ទាំងនេះជាអត្ថន័យ​នៃ​ពណ៌​កាបូប​ដាក់​ប្រាក់តាមក្បួនហុងស៊ុយ

ការជ្រើសរើសកាបូបដៃសម្រាប់ដាក់ប្រាក់ ជាហុងស៊ុយសំខាន់មួយដែលគួរពិចារណា មុនសម្រេចប្រើប្រាស់ពណ៌ណាមួយ ព្រោះថាកាបូប​ដាក់​ប្រាក់​នីមួយៗ សុទ្ធតែអាចនាំលាភ ឬសំណាងអាក្រក់ទៅតាមពណ៌របស់វា។  ដូច្នេះ ​មកស្វែងយល់អត្ថន័យ​នៃ​ពណ៌កាបូប​ដាក់​ប្រាក់​ ​ដែល​គួរ​ប្រុងប្រយ័ត្ន​ក្នុងការ​ជ្រើស​យកមកប្រើ។

ពណ៌​ខ្មៅ៖  ហុងស៊ុយ​រក្សាទ្រព្យ និងលុយកាក់បានល្អ។ កាបូបពណ៌ខ្មៅនិមិត្តរូបសម្បូរ​ប្រាក់កាស ចំណូលហូរចូលឆិបៗ ​​រកស៊ី​មិន​ងាយ​ខាតបង់​ឡើយ។

ពណ៌​ស៖ ​កាបូបពណ៌ស មិនសូវមានអ្នក​ជ្រើសរើស​យកមកប្រើទេ ដោយសារពណ៌នេះតំណាងឱ្យភាពទទេស្អាត។ បើ​អ្នករកស៊ីប្រើប្រាស់វា គេជឿថា នឹង​រកចំណូលមិនសូវបាន។

ពណ៌​ក្រហម៖ ​អាប់រាសី! វាអាចងាយរក តែក៏ងាយ​ចំណាយ ហើយប្រាក់ចាយ​ខ្ជះខ្ជាយមិនសល់នឹង​ខ្លួន និងពិបាក​សន្សំសំចៃ​ណាស់។​

ពណ៌​លឿង​៖ កាបូបពណ៌នេះ និមិត្តរូបហៅ​ទ្រព្យសម្បត្តិឱ្យចូលហូរហៀរ។ វាមាន​ថាមពល​ក្នុងការរកលុយ ប៉ុន្តែសន្សំមិនសូវសល់។

ពណ៌​ខៀវ​៖ ពណ៌ខៀវនិងពណ៌ស មានហុងស៊ុយមិនខុសគ្នាប៉ុន្មានទេ។ វាជាសញ្ញានៃការបណ្ដេញប្រាក់កាស ហើយចំណូលពិបាករក និងបែកទ្រព្យ។

ពណ៌​បៃតង៖ ពណ៌នេះហុងស៊ុយល្អ! មិនត្រឹមតែអាច​រក្សាទ្រព្យ​សម្បត្តិទេ​ ថែមទាំងរកស៊ីកាក់កប សម្បូរលុយចាយទៀតផង ។

ពណ៌​ជម្ពូ៖  ពណ៌ស៊ីជម្ពូ​​នាំមក​នូវ​ថាមពល​នៃជោគជតា​ស្នេហា ។ អ្នកប្រើពណ៌នេះ នឹងជួបលាភសំណាងស្នេហាផ្អែមល្ហែម យល់ចិត្ត ក៏ដូចជាជួបសុមង្គលច្រើនៗ៕

ប្រែសម្រួល៖ សន្យា

ប្រភព៖​ Feng Shui

ចុចអាន៖ ពណ៌សម្រាប់លាបគេហដ្ឋានឬការិយាល័យ ក៏ជាហុងស៊ុយ​ជួយ​លើករាសី​ដល់ម្ចាស់ដែរ

ចុចអាន៖ ត្បូង៧ប្រភេទនេះ គួរមាន​ជាប់ខ្លួន​ក្នុងឆាកជីវិត