តាមជំនឿជនជាតិ សុបិនឃើញសត្វ ៨ ប្រភេទខាងក្រោម ភាគច្រើនជាប្រផ្នូលវិជ្ជមានទាក់ទងនឹងភាពជោគេជ័យទាំងពេលបច្ចុប្បន្ន និងអនាគត រួមមាន៖

យល់សប្តិឃើញកណ្ដុរ៖ កណ្តុរក្នុងសុបិន បង្កប់ន័យគ្រោះថ្នាក់។ ប៉ុន្តែបើអ្នកបានឃើញញខ្លួនឯងអាចបណ្ដេញសត្វកណ្ដុរក្នុងសុបិន មានន័យថា អ្នកអាចជម្នះលើការលំបាក និងយកឈ្នះលើបញ្ហា ឬសត្រូវ។

យល់សប្តិឃើញពស់៖ នៅក្នុងទេវកថា និងរឿងព្រេងនៃប្រទេសជាច្រើន រួមទាំងប្រទេសចិន ពស់តំណាងឱ្យឥស្សរជន ឬអទិទេព។ ដូច្នេះឃើញពស់ក្នុងសុបិន វាច្រើនតែតំណាងឱ្យប្រាជ្ញា។ លើសពីនេះ គេជឿថា ​ម្ចាស់សុបិននឹងទទួលបានសំណាងល្អដោយអាចជួបមិត្តថ្មី គូគ្រង ឬទទួលបានបុត្រ។

យល់សប្តិឃើញពីងពាង៖ សុបិនឃើញពីងពាង មានន័យថា ដោយសារការព្យាយាម និងប្រុងប្រយ័ត្នក្នុងការងារ ប្រាក់ចំណូលរបស់អ្នកនឹងកើនឡើងគួរជាទីពេញចិត្ត។ ប្រសិនបើសុបិនឃើញពីងពាងធ្វើសំបុក មានន័យថា អ្នកត្រូវតែខិតខំបន្ថែមទៀត ទើបទទួលបានជោគជ័យ ដែលខ្លួនប៉ងប្រាថ្នា។

យល់សប្តិឃើញឆ្មា៖ ឆ្មាច្រើនតែតំណាងឱ្យស្ត្រី។ នៅក្នុងសុបិន វាតំណាងឱ្យភាពផ្អែមល្ហែម តែក៏តំណាងឱ្យល្បិចកិច្ចកលដែរ។ យ៉ាងណាក្ដី ជាទូទៅសុបិនឃើញឆ្មា បង្ហាញថា អ្នកនឹងរកប្រាក់ចំណូលបានច្រើន។

យល់សប្តិឃើញឆ្កែ៖ សត្វឆ្កែត្រូវបានកំណត់លក្ខណៈដោយភាពស្មោះត្រង់ចំពោះម្ចាស់ ហើយវាកាចសាហាវជាមួយតែសត្រូវប៉ុណ្ណោះ។ សត្វនេះច្រើនតែតំណាងឱ្យសីលធម៌ និងវិន័យខ្លួនឯង។ ឆ្កែនៅក្នុងសុបិន ជានិមិត្តរូបនៃមិត្តភាព ដែលបង្ហាញពីភាពស្មោះត្រង់ក្នុងស្នេហា និងក្នុងរង្វង់មិត្តភក្តិ។

យល់សប្តិឃើញកន្លាត៖ អត្ថន័យរបស់វាគឺ មាននរណាម្នាក់នៅជុំវិញអ្នកដែលអ្នកស្អប់ កំពុងព្យាយាមផ្ដួលអ្នក។ ក្នុងពេលនេះ បើមិនរកមិត្តភក្តិមកពិភាក្សា ឬរកវិធីជួយដំណោះស្រាយទេ បញ្ហានឹងកាន់តែធ្ងន់ធ្ងរ។

យល់សប្តិឃើញតោ៖ សត្វតោតំណាងឱ្យភាពឃោរឃៅ និងកម្លាំងក្នុងសុបិន។ សត្វតោនៅក្នុងសុបិនជាធម្មតាត្រូវបានផ្សារភ្ជាប់ជាមួយនឹងសេចក្តីថ្លៃថ្នូរ ភាពរឹងមាំ សិរីរុងរឿង និងភាពក្លាហាន។ សុបិនឃើញប្រយុទ្ធជាមួយសត្វតោ បង្ហាញថា អ្នកនឹងប្រឈមមុខនឹងបញ្ហាហូបចុក ប៉ុន្តែក្នុងអាជីពនឹងមានឱកាសរីកចម្រើន។

យល់សប្តិឃើញចៃ៖ ចៃ ជាសត្វតំណាងឱ្យការបាត់បង់នៅក្នុងសុបិន។ ប្រសិនបើឃើញវាក្នុងសុបិន មានន័យថា អ្នកកំពុងស្ថិតក្នុងស្ថានភាពមិនអំណោយផលនោះទេ ហើយត្រូវប្រយ័ត្នខ្ពស់ ព្រោះអាចចាញ់បោកគេ។

តើអ្នកធ្លាប់យល់សប្តិឃើញសត្វណាមួយខាងលើនេះឬទេ?

អត្ថបទ៖ សន្យា

ចុចអាន៖ យល់សប្តិឃើញ​ “ហូបនំបញ្ចុក” ជីវិត​ពិតនឹងទទួលបានភាពសម្បូរសប្បាយ

ចុចអាន៖ ឆ្នាំ២០២៣ មនុស្សឆ្នាំ “ច” អាជីពតានតឹង ឯប្រាក់ចំណូលធ្លាក់ចុះ