ស្ថានទូតអាមេរិកប្រចាំនៅកម្ពុជា កំពុងប្រកាសជ្រើសរើសនិស្សិតកម្ពុជា ដែលមានបំណងចង់ហាត់ការ (Internship) នៅស្ថានទូតអាមេរិកតាមតួនាទីផ្សេងៗចាប់ពីខែមិថុនា ដល់ ខែតុលា ឆ្នាំ២០២៣ នេះ។ ស្ដានទូតអាមេរិក នឹងទទួលការដាក់ពាក្យចាប់ពីថ្ងៃទី១៦ ខែមីនា ដល់ថ្ងៃទី០៦ ខែមេសា ឆ្នាំ២០២៣។

ចំពោះនិស្សិតដែលមានចំណាប់អារម្មណ៍ចង់ហាត់ការនៅស្ថានទូតអាមេរិកប្រចាំកម្ពុជា​ ត្រូវជានិស្សិតដែលមានចំណាត់ថ្នាក់ និងការសិក្សាល្អ ហើយត្រូវស្ទាត់ជំនាញផ្នែកភាសា ទាំងភាសាជាតិ និងអន្តរជាតិ។​ លក្ខខណ្ឌ ដើម្បីទទួលបានការហាត់ការ មានដូចខាងក្រោម៖

លក្ខខណ្ឌជ្រើសរើស៖

• ជាប្រជាពលរដ្ឋរស់នៅអចិន្ត្រៃយ៍នៅកម្ពុជា
• មានអាយុយ៉ាងហោចណាស់ ១៨ឆ្នាំ
• ត្រូវជានិស្សិតបានបញ្ចប់ការសិក្សានៅវិទ្យាល័យ
• ជាសិស្សសកម្មក្នុងថ្នាក់រៀន
• ត្រូវយកលិខិតបញ្ជាក់ពីវិទ្យាល័យ ដើម្បីបង្ហាញថាជាសិស្សពូកែក្នុងថ្នាក់
• ត្រូវមានលិខិតបញ្ជាក់ពីសាលាដែលបញ្ជាក់ពីការចុះឈ្មោះបច្ចុប្បន្ន
• ត្រូវអាចបំពេញការងាររហូតដល់ខែតុលា ឆ្នាំ២០២៣

លក្ខខណ្ឌតម្រូវផ្នែកភាសា៖

• កម្រិត II (ចំណេះដឹងមានកម្រិត) និយាយ អាន សរសេរភាសាអង់គ្លេស
• កម្រិត IV (ស្ទាត់ជំនាញ) ភាសាខ្មែរត្រូវទាមទារ
• ផ្នែកភាសា និងជំនាញ Microsoft Office ត្រូវធ្វើតេស្តសាកល្បង។

ឯកសារដែលត្រូវការ៖

• បំពេញទម្រង់ពាក្យអ្នកហាត់ការ
• ត្រូវមានវិញ្ញាបនបត្រសិក្សាបញ្ចប់វគ្គសិក្សា និងឆមាសចុងក្រោយ ដើម្បីបង្ហាញពីលិទ្ធផលការសិក្សាល្អ
• លិខិតបញ្ជាក់ពីសាលា ឬ លិខិតចុះឈ្មោះចូលរៀន
• អត្តសញ្ញាណប័ណ្ណសញ្ជាតិខ្មែរ។

សូមជម្រាបថា ចំពោះនិស្សិតដែលធ្លាប់បានហាត់ការនៅស្ថានទូតអាមេរិកប្រចាំនៅកម្ពុជាម្តងរួចហើយនោះ គឺមិនតម្រូវឱ្យចុះឈ្មោះម្តងទៀតឡើយ។ ឱកាសនេះសម្រាប់អ្នកដែលមិនធ្លាប់បានហាត់ការប៉ុណ្ណោះ។ ប្រសិនជាសាធារណជនមានបំណងចង់ចុះឈ្មោះហាត់ការ និង ព័ត៌មានបន្ថែមអាចចុចបានតាមរយៈ https://kh.usembassy.gov/embassy/jobs/cambodian-student-internship-various-positions/ ៕