វប្បធម៌ ជំនឿ
មនុស្សប្រុសស៊យបំផុត តែងមានលក្ខណៈ ៤យ៉ាងនេះ
ជីវិតមនុស្សជោគជ័យ ឬបរាជ័យ ភាគច្រើនអាស្រ័យទៅលើការប្រឹងប្រែងរបស់ពួកគេរៀងខ្លួន។ ទោះជាយ៉ាងនេះក៏ដោយ អ្នកជំនាញខាងហុងស៊ុយ ជឿស៊ុបថា ទម្រង់មុខមនុស្សម្នាក់ៗសុទ្ធសឹងបង្ហាញអំពីសំណាងល្អ ឬអាក្រក់ និងឆ្លុះបញ្ចាំងពីអនាគតបានផងដែរ។
ជាក់ស្តែង បុរសដែលមានលក្ខណៈទាំង ៤ ដូចខាងក្រោម អ្នកជំនាញផ្នែកនរវិទ្យាបានរកឃើញថា ពួកគេជាបុរសស៊យបំផុត ហើយគ្មានជោគវាសនាល្អនឹងគេនោះទេ។
១. ប្រជ្រុយនៅកណ្ដាលចិញ្ចើម
បើសុភាពបុរសណាមានប្រជ្រុយ នៅត្រង់កន្លែងនេះ គេចាត់ទុកជាប្រផ្នូលអាក្រក់ ឬគ្មានសំណាងល្អបន្តិចឡើយ។ ប្រជ្រុយកណ្ដាលចិញ្ចើម មិនអាចផ្ដល់សំណាងឲ្យកើតមានដល់ម្ចាស់នោះទេ។ ជីវិតពួកគេ ទោះខំប្រឹងប្រែង ក៏មិនអាចសុខបានពេញមួយជីវិតដែរ។ សូម្បីផ្លូវអាជីពរបស់គេក៏លំបាកខ្លាំង រីឯជីវភាពពិបាកគេចផុតពីភាពក្រីក្រណាស់។
២. ឆ្អឹងមុខធំ
ក្រៅពីប្រជ្រុយកណ្ដាលចិញ្ចើម ឆ្អឹងមុខធំ និងស្បែកមុខស្តើងក៏ជាលក្ខណៈដែលបង្ហាញថា ទោះបីខំប្រឹងអស់មួយជីវិត ក៏នៅតែក្រលំបាក។ បុរសទាំងនេះភាគច្រើនជាប្រភេទមនុស្សមិនខំធ្វើការ ខ្ជិល បង្ហិនលុយគ្រួសារ ដោយសារទម្លាប់លេងល្បែងស៊ីសង។ ទោះបីពួកគេមានទ្រព្យច្រើនបន្សល់ទុកពីឪពុកម្តាយក៏ដោយ ក៏មិនអាចសល់ក្លាយជាអ្នកមានបាន ព្រោះងប់ងល់នឹងល្បែងខ្លាំង ឯការងារកម្រអាចទុកលុយក្នុងដៃបានយូរ ហើយជីវិតក្រោយៗមកកាន់តែក្រទៅៗ។
៣. ប្រជុំចិញ្ចើមជិតគ្នា
បុរសដែលមានប្រជុំចិញ្ចើមជិតគ្នា ពិតជាជួបការលំបាកណាស់ មិនថាវ័យក្មេង ឬវ័យកណ្ដាលក្ដី ជាពិសេសវិថីសំណាង មិនងាយភព្វប្រសព្វទេ។ លើសពីនេះ ពួកគេភាគច្រើនមានចរិតតូចចង្អៀត ដូច្នេះហើយពួកគេមិនអាចធ្វើអ្វីធំដុំបានឡើយ ហើយអាជីពរបស់ពួកគេក៏មិនអាចជោគជ័យនោះដែរ។
៤. បបូរមាត់ស្តើង និងទូលាយ
បុរសដែលមានទម្រង់មាត់ធំទូលាយ និងបបូរមាត់ស្តើង ភាគច្រើនជាប្រភេទមនុស្ស ដែលមានសម្ដីសម្ដៅមិនពិរោះពិសារ ដោយតែងនិយាយពាក្យគំរោះគំរើយដាក់មនុស្សជុំវិញខ្លួន។ មិនតែប៉ុណ្ណោះ ពួកគេជាប្រភេទ ខ្លួនប្រុសមាត់ស្រី និយមនិយាយដើមអ្នកដទៃ និងខ្វះការយល់ចិត្តអ្នកផងទាំងពួង។
មនុស្សប្រុសមានមាត់បែបនេះ ជានិមិត្តសញ្ញានៃមនុស្សដែលមិនអាចរក្សាលុយនៅក្នុងដៃបាន។ ទោះបីមានលុយក្នុងដៃក្តី ប៉ុន្តែលាភសំណាង នឹងរលត់ទៅវិញ លុយកាក់ធ្លាក់ចុះ ជីវភាពជួបទុក្ខលំបាក ហើយខ្វះខាតច្រើនសឹងពេញមួយជីវិត។
យ៉ាងណាមិញ ការទស្សន៍ទាយនេះ នឹងមិនត្រឹមត្រូវ ១០០%ទេ ព្រោះជីវិតមនុស្សម្នាក់ៗ រមែងមានលក្ខណៈពិសេសរៀងខ្លួន ទោះបីជាក្រីក្រ ឱ្យតែឧស្សាហ៍ព្យាយាម បន្តខិតខំប្រឹងប្រែងឱ្យអស់ពីសមត្ថភាព មិនយូរមិនឆាប់ ជីវិតនឹងប្រសើរមិនខាន!
អត្ថបទ៖ សន្យា
ចុចអាន៖ ៥ យ៉ាងលើផ្ទៃមុខស្រ្តី ទេវតាចារជាមនុស្សសំណាងបំផុត
ចុចអាន៖ ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង