ព្យុះព្រិលធ្វើឲ្យមនុស្ស ១ពាន់នាក់ជាប់គាំងលើជម្រាលភ្នំ Everest 

យោងតាមការចេញផ្សាយរបស់សារព័ត៌មាន BBC នៅថ្ងៃទី០៦ខែតុលា មនុស្សជិត ១ពាន់ នាក់ត្រូវបានជាប់នៅលើជម្រាលភ្នំEverest ទីបេ បន្ទាប់ពីមានព្យុះព្រិលភ្លាមៗបានវាយប្រហារកាលពីថ្ងៃសុក្រ។

ក្រុមជួយសង្គ្រោះ និងអ្នកភូមិក្នុងតំបន់បាននឹងកំពុងធ្វើការដើម្បីបោសសម្អាតព្រិលធ្លាក់ខ្លាំងនៅកម្ពស់លើសពី ៤,៩០០ម៉ែត្រ ដោយមានយ៉ាងហោចណាស់មនុស្ស ៣៥០ នាក់ត្រូវបានជួយសង្គ្រោះទៅកាន់កន្លែងមានសុវត្ថិភាព ។

អ្នករស់រានមានជីវិតបានពិពណ៌នាអំពីភាពត្រជាក់ខ្លាំង និងការដួលរលំតង់ ដោយមានអ្នកឡើងភ្នំខ្លះទទួលរងនូវការថយចុះកម្តៅ។ អាជ្ញាធរបានផ្អាកទេសចរចូលទៅកាន់តំបន់ទេសភាព Everest ខណៈដែលក្រុមជួយសង្គ្រោះបន្តជួយអ្នកឡើងភ្នំ និងអ្នកដើរលេងដែលជាប់គាំងទៅកាន់ទីសុវត្ថិភាព។

គួរបញ្ជាក់ថាព្យុះនេះកើតឡើងចំពេលដែលមានបញ្ហាអាកាសធាតុកាន់តែធ្ងន់ធ្ងរនៅក្នុងតំបន់ ដោយប្រទេសនេប៉ាល់បានរងការវាយប្រហារដោយទឹកជំនន់ និងបំណាក់ដីដ៏ធ្ងន់ធ្ងរ ខណៈដែលព្យុះទីហ្វុង Matmo បានបង្ខំឱ្យមានការជម្លៀសប្រជាជនយ៉ាងច្រើននៅក្នុងប្រទេសចិន៕

អត្ថបទ៖ ប៊ុន សុភាព