សេចក្ដីជូនដំណឹង

ក្រសួងអប់រំ លើកពេលប្រឡង គណិតវិទ្យាថ្នាក់ជាតិដោយប្រើម៉ាស៊ីនគិតលេខវិទ្យាសាស្រ្ត

បានផុស

២ years មុន

នៅ

ថ្ងៃសុក្រ ១២ ឧសភា ២០២៣

ដោយ

ក្រសួងអប់រំ យុវជន និងកីឡា បានប្រកាសលើកពេលការប្រកួតប្រជែងគណិតវិទ្យា ដោយប្រើម៉ាស៊ីនគិតលេខវិទ្យាសាស្ត្រសម្រាប់សិស្សពីថ្នាក់ទី៧ ដល់ថ្នាក់ទី១១ ដែលគ្រោងធ្វើនៅថ្ងៃ ទី២៨ ខែឧសភា ឆ្នាំ២០២៣ ទៅធ្វើនៅថ្ងៃទី២៥ ខែមិថុនា ឆ្នាំ២០២៣ វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់ ក្រសួងអប់រំ យុវជន និងកីឡា ចុះថ្ងៃទី១១ ខែឧសភានេះ បានឱ្យថា ក្រសួងសូមជូនដំណឹងដល់សិស្សានុសិស្សទាំងអស់ដែលកំពុងសិក្សាពីថ្នាក់ទី៧ ដល់ថ្នាក់ទី១១ ទូទាំងប្រទេសឱ្យបានជ្រាបថា ការរៀបចំការប្រកួតប្រជែងគណិតវិទ្យាដោយប្រើម៉ាស៊ីនគិតលេខវិទ្យាសាស្ត្រ សម្រាប់ថ្នាក់ទី៧ ដល់ថ្នាក់ទី១១ ដែលគ្រោងធ្វើនៅថ្ងៃទី២៨ ខែឧសភា ឆ្នាំ២០២៣ ត្រូវបានពន្យារពេលធ្វើនៅ ថ្ងៃទី២៥ ខែមិថុនា ឆ្នាំ២០២៣ វេលាម៉ោង ៨ព្រឹក នៅវិទ្យាស្ថានជាតិអប់រំ។

ក្រសួងអប់រំបានណែនាំដល់សិស្សដែលមានចំណាប់អារម្មណ៍ សូមមកចុះឈ្មោះចូលរួមប្រកួតនៅអាគារ “I” នៃមណ្ឌលស្រាវជ្រាវគុរកសល្យជំនាន់ថ្មី នៃវិទ្យាស្ថានជាតិអប់រំ ចាប់ពីថ្ងៃជូនដំណឹងនេះតទៅ រហូតដល់ ថ្ងៃទី២០ ខែមិថុនា ឆ្នាំ២០២៣ វេលាម៉ោង ៥ និង ០០នាទីជាកំណត់។

បើតាមក្រសួងអប់រំ ការរៀបចំការប្រកួតប្រជែងគណិតវិទ្យា ដោយប្រើម៉ាស៊ីនគិតលេខវិទ្យាសាស្ត្រកសម្រាប់សិស្សពីថ្នាក់ទី៧ ដល់ថ្នាក់ទី១១ ធ្វើឡើងក្នុងគោលបំណងចូលរួមពង្រឹងសមត្ថភាពសិស្ស ព្រមទាំងពង្រឹងគុណភាព និងប្រសិទ្ធភាពនៃការរៀន និងការសិក្សាស្រាវជ្រាវគណិតវិទ្យា ជាពិសេសតាមរយៈការបញ្ជ្រាប ICT ទៅក្នុងការអប់រំគណិតវិទ្យានៅកម្ពុជា។

ចំពោះរង្វាន់ដែលទទួលបានពីកម្មវិធីរួមមាន ជ័យលាភីលេខ១ ទទួលបានមេដាយមាស ជ័យលាភីលេខ២ ទទួលបានមេដាយប្រាក់ និងជ័យលាភីលេខ៣ ទទួលបានមេដាយសំរឹទ្ធ៕