រាសីចក្រខ្លាក្នុងឆ្នាំនាគឈើ ជាឆ្នាំមមាញឹក ក្លៀវក្លា គួររក្សាខ្លួនឱ្យស្ងប់

យោងទៅតាមរាសីចក្រចិន ទិដ្ឋភាពហិរញ្ញវត្ថុ និងលុយកាក់ របស់មនុស្សឆ្នាំខាលពេញមួយឆ្នាំ២០២៤ គឺពោរពេញទៅដោយការឡើងចុះដែលមិនគួរចូលរួមក្នុងការវិនិយោគហិរញ្ញវត្ថុណាមានហានិភ័យ ឡើយ។ ដោយមាន​តារាដំណើរជួយពីលើ អ្នកអាចផ្លាស់ទី ឬធ្វើដំណើរពីកន្លែងចាស់ សម្រាប់គោលបំណងអាជីវកម្មថ្មី ប៉ុន្តែត្រូវប្រុងប្រយ័ត្នចំពោះសុវត្ថិភាព និងការប្រថុយ។ ល្អបំផុតឆ្នាំនេះ មនុស្សឆ្នាំខ្លា ត្រូវ​រក្សា​ភាព​ស្ងប់ស្ងាត់ និង​តុបតែង​ខ្លួនស្អាតបាត ស្រស់ស្រាយបង្កើនថាមពលអារម្មណ៍ដល់ខ្លួនឯង។

១ លុយកាក់និងអាជីព

ត្បិតតែខាលមាន​បញ្ហា​លុយកាក់ ​តែអាជីពគេមិនថយក្រោយទេក្នុងឆ្នាំនេះ។ យោងតាម ​ហោរាចិន ទោះណាជាមិនឃើញ​មិនមានការតម្លើងប្រាក់ខែ ឬប្រាក់ឈ្នួល ឬមានចំណូលថេរគួរឱ្យកត់សម្គាល់ ប៉ុន្តែមនុស្ស​ឆ្នាំនេះ ត្រូវបានគេទទួលស្គាល់និងតាម​ហែរហមជួយដោយអ្នកតូចនិងអ្នកធំ។ សត្វខាលតែងមានលក្ខណៈសម្បត្តិ ជាមនុស្សឧស្សាហ៍ព្យាយាម ហើយលក្ខណៈទាំងនេះនឹងជួយពួកគេក្នុងការទទួលបានឱកាសរីកចម្រើនក្នុងអាជីពថ្មី ៗនិងគួរឱ្យរំភើប។ កេរ្តិ៍ឈ្មោះឆ្នាំនេះនឹងកើនឡើងហើយទទួលបាននិងការកោតសរសើរ។

២ ស្នេហានិងទំនាក់ទំនង

យោងតាមហោរាចក្រចិន  ​​គ្រប់ទំនាក់ទំនងសម្រាប់អ្នកកើតឆ្នាំខ្លា ត្រូវបានគេរំពឹងថា​ នឹងជួបមនុស្សថ្មី មានឱកាសដ៏គួរឱ្យរំភើបក្នុងទំនាក់ទំនង ប៉ុន្តែត្រូវដើរគ្រប់ជំហានដោយប្រុងប្រយ័ត្ននិងបន្តិចម្តងៗ សន្សឹមៗមិនប្រញិបប្រញាប់មុនសម្រេចចិត្ត។

ការយល់ច្រឡំ និងជម្លោះអាចកើតឡើង ដូច្នេះ​សូម​ណែនាំ​ឲ្យ​ដៃគូ ស្តាប់​គ្នា​ទៅវិញទៅមក និង​គោរព​គ្នា​ អត់ធ្មត់ និងការយោគយល់គ្នាឱ្យបានខ្ពស់។ មនុស្ស​ឆ្នាំខាលដែលបានរៀបការហើយ​ នឹងរីករាយនឹងទំនាក់ទំនងដែលមានស្ថេរភាព។

៣ សុខភាព

កុំបារម្ភ! សុខភាពមនុស្សឆ្នាំខាលក្នុងរាសីចក្ររោងឈើនេះនឹងល្អប្រសើរ រាល់ការធ្វើដំណើរនឹងមាន​សុវត្ថិភាព។ រាសីចក្រខាល​គួរផ្តើម​ធ្វើយូហ្គា ឬ TaiChi​​​ ប្រចាំថ្ងៃ ដើម្បីរក្សាសុខភាពផ្លូវកាយ និងផ្លូវចិត្តក្នុងឆ្នាំនេះ។

ក្បួនដោះស្រាយហុងស៊ុយ សម្រាប់អ្នកកើតឆ្នាំខាលក្នុងរាសីនាគ ឆ្នាំ២០២៤៖

Feng-Shui គឺជាទម្លាប់ប្រពៃណីចិនបុរាណមួយ ដើម្បីរៀបចំកន្លែងរស់នៅ ធ្វើឲ្យមានតុល្យភាពរវាងពិភពសម្ភារៈនិយម និងធម្មជាតិ (អរូប) វាជួយក្នុងការប្រមូលផ្តុំកម្លាំងថាមពល និងបង្កើតភាពសុខដុមរមនារវាងមនុស្ស និងបរិស្ថានរបស់ពួកគេ។ ដូច្នេះ សូម​ពិភាក្សា​អំពីការបន្ថែមថាមពលហុងស៊ុយ និង​មន្ត​ស្នេហ៍​ដែល​សត្វ​ខ្លា​អាច​ប្រើ​ដើម្បី​ទាក់ទាញ​បន្ថែមឱកាស​សុខភាព ទ្រព្យសម្បត្តិ ភាពរុងរឿង និង​សន្តិភាពចិត្តមានជាអាថ៌៖

ការដាក់ចានទ្រព្យសម្បត្តិដែលពោរពេញទៅដោយកាក់ គ្រីស្តាល់ និងនិមិត្តសញ្ញាផ្សេងទៀតនៃសុខភាព និងភាពបរិបូរណ៍នៅជ្រុងអាគ្នេយ៍នៃផ្ទះ និងការិយាល័យ។

ព្យួរ ឬតាំងកង្កែបជើងបីជាមួយនឹងកាក់នៅក្នុងមាត់ នៅជិតច្រកចូលការិយាល័យ ឬផ្ទះ ដើម្បីទាក់ទាញភាពសម្បូរបែប និងវិបុលភាព។ អ្នកក៏អាចពាក់គ្រឿងអលង្កា Pi-Yao ដែលជនជាតិចិនជឿថា​ នឹងនាំមកនូវសំណាងល្អនិងការពារ ពីកម្លាំងអវិជ្ជមាន។ ជ្រើសយកការស្លៀកពាក់ពណ៌ស លឿង ឬបៃតង ឬដាក់វត្ថុដែលមានពណ៌ទាំងនេះនៅក្នុងផ្ទះ ឬការិយាល័យក៏បាន។ មួយទៀត អ្នកអាចជូនផ្លែឈើដល់ចាស់ព្រឹទ្ធាចារ្យឬអ្នកមានគុណ៕

គ្រូ ឯម

ចុចអាន៖២០២៤ នឹង​ក្លាយជាឆ្នាំចម្រុះ ដែលមនុស្ស​ឆ្នាំឆ្លូវប្រឈម​ទាំងទិដ្ឋភាពហិរញ្ញវត្ថុ និងអាជីព