រាសី នាគ​ ពុំ​ទទួលបាន​លាភ​សំណាង​នោះទេនៅសប្ដាហ៍ទី២ (ថ្ងៃទី៧-១៣) នៃ​ខែឧសភា ជាពិសេស​បុគ្គលិក​ការិយាល័យ នឹង​មាន​អារម្មណ៍​ពិបាក និង​អស់សង្ឃឹម​ចំពោះ​អនាគត​ការងារ​​។ នាគងាយនឹងរងគំនិតអវិជ្ជមាន ក្នុងផ្លាស់ប្តូរការងារ ឬផ្លាស់ប្តូរឧស្សាហកម្ម។ ដូច្នេះប្រសិនបើមានរឿងពិបាកក្នុងការសម្រេចចិត្ត អ្នកគួរតែសុំយោបល់ពីចាស់ទុំ ហើយសុំជំនួយពីអ្នកដទៃ។

ចំពោះហិរញ្ញវត្ថុ ​ឆ្នាំរោង អាចចំណាយច្រើន ទៅលើរឿងមិនចាំបាច់ ឬភ្លេចខ្លួនចាយវាយ ឥតបើគិត។ នាគ នឹងមានការធ្លាក់ចុះនៃប្រាក់ចំណូល ដោយសារតែមិនមែនជាផ្កាយសំណាងលុយ។ ទ្រព្យសម្បត្តិក្នុងអំឡុងពេលនេះ អាចរក្សាឱ្យគង់បាន លុះណាតែមិនភ្លើនភ្លើនភ្លេចខ្លួន។

ចំពោះសិស្ស-និស្សិត ការសិក្សា អាចស្មុគស្មាញបន្តិច ប៉ុន្តែអ្នកនឹងជោគជ័យជាមួយការប្រឡងនានា។

ក្នុង​រឿង​ស្នេហាឯណោះវិញ នាគ ដែលធ្លាប់មានជម្លោះជាមួយដៃគូ ​នឹង​មាន​ការ​សម្រុះ​សម្រួល ឬ​ចរចា​ពី​ចម្ងាយ​ពី​មនុស្ស​ជា​ទី​ស្រឡាញ់។ ប៉ុន្តែចំពោះអ្នកគ្មានជម្លោះពីមុន បែរជាមានភាពរកាំរកូស ដែលតម្រូវឱ្យគូស្នេហ៍ទាំងសងខាង ចេះយោគយល់ អាធ្យាស្រ័យគ្នា៕

អត្ថបទ៖ សន្យា

ចុចអាន៖ ទស្សន៍ទាយលាភសំណាងមនុស្សកើតឆ្នាំ “ថោះ” សម្រាប់ថ្ងៃទី៧-១៣ ​ខែឧសភា