ថយភាពតានតឹងជាមួយកូរ៉េខាងជើង
ប្រធានាធិបតីកូរ៉េខាងត្បូង លោក Lee Jae Myung បានប្រកាសនៅថ្ងៃសុក្រទី១៥ខែសីហាឆ្នាំ២០២៥អំពីការស្ដារឡើងវិញនូវផ្នែកខ្លះនៃកិច្ចព្រមព្រៀងយោធាឆ្នាំ២០១៨ ជាមួយប្រទេសកូរ៉េខាងជើង ដែលមានគោលបំណងបញ្ឈប់សកម្មភាពមួយចំនួននៅតាមព្រំដែន ដើម្បីបញ្ចៀសការប៉ះទង្គិចគ្នា។
កិច្ចព្រមព្រៀងយោធាគ្រប់ជ្រុងជ្រោយថ្ងៃទី១៩ខែកញ្ញាឆ្នាំ២០១៨ ដែលត្រូវបានផ្អាកក្រោមការដឹកនាំរបស់អតីតប្រធានាធិបតី Yoon Suk Yeol នឹងត្រូវបានស្តារឡើងវិញជាបណ្តើរៗ។ កិច្ចព្រមព្រៀងនេះ ធ្លាប់បានបញ្ឈប់សមយុទ្ធបាញ់គ្រាប់ពិត ដកប៉ុស្តិ៍យាមមួយចំនួន និងបង្កើតតំបន់ហាមហោះហើរនៅជិតព្រំដែន។
លោក Lee បាននិយាយទៅកាន់ទីក្រុងព្យុងយ៉ាងថា «ខ្ញុំសង្ឃឹមថា កូរ៉េខាងជើងនឹងឆ្លើយតបចំពោះកិច្ចខិតខំប្រឹងប្រែងរបស់យើង ដើម្បីស្តារទំនុកចិត្ត និងធ្វើឲ្យកិច្ចសន្ទនារស់ឡើងវិញ»។ នាពេលថ្មីៗនេះ ប្រទេសកូរ៉េខាងត្បូងបានបញ្ឈប់រួចមកហើយនូវការចែកចាយសន្លឹកខិតប័ណ្ណរបស់សកម្មជនប្រឆាំងនឹងទីក្រុងព្យុងយ៉ាង និងការផ្សព្វផ្សាយតាមឧបករណ៍បំពងសំឡេងឃោសនានៅព្រំដែន។
កូរ៉េទាំងពីរនៅតែមានជម្លោះមិនទាន់ចប់ដាច់ស្រេចចាប់តាំងពីបទឈប់បាញ់ឆ្នាំ១៩៥៣ ហើយភាពតានតឹងចេះតែបន្តកើនឡើងក្នុងរយៈពេលប៉ុន្មានឆ្នាំថ្មីៗនេះ។ កូរ៉េខាងជើង បានបោះបង់ចោលកិច្ចព្រមព្រៀងឆ្នាំ២០១៨ ក្នុងខែវិច្ឆិកាឆ្នាំ២០២៣ ហើយក្រោយមកបានបង្ហោះប៉េងប៉ោងដែលពោរពេញដោយសំរាមរាប់រយទៅកូរ៉េខាងត្បូង ដែលជំរុញឲ្យទីក្រុងសេអ៊ូលសម្រេចត្រូវផ្អាកកិច្ចព្រមព្រៀងទាំងស្រុងនៅខែមិថុនាឆ្នាំ២០២៤។
ថ្វីត្បិតរដ្ឋាភិបាលថ្មីរបស់កូរ៉េខាងត្បូង បានបង្ហាញពីបំណងចង់ផ្សះផ្សាទំនាក់ទំនងឡើងវិញក៏ដោយ ក៏កូរ៉េខាងជើងនៅតែព្យាយាមច្រានចោលដដែល។ លោកស្រី គីម យ៉ូជុង ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង គីម ជុងអ៊ុន បានទទូចថា ក្រុងព្យុងយ៉ាងមិនចង់ធ្វើឲ្យប្រសើរឡើងនូវទំនាក់ទំនងជាមួយកូរ៉េខាងត្បូងឡើយ ហើយនឹងរៀបចំបញ្ចូលជំហរនេះទៅក្នុងរដ្ឋធម្មនុញ្ញរបស់ខ្លួនថែមទៀតផង។ លោកស្រីបានបន្ថែមថា កូរ៉េខាងជើងគ្មានបំណងរុះរើឧបករណ៍បំពងសំឡេងតាមព្រំដែនដូចអ្វីដែលកូរ៉េខាងត្បូងបានធ្វើឡើយ៕
ដោយ៖ ឈាង
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២៣ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»