Connect with us

វប្បធម៌ ជំនឿ

ជួបសញ្ញាទាំង ៦នេះ ជាប្រផ្នូលនៃលាភសំណាងហូរចូលពេញផ្ទះ

បានផុស

នៅ

សត្វប្រចៀវសង់សំបុកនៅក្នុងផ្ទះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាសូចនាករដ៏មានឥទ្ធិពលបំផុតមួយដែលគ្រួសារហៀបនឹងក្លាយជាអ្នកមាន។ ជនជាតិចិនចាត់ទុកសត្វប្រចៀវជានិមិត្តរូបនៃទ្រព្យសម្បត្តិដ៏សំបូរបែប។ ពួកគេជឿថា សត្វប្រចៀវធ្វើសំបុកតែនៅក្នុងកន្លែងដែលមានអំណោយផលល្អប៉ុណ្ណោះ។ ដូច្នេះ ក្រោយឃើញមានសត្វប្រចៀវមកធ្វើសំបុកនៅក្នុងផ្ទះ សូមសប្បាយចិត្តចុះ ព្រោះជាប្រផ្នូលនាំសំណាងល្អមកកាន់ក្រុមគ្រួសារ។

ទទួលបានប្រាក់នៅថ្ងៃពេញបូរមី

វាជាសញ្ញាប្រាកដថា អ្នកនឹងទទួលបានតែសេចក្ដីសុខសប្បាយ និងប្រាក់កើនឡើងជាហូរហែរ។ ប្រសិននរណាម្នាក់សងបំណុលដែលជំពាក់ ឬមានអ្នកផ្ដល់ប្រាក់ជំនួយផ្សេងៗក្ដី នៅថ្ងៃពេញបូរមី គេមានជំនឿថា លុយនោះ ជាលុយលាភ ដែលនាំឲ្យអ្នកជួបតែសំណាងល្អគ្រប់ៗពេល។

បក្សីធ្លាក់លើក្បាល

មនុស្សជាច្រើនជឿថា នេះជាសញ្ញាសំខាន់នៃទ្រព្យសម្បត្តិមកពីស្ថានសួគ៌។ ពេលបក្សីហើរមកផ្ទះ ហើយចាប់ផ្តើមធ្វើសំបុកនៅជុំវិញផ្ទះ នោះជានិមត្តរូបនៃការនាំមកនូវដំណឹងល្អនិងឱកាសល្អនានា។ បក្សីត្រូវបានគេនិយាយថា ជាអ្នកការពារនិងអ្នកថែរក្សាដ៏មានឥទ្ធិពល ដែលសូម្បីតែសត្វក្អែកក៏ត្រូវបានគេជឿថា ជាអ្នកនាំសាររបស់ព្រះផងដែរ។ ដូច្នេះ ប្រសិនឃើញមានបក្សីមកក្រវែលផ្ទះ សូមស្វាគមន៍ពួកវាចុះ!

សំបុកពីងពាង

ផ្ទុយពីជំនឿបច្ចុប្បន្នដែលថា សំបុកពីងពាងនាំមកនូវភាពស្មុគស្មាញ វាត្រូវបានបុព្វបុរសជឿថា សំបុកពីងពាងនាំមកនូវសំណាងល្អជារៀងរហូត។ ផែនការនានានឹងវិវត្តទៅជាផ្លែផ្កា ហើយឧបសគ្គដែលរារាំងគម្រោងនឹងត្រូវរលាយ។ គេជឿថា សត្វពីងពាងនឹងទាក់ទាញឲ្យមានអាហារបរិបូណ៌ និងលុយហូរហៀរ!

ជួបជាមួយពស់

ជួបជាមួយពស់ ជាសញ្ញាមួយទៀតនៃសំណាងល្អ។ មិនថានៅក្នុងសួនច្បារ ក្នុងផ្ទះរឺក្រៅផ្ទះទេ ប្រសិនបើបើបានជួបជាមួយពស់ នោះមានន័យថា មានអ្វីមួយរឺនរណាម្នាក់ដែលសំខាន់កំពុងតែចូលមកក្នុងជីវិតរបស់អ្នក។ តាមជំនឿបុរាណ គេមិនឲ្យអ្នកធ្វើបាបឬសម្លាប់ពស់នៅពេលជួបនឹងវានោះទេ ព្រោះថាវានឹងរត់គេចដោយឯកឯង នៅពេលវាជួបនឹងអ្នក។ ចាស់ៗនិយាយថា ពស់ពិសកាន់តែច្រើន សំណាងល្អកាន់តែកើតមាន។ រីឯស្តេចពស់វែកត្រូវបានគេពិពណ៌នាថា ជាពស់មានសំណាងល្អបំផុត។ គេថា នៅពេលណាអ្នកសម្លាប់ពស់ នោះនឹងឃ្លាតឆ្ងាយពីក្រុមគ្រួសាររបស់អ្នក។

ដៃរមួល

ស្របពេលដៃទាំងពីរត្រូវរមួលដោយគ្មានមូលហេតុ នោះជាសញ្ញាលុយនឹងមករកឬចាកចេញពីអ្នក! ជាទូទៅ នៅពេលម្រាមដៃឆ្វេងចុកស្រពន់ភ្លាមៗ លុយនឹងរត់មករក ហើយបើរមួលនៅម្រាមដៃនាង នោះអ្នកនឹងឈ្នះឆ្នោត។ ប៉ុន្តែប្រសិនជាដៃស្តាំរមួល វាមានន័យថា លុយកំពុងចាកចេញទៅឆ្ងាយ៕

ប្រែសម្រួល៖ សន្យា

ប្រភព៖ wofs

ចុចអាន៖ ព្រះចន្ទពេញវង់ដ៏ពិសិដ្ឋសម្រាប់ការបួងសួង​ក្នុងទំនៀមអឺរ៉ុបរះនៅយប់ទី ៣១ ខែតុលានេះ

ចុចអាន៖ គេថាយល់សប្តិឃើញត្រីភាពជោគជ័យមកដល់មាត់ទ្វា?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២១ នាទី មុន

រុស្ស៊ី ​ធ្វើ​សមយុទ្ធ​បាញ់អាវុធ​នុយក្លេអ៊ែរ​ទ្រង់ទ្រាយ​ធំ ​ព្រមាន​លោក​ខាង​លិច

ព័ត៌មានជាតិ៩ ម៉ោង មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៩ ម៉ោង មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៩ ម៉ោង មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៩ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

Sokha Hotels

ព័ត៌មានពេញនិយម