សុបិនឃើញ “បុរសគេងអាក្រាត” អត្ថន័យល្អ​ឬអាក្រក់?

យោងទៅតាមការបកស្រាយសុបិន គេជឿថា សុបិនឃើញបុរសអាក្រាតកាយអាចនាំឱ្យម្ចាស់ខ្លួនមានការលំបាក នៅក្នុងជីវិតពិត។ វាជាសញ្ញាព្រមានឱ្យ​ប្រយ័ត្ន​ចំពោះ​អ្នក​ដែលនៅជិតខ្លួន ព្រោះគេកំពុង​ចូល​មក​​នាំ​ទុក្ខ​ដល់​អ្នក ឬបង្កបញ្ហាហិរញ្ញវត្ថុនាពេលខាងមុខ។

ក្នុងន័យស្នេហា មិនថាប្រុសស្រី ប្រសិនសុបិនឃើញបែបនេះ ត្រូវចេះគ្រប់គ្រងភាពប្រចណ្ឌរបស់ខ្លួន ​បើបណ្ដោយឱ្យអារម្មណ៍អូសទាញមួយពេល អាចនាំរឿង​ឈ្លោះ​គ្នា​ ឈានដល់ការបែកបាក់។

ឃើញបុរសម្នាក់អាក្រាត

ផ្អែកតាមការបកស្រាយ វាមានន័យថា ជីវិតអាចមានបញ្ហាជាមួយនឹងទំនាក់ទំនងជាមួយមនុស្សជុំវិញខ្លួន។ អ្នកអាចឈ្លោះ ឬមាត់ធំមាត់តូចជាមួយមនុស្សគ្រប់កន្លែងដែលអ្នកបានទៅដល់។

ឃើញបុរសច្រើននាក់អាក្រាតកាយ

សុបិននេះ ជាប្រផ្នូលនៃគ្រោះថ្នាក់ជាយថាហេតុមួយ។ ប៉ុន្តែវាមិនមែនជាគ្រោះថ្នាក់ធំដែលគួរព្រួយបារម្ភនោះទេ។ ទំនងជាមានការប៉ះទង្គិចបន្តិចបន្តួចជាមួយមនុស្សស្គាល់គ្នា។

លេខសំណាង

ប្រសិនអ្នកជាមនុស្សជឿលើហុងស៊ុយ ឬការផ្សងសំណាង សុបិនឃើញបុរសគេងស្រាត លេខសំណាងដែលគួរប្រើមានដូចជា ៣៦៨, ១១, ៣៧, ២៨៧, ៤៩, ៧១ និង ០១៣ ៕

អត្ថបទ៖ សន្យា

ចុចអាន៖ បកស្រាយអត្ថន័យ យល់សប្តិឃើញខ្លួនឯងដើរស្រាត

ចុចអាន៖ សុបិនឃើញ “ម្ដាយស្លាប់” គួរបារម្ភដែរទេ?