វប្បធម៌ ជំនឿ
សពព្រឹទ្ធាចារ្យល្បុក្កតោ៣ជំនាន់ មានភព្វទទួលការគោរពរំលែកទុក្ខពី រដ្ឋមន្ត្រីក្រសួងវប្បធម៌
បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ បានចាត់តំណាងដើម្បីនាំយកលិខិតរំលែកមរណទុក្ខ និងថវិកាទៅចូលរួមក្នុងពិធីបុណ្យសពលោកព្រឹទ្ធាចារ្យ អ៊ិត ប៉ែន ជាគ្រូគុនល្បុក្កតោ ៣ជំនាន់ នៅភូមិមានរិទ្ធ ឃុំកណ្ដោល ស្រុកទឹកឈូ ខេត្តកំពត ដែលបានទទួលមរណភាព ក្នុងជន្មាយុ ៨៤ឆ្នាំ ដោយជរាពាធ។
ក្នុងលិខិតរំលែកមរណទុក្ខ លោកស្រីបណ្ឌិតសភាចារ្យ ភឿង សកុណា លើកឡើងថា តាងនាមក្រសួងវប្បធម៌ និងវិចិត្រសិល្បៈ និងក្នុងនាមលោកស្រីផ្ទាល់ លោកស្រីមានសេចក្តីរន្ធត់ក្ដុកក្ដួល និងក្រៀមកំ ជាទីបំផុតចំពោះមរណភាពរបស់ លោកតា អ៊ិត ប៉ែន ដែលបានទទួលមរណភាព នៅថ្ងៃទី១៥ ខែវិច្ឆិកា ឆ្នាំ២០២២ វេលាម៉ោង ២ រសៀល។
ក្នុងឱកាសដ៏សែនវិយោគរកទីបំផុតគ្មាននេះ លោកស្រីសូមសម្ដែងនូវសមានទុក្ខ អាឡោះអាល័យ និងក្តីសង្វេគ ជាពន្លឹកជាមួយ ក្រុមគ្រួសារ ចំពោះមរណភាពរបស់ លោកតា អ៊ិត ប៉ែន ដែលជាការបាត់បង់ ឪពុក ឪពុកក្មេក ជីតា ជីតាទួតជាទីគោរពស្រឡាញ់ប្រកបដោយព្រហ្មវិហារធម៌ក្នុងការថែរក្សា អប់រំផ្ដល់ ដំបូន្មានដល់កូនចៅ។
ទន្ទឹមនេះក៏ជាការបាត់បង់នូវគ្រូគុនល្បុក្កតោមួយរូបដ៏អស្ចារ្យ ដែលលោករមែងលះបង់ពេលវេលាក្នុងការបង្ហាត់បង្ហាញដល់សិស្សគុនរហូតដល់បានបីជំនាន់។
បណ្ឌិតសភាចារ្យ ភឿង សកុណា សូមចូលរួមរំលែកមរណទុក្ខដ៏ក្រៀមក្រំបំផុតនេះជាមួយ ក្រុមគ្រួសារ សូមឧទ្ទិសបួងសួងដល់ដួងវិញ្ញាណក្ខន្ធសព លោកតា អ៊ិត ប៉ែន សូមបានទៅសោយសុខក្នុងសុគតិភពជានិច្ចនិរន្តរ៍តរៀងទៅ៕
-
ព័ត៌មានជាតិ១ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម១ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ៤ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៣ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានអន្ដរជាតិ៤ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ២ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានជាតិ៥ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
សេដ្ឋកិច្ច១ សប្តាហ៍ ago
តូតាល់អេនើជី ខួប១០០ឆ្នាំ