វប្បធម៌ ជំនឿ

ប្រជ្រុយ ៦ នេះលើផ្ទៃមុខ ចាស់ៗនិយាយថា ទាក់ទាញសំណាង និងមានមន្តស្នេហ៍ខ្លាំង

បានផុស

២ years មុន

នៅ

ថ្ងៃពុធ ៩ មីនា ២០២២

ដោយ

ថ្ងៃនេះ គ្រូ ណុប នឹងនិយាយអំពីជំនឿនៃទីតាំងរបស់ប្រជ្រុយលើមុខ របស់មិត្តអ្នកអាន។ ដោយយោងតាមជំនឿ ចំនុចនីមួយៗនៃប្រជ្រុយ ត្រូវបានបំពេញបន្ថែមក្នុងវិស័យផ្សេងៗ ទាំងសំណាង មន្តស្នេហ៍ ជួយលើករាសី និងបង្កើតភាពទាក់ទាញដល់មនុស្សភេទផ្ទុយ។

ប្រជុយនៅសៀតផ្កាខាងឆ្វេង

បុគ្គលណាក៏ដោយ មិនថាស្រីឬប្រុស កាលបើមានប្រជ្រុយដូចដែលបានរៀបរាប់ខាងលើ គឺជាមនុស្សមានលាភ មានជ័យ មានទ្រព្យសម្បត្តិសាងពីអតីតជាតិ ។ នៅពេលចាស់ទៅ គេនឹងរស់មានក្ដីសុខ ដោយសារតែកូនចៅចេះដឹងគុណដល់រូបគេ។

ប្រជ្រុយនៅចុងច្រមុះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេនោះជាមនុស្សមានមន្តស្នេហ៍ ទាក់ទាញទាក់ភ្នែក ទាំងមនុស្សភេទផ្ទុយនិងភេទដូចគ្នា ជាពិសេសមនុស្សនេះក៏មានលាភសំណាង មិនថាប្រកបការងារអ្វីឡើយ គឺសំណាងតែងនាំមុខជួយគេឲ្យចម្រុងចម្រើនជានិច្ច ។

ប្រជ្រុយនៅលើបបូរមាត់

ជនប្រុសស្រីណាដែលមានប្រជ្រុយលើបបូរមាត់រឹមខាងលើជាមនុស្សមានមន្តស្នេហ៍ មានសេចក្ដីមេត្តាករុណាដ៏អស្ចារ្យដល់មនុស្សផងទាំងពួង។ មានមនុស្សចូលចិត្តអាណិតស្រលាញ់ចង់មកចរចារាប់ជាញាតិណាស់។

ប្រជ្រុយនៅលើថ្ពាល់ខាងឆ្វេង

ជាមនុស្សមានមន្តស្នេហ៍ ទាក់ទាញមនុស្សឲ្យស្រឡាញ់ឲ្យចូលចិត្ត ជាពិសេសមនុស្សនេះតែងតែមានគេជួយគាំទ្រ និងទំនុកបម្រុងជាប់ជានិច្ច។

ប្រជ្រុយនៅជ្រុងនៃភ្នែកខាងឆ្វេង

ជាបុគ្គលមានលាភ មានមន្តស្នេហ៍ អ្នកណាឃើញក៏លង់ស្នេហ៍ ។ ប្រជ្រុយនេះជាប្រជ្រុយទាក់ទាញខ្លាំងមិនធម្មតា ទាំងមនុស្ស និងលុយកាក់ឲ្យហូរចូល។

ប្រជ្រុយនៅតំបន់ចង្កា

ជាមនុស្សទាក់ទាញ ការនិយាយពីមនុស្សជុំវិញ ពូកែការចរចាយ៉ាងស្ទាត់ជំនាញពីកំណើត។ តែត្រូវអំណត់បន្តិច កុំពូកែខឹង ទើបអាចទាក់ទាញទ្រព្យ និងមនុស្សឲ្យចូលចិត្តកាន់តែច្រើនឡើងៗ៕

គ្រូ ណុប

ចុចអាន៖ប្រជ្រុយត្រង់ចំណុចកំពូល ជំនឿបុរាណប្រាប់ពីជោគវាសនាក្នុងជីវិត