នគរបាលប៉ុស្តិ៍កាកាបទី២ ចុះផ្សព្វផ្សាយបញ្ហាគ្រឿងញៀនដល់សិស្សានុសិស្សក្នុងមូលដ្ឋាន

ដេីម្បីឱ្យសិស្សានុសិស្សស្វែងយល់កាន់តែច្បាស់ និងចៀសឆ្ងាយអំពីបញ្ហាគ្រឿងញៀន ដែលធ្វេីឱ្យប៉ះពាល់សុខភាពបំផ្លាញអនាគត់ នាព្រឹកថ្ងៃទី២១ ខែសីហា ឆ្នាំ២០២៥ កម្លាំងនគរបាលប៉ុស្តិ៍រដ្ឋបាលកាកាបទី២​ នៃអធិការដ្ឋាននគរបាលខណ្ឌពោធិ៍សែនជ័យបានចុះធ្វេីការផ្សព្វផ្សាយអំពីផលប៉ះពាល់នៃគ្រឿងញៀនដល់ថ្នាក់រៀនសិស្សានុសិស្សនៅក្នុងមូលដ្ឋាន។

លោក​វរសេនីយ៍ត្រី ជ្រេង ធី នាយប៉ុស្តិ៍នគរបាលរដ្ឋបាលកាកាបទី២​ បានឱ្យដឹងថា​ ការចុះផ្សព្វផ្សាយពីផលប៉ះពាល់ពីបញ្ហាគ្រឿងញៀននេះ ធ្វើឡើងក្រោមការចង្អុលបង្ហាញពីលោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ ដឹកនាំពីលោកវរសេនីយ៍ត្រី ជឿន សារ៉ុម អធិការរងទទួលផែនគ្រឿងញៀន​បានចុះធ្វេីការផ្សព្វផ្សាយបញ្ហាគ្រឿងញៀនដល់សិស្សានុសិស្សដែលរៀននៅសាលាមីគីវ៉េ​ ស្ថិតនៅផ្លូវសហពន្ធ័រុស្សុី ភូមិក្បាលដំរី២ សង្កាត់ កាកាបទី២ ដេីម្បីស្វែងយល់ឱ្យច្បាស់ និងចៀសឱ្យផ្សាយពីគ្រឿងញៀន​ និងការប្រើប្រាស់បារីអេឡិចត្រូនិច។

ជាមួយគ្នានោះផងដែរ​ កម្លាំងសមត្ថកិច្ចក៏បានណែនាំអំពីបញ្ហា​ក្មេងទំនើង ច្បាប់ចរាចរណ៍​ ភូមិឃុំមានសុវត្ថិភាព និងបញ្ហាមួយចំនួនទៀត ដែលមានសិស្សចូលរួមសរុបចំនួន ៦០នាក់ ស្រី ២៦នាក់៕

អត្ថបទ៖ សុខា