ព័ត៌មានជាតិ

អូស្ត្រាលីនឹងទទួលយកសិស្សបច្ចេកទេសពីកម្ពុជាទៅហាត់ការនៅឆ្នាំ២០២៦

បានផុស

៦ ខែ មុន

នៅ

ថ្ងៃព្រហស្បតិ៍ ៦ វិច្ឆិកា ២០២៥

ដោយ

ប្រទេសអូស្ត្រាលីនឹងចាប់ផ្ដើមទទួលយកសិស្សបច្ចេកទេសវិជ្ជាជីវៈពីកម្ពុជាដើម្បីទៅហាត់ការនៅប្រទេសនេះចាប់ពីឆ្នាំ២០២៦តទៅ។ ការសម្រេចទទួលយកសិស្សកម្ពុជានេះគឺបន្ទាប់អូស្ត្រាលីបានចុះកិច្ចព្រមព្រៀងជាមួយកម្ពុជាកាលពីថ្ងៃទី៤ ខែវិច្ឆិកា ឆ្នាំ២០២៥។

ក្នុងកិច្ចព្រមព្រៀងដែលចុះរួមគ្នារវាងរដ្ឋមន្ត្រីការងារកម្ពុជាលោក ហេង សួរ និងប្រធានស្នងការជំនាញ នៃរដ្ឋអូស្ត្រាលីខាងត្បូងលោក Cameron Baker សិស្សដែលកំពុងរៀនថ្នាក់សញ្ញាបត្របច្ចេកទេស និងវិជ្ជាជីវ ១-៣ នឹងត្រូវជ្រើសរើសទៅចុះហាត់ការផ្ទាល់រយៈពេល២ឆ្នាំនៅតាម រោងជាង ការដ្ឋាន និងកសិដ្ឋាននានានៅរដ្ឋអូស្ត្រាលីខាងត្បូង។

លោក Cameron Baker បានបញ្ជាក់ថាក្រុមការងារអនុវត្តកិច្ចការនេះនឹងចាប់ផ្ដើមនៅក្នុងឆ្នាំ២០២៦ លើមុខជំនាញវិស្វកម្មរថយន្ត រថយន្តអគ្គិសនី និងអេឡិចត្រូនិក និងអាចបន្ថែមជំនាញផ្សេងៗទៀតចាប់ពីឆ្នាំ២០២៧។

ជាមួយនឹងកិច្ចសហប្រតិបត្តិការការបញ្ជូនសិស្សទៅហាត់ការនេះ ប្រទេសទាំងពីក៏នឹងសហការគ្នាបណ្ដុះបណ្ដាលសមត្ថភាពគ្រូ អភិវឌ្ឍកម្មវិឌីសិក្សា និងវិធីសាស្ត្របង្រៀនដែលស្របតាមស្ដង់ដារអូស្រ្តាលីផងដែរ៕

អត្ថបទដោយ ហ៊ុន សិរីវឌ្ឍន៍