កីឡា

គ្រូចំបាប់អ្នកស្រី ចូវ សុធារ៉ា លើកពីបទពិសោធចូលរួមកម្មវិធី OCA នៅកាហ្សាក់ស្ថាន

បានផុស

៩ ខែ មុន

នៅ

ថ្ងៃព្រហស្បតិ៍ ៤ កញ្ញា ២០២៥

ដោយ

គ្រូកីឡាចំបាប់ឆ្នើមរបស់កម្ពុជាអ្នកស្រី ចូវ សុធារ៉ា លើកពីបទពិសោធដែលចូលរួមកម្មវិធី Olympic Council Of Asia/ Olympic Solidarity Athetes Forum (OCA) មានសុទ្ធតែកីឡាករ កីឡាការិនីអូឡាំពិកឆ្នើមចូលរួមនៅឯប្រទេសកាហ្សាក់ស្ថានអំឡុងថ្ងៃទី២-៣ ខែកញ្ញា ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី ចូវ សុធារ៉ា

អ្នកស្រី ចូវ សុធារ៉ា បានឲ្យដឹងថា ការចូលរួមនេះទី១ ផ្ដោតលើការគ្រោងធ្វើជាម្ចាស់ផ្ទះកម្មវិធី Asian Games 2026 នៅប្រទេសកាហ្សាក់ស្ថានផង និងជាការចែករំលែកបទពិសោធទៅគ្នាទៅវិញទៅរបស់អតីតកីឡាករ កីឡាការិនីអូឡាំពិកកន្លងទៅ។

ទិដ្ឋភាពកម្មវិធី OCA

បន្ថែមពីនេះគ្រូបង្វឹកកីឡាចំបាប់ឆ្នើមរូបនេះបញ្ជាក់ទៀតថា អ្វីដែលកត់សម្គាល់ទៀតនោះគឺការអភិវឌ្ឍន៍ខ្លួនពីមួយដំណាក់កាលទៅមួយដំណាក់កាលក្នុងវិស័យកីឡាមួយនេះ។ ពោលការអភិវឌ្ឍន៍នេះគឺចាប់ពីអំឡុងជាកីឡាករ កីឡាការិនី បន្ទាប់មកពង្រឹងសមត្ថភាពវិវត្តន៍ខ្លួនជាគ្រូបង្វឹក និងបន្តអភិវឌ្ឍន៍សមត្ថភាពក្លាយជាផ្នែកដឹកនាំផ្សេងៗក្នុងវិស័យកីឡាមួយនេះ។ ដូច្នេះហើយបទពិសោធនៃការចូលរួមក្នុងកម្មវិធី OCA នេះពិតជាមានសារប្រយោជន៍សំខាន់ចំពោះអ្នកស្រី និងជាការបង្រៀនដ៏ល្អមួយដើម្បីយល់ដឹងពីការអភិវឌ្ឍន៍លើវិថីកីឡានៅអន្តរជាតិ។

ទិដ្ឋភាពកម្មវិធី OCA

បញ្ជាក់ដែរថា កម្ពុជាមានបានបញ្ជូនគ្រូចំនួន២រូបដែលសុទ្ធជាអតីតកីឡាករ កីឡាការិនីអូឡាំពិកពីមុនមកគឺអ្នកស្រី ចូវ សុធារ៉ា ផ្នែកចំបាប់ និងលោក ហែម គិរី ផ្នែកកីឡាហែលទឹក។ កម្មវិធី Olympic Council Of Asia/ Olympic Solidarity Athetes Forum (OCA) ធ្វើឡើងរយៈពេល ២ថ្ងៃចាប់ពីថ្ងៃទី២ ដល់ ៣ ខែកញ្ញា ឆ្នាំ២០២៥ នៅប្រទេសកាហ្សាក់ស្ថាន៕