ពណ៌អពមង្គលមួយ ប្រជាជនចិនមិនប្រើដាច់ខាត ក្នុងឱកាសបុណ្យចូលឆ្នាំថ្មី

ក្នុងប្រពៃណីជនជាតិ ពណ៌មិនចេះតែរើសមកប្រើតាមការស្រឡាញ់ ឬតាមចិត្តចង់បានឡើយ។ ប្រជាជនដ៏ចំណាស់នេះមានជំនឿរាប់សិបឆ្នាំមកហើយ ពីអត្ថន័យនៃពណ៌នីមួយៗ ដើម្បីប្រើទាក់ទាញលាភសំណាង និងបញ្ចៀសគ្រោះអាក្រក់នានា។

ចំពោះវប្បធម៌ចិន ក្នុងពិធីបុណ្យចូលឆ្នាំថ្មី ពណ៌សំណាងបំផុតមាន ៣ សំខាន់ៗ (លឿង ក្រហម បៃតង) ដែលត្រូវបានចាត់ទុកជាពណ៌នាំលាភជ័យក្នុងជីវិតប្រចាំថ្ងៃ ក៏ដូចជាក្នុងឱកាសពិសេសៗ។ ប៉ុន្តែចំពោះពណ៌ស ត្រូវបានប្រជាជនចិន និងអ្នកជាប់សែស្រឡាយ ចាត់ទុកជាពណ៌អពមង្គលជាទីបំផុត។

មូលហេតុដែលប្រជាជននេះ ចាត់ទុកពណ៌ស មិនអាចប្រើដាច់ខាត ក្នុងពិធីបុណ្យចូលឆ្នាំរបស់ពួកគេ គឺដោយសារតែពណ៌សជាពណ៌តំណាងឱ្យលោហៈ ហើយត្រូវបានផ្សារភ្ជាប់ជាមួយការស្លាប់ និងការកាន់ទុក្ខ ព្រោះជនជាតិចិនស្លៀកពាក់សនៅពេលមានពិធីបុណ្យសព។

យ៉ាងណាមិញ លើកលែងពណ៌សមួយ ពណ៌ក្រហម លឿង និងបៃតង ជាពណ៌នាំសិរីសួស្ដីខ្លាំងជាងគេ ក្នុងឱកាសបុណ្យចូលឆ្នាំថ្មី។ ចំពោះក្រហម គេជឿថា អាចនាំសុភមង្គល ជោគជ័យ និងសំណាងល្អ។ ពណ៌លឿង​នាំមកនូវភាពថ្លៃថ្នូរ និងអំណាច។ រីឯបៃតង​ ជាពណ៌នាំសំណាងខាងលុយកាក់ និងទ្រព្យសម្បត្តិ៕

ប្រែសម្រួល៖ សន្យា

ចុចអាន៖ ប្រយ័ត្ននាំស៊យ ថ្ងៃចូលឆ្នាំ ចិន ហាមឲ្យអំណោយទាំង ១៥ នេះឲ្យសោះ