រាសីមនុស្ស​ឆ្នាំថោះ ក្នុងរាសីចក្រ «នាគឈើ ២០២៤» ខ្លាំងលុយ ខ្សោយទំនាក់ទំនង

ធម្មតា​នាគ និងទន្សាយអាចបន្សាំគ្នាបានយ៉ាងងាយ ប៉ុន្តែសម្រាប់នាគឈើ ទន្សាយនិងមានបញ្ហា​ខ្លះលើផ្នែកស្នេហា គ្រួសារ​ដែលអាចបង្កើតបាន​ជាជម្លោះរៀងៗខ្លួន។ យោងតាមហោរាសាស្ត្រចិនឆ្នាំ ២០២៤ មនុស្ស​កើតឆ្នាំថោះ ​អាច​ប្រឈម​នឹង​ការ​លំបាក​ខ្លះៗ​ក្នុង​ជីវិត​គ្រួសារ ហើយ​ជម្លោះ​អាច​កើត​ឡើង​។

ទោះយ៉ាងណា ដោយបានការគាំទ្រពីផ្កាយព្រះអាទិត្យនៅក្នុងរាសីចក្រ ឆ្នាំ២០២៤ គ្រប់ពេលមាន​បញ្ហាមួយកើតឡើង នរណាម្នាក់នឹងក្រោកឈរឡើងដើម្បីជួយពួកគេ។ លើសពីនេះ ទន្សាយនឹងរីករាយក្នុងទំនាក់ទំនងសង្គម ពន្លឿនអាជីវកម្ម និងមាន​ភាពស្និទ្ធស្នាលជាមួយអាជ្ញាធរ ឬចៅហ្វាយនាយ។

លើ​ផ្នែក​សុខភាព ឆ្នាំនេះមាន​សញ្ញា​​បង្ហាញ​ពី​បញ្ហា​សុខភាព និងអារម្មណ៍អវិជ្ជមាន មកជាសម្ពាធគាបសង្កត់ ងាយនឹងកើតជំងឺធ្លាក់ទឹកចិត្ត​ផ្សេងៗ។ គួរផ្តើម​ទម្លាប់សមាធិ បន្ថែម​លំហាត់រាងកាយ និងការដើរឱ្យបានច្រើន សំងំគេងលក់ឱ្យបាន​ល្អ កុំខកខានអាហារមានជីវជាតិ។ ក្រៅអំពីឧបសគ្គ មិនសូវចុះសម្រុង​ក្នុងជីវិតស្នេហា មនុស្ស​ឆ្នាំថោះមិនមាន​វិបត្តិហិរញ្ញាវត្ថុទេ។

ខែ​សំណាង​សម្រាប់​មនុស្សឆ្នាំថោះក្នុងឆ្នាំ២០២៤ គឺ​​ ខែមីនា មិថុនា និង​ធ្នូ ពណ៌​នាំ​សំណាង​សម្រាប់​ស្នេហា​គឺ​ពណ៌​ផ្កាឈូក ពណ៌​ស្វាយ និង​ខៀវ ។

យោងតាមហោរាសាស្ត្រចិន មនុស្ស​ឆ្នាំថោះ កំពុងអំណោយផលខ្លាំង ទាក់ទងនឹងហិរញ្ញវត្ថុ។ ឱកាសថ្មីនឹងគោះទ្វារ ហើយជម្រើសនៃការវិនិយោគពីវិស័យថ្មីនឹងនាំមកនូវ ភាពជោគជ័យ ។

ក្បួនហុងស៊ុយសម្រាប់អ្នកកើតឆ្នាំថោះក្នុងឆ្នាំ២០២៤៖

រូបសំណាក Jade Rabbit៖ ជានិមិត្តរូបនៃសន្តិភាព ភាពស្ងប់ស្ងាត់ មិត្តភាព ភាពស្និទ្ធស្នាល និងភាពរុងរឿងគួរតែតកមកដាក់នៅ ទិសខាងកើត ឬទិសអាគ្នេយ៍នៃគេហដ្ឋាន និងការិយាល័យដើម្បីទាក់ទាញសំណាងល្អ សន្តិភាព និងភាពជោគជ័យ ព្រោះនេះជាទិសដៅដ៏ស័ក្តិសម។

គ្រីស្តាល់ Citrine៖ ជាគ្រីស្តាល់ដ៏មានថាមពល ដែលនាំមកនូវប្រាក់ ការលូតលាស់ ភាពរុងរឿង និងភាពសម្បូរបែប បង្កើនសំណាងហិរញ្ញវត្ថុអាច ដាក់នៅជ្រុងភាគអាគ្នេយ៍នៃផ្ទះ និងការិយាល័យ ដើម្បីទទួលបានលទ្ធផលល្អបំផុត ព្រោះវាជាធាតុដែលទាក់ទងជាមួយពន្លឺព្រះអាទិត្យ។

ជាចុងក្រោយ សូមផ្ដាំទៅកាន់មនុស្សឆ្នាំថោះ បើចង់ថ្វាយផ្លែឈើអ្វីក្តីគួររើសយកពណ៌​ទឹកក្រូច និងលឿង៕

គ្រូ ឯម

ចុចអាន៖រាសីចក្រខ្លាក្នុងឆ្នាំនាគឈើ ជាឆ្នាំមមាញឹក ក្លៀវក្លា គួររក្សាខ្លួនឱ្យស្ងប់