នាត្រីមាសទី១ ដើមឆ្នាំ២០២៣នេះ សម្រាប់មនុស្សកើតក្នុងឆ្នាំ “ថោះ” រាសីហាក់ធ្លាក់ចុះជាងចុងឆ្នាំមុន ដោយសារតែភាពជោគជ័យលើអាជីព ឬរបរជំនួញ មិនងាយកើតមានទាល់តែសោះ ឬបើកើតមានហើយ វាបានត្រឹមពេលខ្លីប៉ុណ្ណោះ។

គួរប្រយ័ត្នចំពោះមនុស្សធ្វើការជាមួយ ឬអ្នកទើបស្គាល់គ្នាថ្មី។ មិត្តរួមការងាររបស់អ្នកកំពុងច្រណែន និន្ទា និងរកវិធីផ្ដួលជើងអ្នកឱ្យដួល តាមដែលគេអាចធ្វើបាន។ នៅកន្លែងធ្វើការ​ ហាក់ទទួលភាពឯកា ព្រោះតែមិត្តរួមការងារ មិនសហការ។ យ៉ាងណាមិញ ក្នុង​រយៈពេល​នេះ ​បើ​ត្រូវ​ធ្វើការ​ជាមួយ​មនុស្ស​អ្នកទាំងនោះ ឬមួយក្រុម​ធំ ត្រូវរៀន​ធ្វើចិត្តឱ្យស្ងប់ កុំជះកំហឹងតាមកំហល់ ទើបបញ្ហាមិនរីកធំ។

ចូរដឹងថា រាសីរបស់អ្នក មិនសមប្រកបនោះទេ ក្នុងកំលុងពេលនេះ ព្រោះអ្នកទទួលរងសម្ពាធច្រើនមិនថា ការរកស៊ីជួញដូរ អាជីព ឬជីវភាពឡើយ។ ប្រាក់កាស ត្រូវចំណាយច្រើនជាងចំណូល ឯបំណុលក៏ជំពាក់ជំពិនមិនទាន់ចប់។ ចំណែកការលក់ដូរតូចធំ មិនសូវមានចំណូលនោះទេ។

ដោយឡែកជីវិតគ្រួសារ ជួបជុំគ្នាល្អហើយ ប៉ុន្តែបែរជាមិនសូវជិតស្និទ្ធគ្នាទៅវិញ។ ឯរឿងស្នេហា ត្រជាក់មិនត្រជាក់ ​ក្ដៅមិនក្ដៅ ឬហៅបានថា ស្នេហាគ្មានរសជាតិ។

ចូរ​ទៅធ្វើ​បុណ្យ ចែកទាន ​ជាមួយ​ក្រុមការងារ ឬ​មិត្តភក្តិ ឬសមាជិក​គ្រួសារ នៅមណ្ឌលកុមារកំព្រា នោះទើបបង្កើនសំណាង និងកាត់គ្រោះអាក្រក់ បន្ថែមសិរីសួស្ដីទ្វេដង៕

អត្ថបទ៖ សន្យា

ចុចអាន៖ ជោគជតាឆ្នាំទាំង១២ ប្រចាំឆ្នាំថោះ តាមតម្រាហោរាសាស្ត្រចិន ពី បណ្ឌិត អ៊ឹម បុរិន្ទ

ចុចអាន៖ “ខាល” ដើមឆ្នាំ២០២៣ អាជីពជោគជ័យ ទ្រព្យសម្បត្តិនឹងកើនឡើងទ្វេ