ព័ត៌មានជាតិ
លោកបណ្ឌិត វង់ សុធារ៉ា ពន្យល់ចំពោះពាក្យថា «មហានគរ» សរសេរផ្គាប់ចុះក្រោមថាមិនត្រឹមត្រូវទេ
ដូចដែលមហាជនបានដឹងហើយគ្រប់គ្នាថា តារាចម្រៀងរ៉េបលោក ងួន ចាន់ដេវីត ហៅ G-Devith ថ្មីៗនេះបានចេញបទចម្រៀងដែលមានចំណងជើងថា «មហានគរ» ហើយបន្ទាប់ពីចេញបទនេះភ្លាមនោះលោកក៏ទទួលបានការគាំទ្រពីសំណាក់មហាជនមួយចំនួន ខណៈមានខ្លះបានធ្វើការរិះគន់ទៅលើការសរសេរអក្សផ្គាប់ចុះក្រោម និងការស្លៀកពាក់ជាអ្នកចម្បាំង។
យ៉ាងណាមិញក្រោយមានការរិះគន់ និងផ្ទុះការវែកញែកជុំវិញបញ្ហានេះសាមីខ្លួនលោកជី ដេវីត ក៏បានចេញមកបកស្រាយ និងទទួលយកការរិះគន់ដើម្បីស្ថាបនា។
លោកសាស្រា្តចារ្យ វង់ សុធារ៉ា ដែលជាប្រធានដេប៉ាតឺម៉ងប្រវត្តិវិទ្យានៃសាកលវិទ្យាល័យភូមិន្ទភ្នំពេញក៏បានចេញមកពន្យល់ចំពោះពាក្យថា «មហានគរ» ដែលសរសេរផ្គាប់ចុះក្រោមថា មិនត្រឹមត្រូវនោះទេ និងនាំឱ្យបរទេសមេីលងាយថែមទៀតផង។
លោកបណ្ឌិត វង់ សុធារ៉ា បានលើកឡើងថា នៅសម័យអង្គរខ្ញុំ មិនដែលឃើញដូនតាហៅថា «មហានគរ» ទាល់តែសោះ។
សិលាចារឹកសរសេរត្រឹម «នគរឝ្រីយឝោធរបវ៌្វត» ឬ «នគរឝ្រីយឝោធរបុរ»។ មកដល់ចុងសតវត្សរ៍ទី ១៥ គេហៅអតីតរាជធានីស្រីយសោធរបុរ នេះថា «ព្រះនគរ»។
សិលាចារឹកសតវត្សរ៍ទី ១៦ ឆ្នាំ ១ ៥៧៩ ទើបឃើញគេហៅថា «មហានគរឥន្ទ្រប្រឞ្ដ/ម ហានគរឥន្ទ្រប្រស្ដ» ដែលក្រោយមកត្រូវគេហៅរេលថា «មហានគរឥន្ទ្រប្រាស», «ឥន្ទិបថមហានគរ» ឬ «មហានគរឥន្ទបទ»…។ ចំណែកអ្នកខំសរសេរឈ្មោះ នេះដោយអក្សរសតវត្សរ៍ទី៩ គ្រាន់ជាការខំប្រឌិត។
លោកបណ្ឌិតបន្តថាចំណែកអ្នកតុបតែងផ្សាយម៉ូតស ម្លៀកអ្នកចម្បាំងបុរាណនិងសរសេរអក្សរដែលចង់ថា មហានគរនោះទៀតរឹតតែប្រមាថអក្សរសាស្ត្រខ្មែរទៅទៀត។ បន្ថែម៖ ខ្ញុំគ្រាន់តែចង់ប្រាប់ថា ពាក្យ «មហានគរ» ជាពាក្យយើងហៅសំដៅ «សម័យអង្គរដ៏រុងរឿង» ដែលបានកន្លងផុតទៅនោះទេដូចឈ្មោះ «ដេវីត» មិនអាចមាននៅសម័យអង្គរអញ្ចឹង។
លោកបណ្ឌិត វង់ សុធារ៉ា បញ្ជាក់ទៀតថា ខ្ញុំឥតទើស ក្បាលជាមួយអ្នកណាហៅសម័យអង្គរថា «មហានគរ»ទេ។ ខ្ញុំថា«ប្រមាថអក្សរសាស្ត្រខ្មែរ» មកពីសរសេរតុបតែងព្យញ្ជនៈ«ម» និង«រ» ផ្កាប់ចុះក្រោមប៉ុណ្ណោះ។ បើគេសរសេរឈ្មោះអស់លោកដោយផ្កាប់តួខ្លះបានដែរទេ? បើទាំងអស់គ្នាយល់ព្រមបន្តធ្វើបែបហ្នឹងទៅ៕
អត្ថបទ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង