វប្បធម៌ ជំនឿ

ទំនៀមទម្លាប់ខ្លះៗ គេតែងនិយមធ្វើក្នុងថ្ងៃចូលឆ្នាំចិន នាំលាភសំណាង

បានផុស

២ years មុន

នៅ

ថ្ងៃអង្គារ ៦ កុម្ភៈ ២០២៤

ដោយ

ទំនៀមទំលាប់ប្រពៃណីរបស់ប្រជាជនចិនក្នុងឱកាសបុណ្យចូលឆ្នាំថ្មី ដែលបានបន្សល់ទុកតាំងពីអតីតកាលត្រូវបានគេ ចាត់ទុកជាទំនៀមទំលាប់ ដើម្បីលើកតម្កើងលាភសំណាង បង្កើនសុភមង្គលពេញមួយឆ្នាំ។ ប្រជាជនខ្មែរ-ចិន និងជនជាតិចិនដែលរស់នៅក្នុងប្រទេសកម្ពុជា ក៏អនុវត្តទម្លាប់នេះពីមួយជំនាន់ទៅមួយជំនាន់ដែរ ខណៈដែលក្នុងថ្ងៃពិសេសបែបនេះ យោងតាមអបិយជំនឿដ៏យូរលង់របស់សែស្រឡាយចិន គេប្រកាន់យ៉ាងមុតមាំណាស់ថា រឿងខ្លះគួរធ្វើនិងរឿងផ្សេងទៀតមិនគួរធ្វើដាច់ខាតក្នុងថ្ងៃចូលឆ្នាំថ្មី។

តើទំនៀមទម្លាប់អ្វីខ្លះដែលប្រជាជនចិនចូលចិត្តធ្វើ ក្នុងថ្ងៃចូលឆ្នាំចិន

១ គោរពព្រះ គោរពដូនតា ហើយថ្វាយបង្គំខ្មោចដែលគ្មានសាច់ញាតិ

ដំណើរការដ៏សំខាន់បំផុតមួយនៃបុណ្យចូលឆ្នាំចិន គឺការគោរពដល់បុព្វបុរស វត្ថុពិសិដ្ឋ ព្រោះការថ្វាយបង្គំព្រះ ជាអ្វីដែលនៅជាមួយជនជាតិចិនជាយូរមកហើយ។ គ្រប់គ្រួសារនឹងរៀបចំដង្វាយរួមមានអាហារប្រៃ អាហារផ្អែម និងផ្លែឈើល្អៗ ដើម្បីប្រើប្រាស់ជាតង្វាយក្នុងឱកាសបុណ្យចូលឆ្នាំចិន ដែលត្រូវជាថ្ងៃសុក្រ ទី៩ ខែកុម្ភៈ ឆ្នាំ២០២៤។ នៅពេលព្រឹកនឹងថ្វាយបង្គំនៅផ្ទះ និងគោរពដល់បុព្វការីជនដែលបានចែកឋានទៅ។ ពេលថ្ងៃត្រង់ចាប់ផ្ដើមថ្វាយបង្គំខ្មោចដែលគ្មានសាច់ញាតិ។ គ្រឿងបូជានោះមានទាំងរបស់ប្រៃ និងផ្អែម ព្រមទាំងអាហារកំប៉ុងដូចជា បាយ និងអំបិល ដើម្បីឲ្យខ្មោចដែលគ្មានសាច់ញាតិយកទៅតាម។ ក្រោយពីបញ្ចប់ការថ្វាយបង្គំរួចត្រូវបាញ់កាំជ្រួច។ដើម្បីបណ្តេញរឿងអាក្រក់ចេញពីជីវិត

២ ការជួបជុំគ្រួសារ

កិច្ចការដែលត្រូវធ្វើ និងចាត់ទុកថាមានសារៈសំខាន់បន្ទាប់បន្សំគឺជួបជុំគ្រួសារ ព្រោះថ្ងៃចូលឆ្នាំចិនត្រូវបានគេចាត់ទុកជាថ្ងៃសម្រាប់ការជួបជុំគ្រួសារចិន។ កន្លែងដែលសមាជិកគ្រួសារទាំងអស់នឹងមកជួប និងពិភាក្សា ហើយចូលរួមតុអាហារ វាជាអាហារមានរសជាតិផ្អែម ប្រើសម្រាប់បូជាដល់ព្រះ និងដូនតា រួមទាំងការចូលរួមតុញ៉ាំនំប៉ា។ មូលហេតុដែលយើងត្រូវញ៉ាំនំប៉ាវ គឺដោយសាររូបរាងនំប៉ាវស្រដៀងនឹងពាក្យចិនថាលុយ សូមឲ្យអ្នកមានលុយ។

៣ ជូនពរចាស់ទុំដោយផ្លែក្រូចចំនួន៤

ទំនៀមទម្លាប់ដែលត្រូវតែអនុវត្តតាមនៅថ្ងៃធ្វើដំណើរ ដែលរាប់ថ្ងៃចូលឆ្នាំចិន ប្រជាជនចិនទាំងអស់នឹងយកក្រូច៤ផ្លែទៅគោរពចាស់ព្រឹទ្ធាចារ្យ និងសុំពរជ័យ។ ពេលកូនៗនិងចៅៗមកប្រគេនផ្លែក្រូច៤ផ្លែ មនុស្សចាស់នឹងទទួលបានក្រូច២ផ្លែ ហើយប្រគល់ក្រូច២ផ្លែពីផ្ទះរៀងៗខ្លួនទៅឲ្យកូនៗនិងចៅៗវិញ។

៤ ញ៉ាំបួសជាអាហារដំបូងប្រចាំឆ្នាំ

នៅថ្ងៃចូលឆ្នាំចិន ប្រជាជនចិនញ៉ាំអាហារពេលព្រឹកបួស ដែលត្រូវបានគេចាត់ទុកថាជាអាហារដំបូងប្រចាំឆ្នាំ ព្រោះចិនជឿថា ឆ្នាំថ្មីគួរតែចាប់ផ្តើមជាមួយរឿងល្អៗ ហើយការទទួលទានអាហារបួសជាអាហារដំបូង គឺជាវិធីដ៏ល្អបំផុតដើម្បីចាប់ផ្តើមឆ្នាំថ្មី។ ព្រោះអ្នកបួសទាំងអស់ នឹងពេញចិត្តតាំងពីអាហារដំបូង។

៥ ស្លៀកសំលៀកបំពាក់ល្អៗ ឈុតថ្មីនៃពណ៌ភ្លឺ

ការស្លៀកសំលៀកបំពាក់ពណ៌ភ្លឺថ្មី ប្រៀបដូចជាអាថ៌កំបាំងក្នុងការមានជីវិតភ្លឺថ្លាពេញមួយឆ្នាំ មានតែរឿងថ្មីៗ រឿងល្អចូលមក។ ពណ៌ដែលពេញនិយមមិនដែលចោលឆ្នាំណានោះគឺក្រហម ដែលមានន័យថា លាភសំណាង និងទ្រព្យសម្បត្តិហូរហៀរ។

៦ ទទួលអាំងប៉ាវ ឬផ្តល់ស្រោមសំបុត្រក្រហម

វត្ថុចុងក្រោយដែលមិនអាចខ្វះបានគឺអាំងប៉ាវឬស្រោមសំបុត្រក្រហម ដែលសព្វថ្ងៃនេះគេសំដៅដល់មនុស្សពេញវ័យឬមានគ្រួសាររួចហើយ ប្រសិនបើអ្នកមានប្រាក់ខែសម្រាប់ផ្គត់ផ្គង់ខ្លួនឯងរួចហើយ អ្នកត្រូវតែដាក់លុយ (តាអៀ) ក្នុងស្រោមសំបុត្រក្រហម (អាំងប៉ាវ) ដើម្បីផ្តល់អំណោយដល់ក្មេងៗ។

សម្រាប់កូនៗ ឬចៅៗ នឹងទទួលបានស្រោមសំបុត្រក្រហមពីសាច់ញាតិចាស់ទុំ មុននឹងទទួលស្រោមសំបុត្រ ឬអំណោយ ពួកគាត់ត្រូវនិយាយទៅកាន់ចាស់ទុំថា “សូមឲ្យឆ្នាំថ្មីនេះ សម្រេចបាននូវរាល់បំណងប្រាថ្នារបស់អ្នក និងមានភាពចម្រុងចម្រើន” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាចុងក្រោយក្នុងពិធីបុណ្យចូលឆ្នាំថ្មីនឹងបញ្ចប់ជាមួយនឹងទំនៀមទម្លាប់សំខាន់ៗចំនួន ៦ ដែលត្រូវធ្វើនិងគួរធ្វើក្នុងថ្ងៃពិសេស។ ក្នុងឱកាសចូលឆ្នាំចិន អ្នករាល់គ្នាមិនត្រូវភ្លេចធ្វើតាមប្រពៃណីដ៏ល្អនេះឡើយ ដូច្នេះជីវិតនៅឆ្នាំ ២០២៤ នឹងមានភាពរលូននិងសំណាងពេញមួយជីវិត៕

គ្រូ ណុប

ចុចអាន៖ផ្លែឈើ ៣ មុខ គេមានជំនឿមុតមាំខានមិនបាន ក្នុងថ្ងៃសែនដកជើងធូបស្អែកនេះ