វប្បធម៌ ជំនឿ

ព្រះសង្ឃនិងព្រះពុទ្ធ ក្នុងសុបិន តំណាងឲ្យកាងារឡើងស្រឺតៗ ជីវិតថ្កុំថ្កើងជាងមុន

បានផុស

១០ ខែ មុន

នៅ

ថ្ងៃព្រហស្បតិ៍ ១០ កុម្ភៈ ២០២២

ដោយ

ព្រះពុទ្ធសមណគោតម ត្រូវបានគេស្គាល់ថា ជាស្ថាបនិកនៃព្រះពុទ្ធសាសនា។ ព្រះអង្គគឺជាពន្លឺដឹកនាំ សម្រាប់អ្នកស្វែងរកភាពជ្រះថ្លា ចេញពីក្នុងចិត្ត រយៈពេលជាង ២៥០០ ឆ្នាំមកហើយ។

ចំណែកឯព្រះសង្ឃវិញ តំណាងឲ្យការគោរពប្រតិបត្តិក្នុងជំនឿសាសនា ដែលមានជាយូរលង់ណាស់មក។ មិនថាព្រះពុទ្ធរូប ឬព្រះសង្ឃ សុទ្ធតែជាអត្ថន័យល្អ កាលបើគេងសុបិនឃើញ។

សុបិនឃើញព្រះសង្ឃ បានន័យថានៅក្នុងជីវិតរបស់អ្នកបច្ចុប្បន្ននេះ នឹងមានការផ្លាស់ប្ដូរក្នុងជីវិត គ្រប់វិស័យជាច្រើន ទាំងការងារនិងជីវិត។ ទន្ទឹមនោះ ក្នុងអំឡុងពេលនេះ អ្នកគួរតែប្រយ័ត្នពាក្យសម្ដីខ្លះៗរបស់ខ្លួនឯងផងដែរ ប្រសិនបើអ្នកមិនចង់មានបញ្ហាជាមួយអ្នកជុំវិញ។ កុំឲ្យដូចពាក្យចាស់តែងនិយាយថា រស់ឬស្លាប់ គឺលើមាត់នេះឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនថា បានធ្វើបុណ្យជាមួយព្រះសង្ឃ តាមជំនឿទាយថា អ្នកនឹងទទួលបានសំណាងពីមនុស្សដែលមានឋានៈធំជាង ឬនរណាម្នាក់ដែលអ្នកគោរព មានកិត្តិយស គេនឹងនាំលាភមកឲ្យដល់មាត់ទ្វារ។

សុបិនឃើញព្រះពុទ្ធ បានន័យថា ជាសុបិនល្អសម្រាប់ខ្លួនអ្នក ដែលអាចទទួលបានសំណាង ទាំងជីវិតនិងការងារ។ជាពិសេស មានគេអាណិតចូលចិត្ត និងគោរពស្រលាញ់ច្រើនៗ។

សុបិនឃើញស្នាមជើងព្រះពុទ្ធ បានន័យថា រាល់ភារកិច្ចការងាររបស់អ្នក នឹងប្រសើរឡើងស្រឺតៗ មានគេចូលចិត្ត និងអាណិតស្រលាញ់ច្រើន។ ម្ល៉ោះហើយ ចូរខិតខំព្យាយាម នឹងកិច្ចការងារ ហើយកុំលោភលន់ កាលបើលាភសក្ការមកដល់ទីកន្លែង។